MUC

Print Friendly and PDF

Wednesday, March 23, 2016

April 9 | Nang Mah Hiteh (Khennihna)

April 9

                      NANGMAH HITEH! Khennihna(Nung Sabbath-aa zom)

Jean Pierre

Friday ni khat Jean Pierre in a zi kiangah Adventist pawlpi ah tui kiphum ding a khensatna gen hi. “Zingteh tui kiphum ning” ci-in a zi kiangah pulaak hi. A zi zong nuamlua mahmah hi. Pasian in ka thunget hong dawng hi, ci-in a lungnuam mahmah hi.

Tua bangin a pulaak khitteh Presbyterian pawlpi-a a pastorpa, a pa-neu ahih mah bangin hawhkhawmin, Adventist pawlpi ah tui kiphum ding a khensatna thu va pulaak hi. A pa-neu kiangah bangci hiam cihleh, “ Adventist ka suah hangin nang pen ka pa-neu mah hi veve teh! Innkuan khat i hihna a bei hi tuan lo hi,” ci-in va gen hi. “Ahi zongin Sabbath Nipi thuman kong gen lohin om thei lo ka hih manin hih thu pen na hih ding kisamsa ka hih manin hong gen hing,” va ci hi. A pa-neu zong tawl khat bangmah pau lo-in om deeduu hi. “Tu ni Friday, zingteh Saturday ni, ka tuikiphum ding ni, Sabbbath Nipi zangta ding hi,” cih hong thei hileh kilawm hi. Tua leh pastorpa in Pierre kiangah “ na khensatna hi mah eei” ci-in dawng kik hi. Jean Pierre kituiphum ni-in a sanggam khempeuh le Presbyterian-a pastorte zong hong pai uh hi. Kuamah mah pau lo uh hi. Pierre kituiphum khitteh a pawlpi lui Presbyterian ah vapai-in upa dangte tawh kimu-in amau innkuan sunga Nipi tawh kisai a buai-na thute vagen hi. PV 14 thugenna hangin Sabbath Nipi, thuman a telzia cihte va gen hi.

Upa-te Sapna ngah:


Jean Pierre kituiphum khitteh Presbyterian pawlpi-a upa-te in kimukhawm dingin sam uh hi. Thudang gen lo-in Adventist pawlpi nusia ding bek gen uh hi. Ahi zongin Jean Pierre in “ Jesuh hong pai dong hih Sabbath thuman pen nusia lo ding hing. Sawtlaipekin ka zonzon hi, ci-in dawngkik hi. Amaute muhna ah Lai Siangtho sim-in, hih Lai Siangtho mah no zong na sim uh hi. John 14: 15 sung simin “ kei na hong it uh leh ka thupiakte na zui ding uh hi.” No zong Pasian ka it uh hi, ci na hih uh leh, Pasian cih bang i zuih ding kisam hi, ci-in dawng kik hi. Jesuh thupiak a zui lo khempeuh pen Jesuh a it takpi lo hi, cih kilang hi, ci-in dawng kik hi.

Jean Pierre in thuman a zuih zawk ding uh limtakin gen hi. Jesuh zui le-uh cin, khial ngei lo ding, ci-in gen hi. Tua upa-te lakah upa khat mah in tawl khat khitteh Adventist pawlpi sungah tui kiphum hi.

Tuu-te Vak:

Tu-in Jean Pierre le a zi in a inn uh “tuu buk” ci-in minvawh uh a, naupang kipantahna munin zang uh hi. Tua banah Wednesday nitak simin thunget kikhop, Friday nitak le Sabbath kikhopna mun dingin a inn uh zang uh hi. Kikhopna mun bek hi lo, Sabbath kikhop khit sialin kikhawm khempeuh anvak uh hi. Mi 30 val bang kikhawm denin, tuikiphum khit pen mi 5 om hi.

Jean Pierre in Pasian tungah ki-ap ding cih pen hamsa a sak mahmah khat hi. Ahi zongin a ki-ap khit a kipan Pasian thupha tampi sang zaw hi, cih pen amah le amah kitel mahmah hi. Amau innkuan sung zong pum khatin nuam hongsa mahmah theita uh hi. Vanuatu gam min khat hi-in, a khiatna in “A tawntung gam” cihna hi. Vanuatu gam sung mi a tamzaw Melanesian hi-in, kampau kibang lo a tuamtuam 115 val om hi. Vanuatu gamhuam sungah tuikulh 83 om hi.

Tu quarter 13 Sabbath School sumpi in Vanuatu gamah biakinn lam nadingin kipuak ding hi. MUC in MMCC aa dingin kipuak ding hi.

To get the latest update of me and my works

>> <<