MUC

Print Friendly and PDF

Wednesday, March 23, 2016

June 25 | Sabbath Kaal 13 na

  
          Khatna: Tu quarter sungin South Pacific Division sunga om Vanuatu, Fiji, New Caleonia, New Zealand, Papua New Guinea gama nasepziate i za khin hi.

Fiji gam in cidamna lamah khangto nai lo hi. Mi ( 5) ah mi ( 1) in a kilawh thei lo natnate hangin si pahpah uh hi.


            Nihna: A kilawh thei lo natna i cihte in lungtang tawh kisai natnate, cancer, awm tawh kisai natnate, si-khum natnate hi.

              Khatna: Hih a kilawh thei lo natnate pen koi pan hong kipan hiam cihleh zatepna, zu dawnna, khua-ul kai ngei lo, a al, a khum, a thau tamnek luatna panin kipan hi.

           Nihna: Adventist pawlpi in hih bang nek le dawnte zat loh ding limgen mahmah hi. A kilawh thei lo natnate 95% pen gamtat, gawltan zawh lohna pan hong kipan hi. Bang ne ding, bang sem ding ci-in i khensat bangbang in i pumpi cidamna sukha hi.


            Khatna: Cidam nading tawh kisai Adventist pawlpi in i tangko zawh kum 100 val khin hi. Ellen G White in zong hih tawh kisai limgen khin mahmah hi. Theih le zuih kibang lo-a, i theih bangin i zuih kei leh, i theihna in mannei lo hi.
             Nihna: Topa Pasian in Adventist pawlpi tungah cidamna thuman hong pia hi. Sia le makaite in zong cidamna nasia takin a hilh ding ban uhah amau mah mah zong a cidam ding uh kisam hi.

Khatna: South Pacific Division in cidamna tawh kisai ten-tan pia kawikawi hi. Cidam nading sepna pen tatkhiatna tawh kisai nasep ahih manin thupi mahmah hi.

Nihna: Cidamna tawh kituak anhuanzia a kipan pumpi taksa tawh kisai theihhuai thute hilh kawikawi hi ung.

Khatna: Tua bangin cidamna tawh kisai pawlpinasepnate khua sung makaite le kumpi nasemte tungah zong ka zasak uh hi. Amau zong pawlpinasepte hong enin thupi-sa thei mahmah uh hi. Pawlpi nasepna zong hong huh uh hi.

Nihna: Gam uk makai uliante in Fiji SDA makaipipia kiangah bangci hiam cihleh “ i gam sungah cidamna tawh kisai nasem ding no pawlpi sim loh midang om lo hi. SDA pawlpi simloh cidamna tawh kisai a hilh kuamah om lo ahih manin, no pawlpi in hih tawh kisai hong makai un,” ci-in gen hi.

Khatna: Tua bang thute hangin Suva khuapi ah khawmpi khat kinei-in tua khawmpi sungah bang kipsakna kinei hiam cihleh SDA pawlpi simloh cidamna tawh kisai nasem dang om lo ahih manin, Fiji gam mite aa dingin SDA pawlpi in cidamna tawh kisai nasep hong makai ding hi, cih kipsakna nei uh hi.

Nihna: Tua khawmpi khitteh mun tuamtuamah cidamna tawh kisai thugenna, thusinna, limlahna a kipan, cidamna tawh kituak ding anhuanzia sinna cihte pawlpi in nei kawikawi hi.

SDA pawlpi in Fiji gam mite aa dingin a hih theihzahin nasem uh hi. Hih bang nasepna tungtawnin pumpi taksa cidam ding banah nuntakna a cidam ding, mite in Jesuh Khrih um-in, Ama thuman a zuih nading uh ngimna ahi hi.

Khatna: Tu quarter 13 Sabbath School sumpi in Fiji gam om SDA pawlpi in cidamna tawh kisai nasepna a tangzai zawk nadingin kipuak ding hi. Tua bangin cidamna tawh kisai thusinnate ah a kisam inn, anhuanna, giahbuk cihte aa dingin kizek ding hi.

Tua banah New Zealand gamah biakna nei lo tampi om ahih manun tua mite in Pasianthuman a zak theih nading un nasepna dingin kipuak ding hi. A diakdiakin TV, Internet tawh nasep nadingin kizek ding hi.

Khatna: Tuate banah South Pacific Division in khangno kimakaih nading center tuamtuam nei-a tua munte aa dingin zong leitungbup 13 Sabbath School sumpi kipuak ding hi.
MUC in MMCC aa dingin zek ding hi.

To get the latest update of me and my works

>> <<