MUC

Print Friendly and PDF

Wednesday, March 23, 2016

June 18 | Ben ii Tangthu


Ben

Ben pen Papua New Guinea gam nisuahna lam Bush Bata khua panin khangkhia khangno khat hi. A pa in Ben kikhel ding lamen ahih manin Kabiufa Adventist sangah sangkahsak hi. Hih sang a kah laitak mahin Ben zong kituiphum hi. Ben in Tan (10) a zawh khitteh Sonoma Adventist College ah Accounting tawh kisai sin dingin geelna nei hi. 2008 kumin college zo a, Western Highlands Mission ah nasem dingin sapna ngah hi.


Hih laimunah ka septeh innlam ka phawk nawn kei hi. Ka inn pen hih khua panin minutes 45 val deuh khawng bek kipai ding hi. Ahi zongin ka nasep nuamsa ka hih manin inn ciah ding peuhmah ka ngaihsunkha man kei hi. Khuakim khuapam ah pai-in Khrih thu gen nuam kasa hi. Tua bangin Pasian nasemin ka pai ciangin mite kitangsapna tuamtuamte panpih zo leng, ka gen thute sang baih thei zaw ding hi, ci-in ka ngaihsun hi. Tua mite kitangsappi pen in tui hi. Tui hamsa ahih manin gamla pipi pai-in tui tawi uh hi. 2011 kum a kipan tuibung bawl ka kipan hi. ADRA zumah pai-in hong huh nadingin huhna ka ngen hi. Makaite zong ka omna munah hong pai pah uh a, khua sung mite in tuitawi kul nawn lo, amau innciatah kingah thei dingin kumpi tawh kikopin hong bawlsak uh hi.

2014 kumin khua sungah nuamtakin tui kingah thei zihziah hi. A taktakin ka kipatma-um khua sung makaite in piang thei lo ding hong ci uh hi. Tuinak pen tai (8 ) bang gamla hi. Tuizawl pai nading a suk a to hi mawk ahih manin kuamah in piang thei lo dingin ngaihsun uh hi. Bangci ka hiam cihleh no muhna ah piang thei lo hi. Ahi zongin Pasian in na khempeuh semthei hi. Pasian in hong hehpihin tui kingah ding hi, ci-in ka dawng hi. Ahi zongin nasep pen hamsa peuhmah hi. Kha 8.5 bang a kisep khitteh kizo thei pan hi. Inn nih inn thum kipawl in tui-lu khatta zangkhawm thei uh hi. Gamlapi pan kila ahih hangin tui pen siang kilkel hi.

Tu-in khua zangin tui kingah khin, biakinn khat lam ding ka ngaihsun hi. Bang hang hiam cihleh biakinn kinei nai lo, inn ah kikhop hi lai hi. A nute uh Sunday ni-in a kikhop uh hangin naupangte ahih leh Sabbath ni mahin kikhawm dingin inn ah hong pai tanghtangh uh hi.

Ka innkuanpih, ka sanggamte Pentecostal sungah om lai uh hi. Lai Siangtho thuman a tel theih nadingun thu ka ngen tawntung hi. Adventist pawlp in hun nununga a cianlai pawlpi ahihlam hong theih nadingun thu ka ngen hi.

Ka nu zong a nungaklai-in Adventist thu-um mi khat hi-in ka pa tawh a kiten uh a kipan Pentecostal sungah om hi. Adventist ka suah a kipan ka nu zong Adventist pawlpi ah hong lut kik hi.

Papua New Guinea Union Mission in 1949 kumin kiphut hi. Hih gamhuam sungah Adventist thu-um mi ( 240, 205) val bang om hi. South Pacific Division sungah pawlpi mi a tampenna gam hi. Biakinn 962 omin, company 2852 bang om hi. Tu quarter 13 Sabbath School sumpi in Papua New Guinea gam kipuak ding hi. MUC in MMCC aa dingin zek ding hi.

Mai Sabbath in Sabbath 13-na ahih manin sumpi i khiat ngei ii a zah ( 3) khia dingin hong kiging un.


(Mai-a Mission news sim ding mi nih sawl in)

To get the latest update of me and my works

>> <<