Pastor Joe in makaite tawh kimu biakinn ding a mun le a inn vai kikuppih hi. Pasian in hong makaih hi ding hi, ci-in a upna pulaak hi. Sum a kipiaklian nailoh hangin innnei-pa in “inn kizuak hi,” cih kilaisuang pen innnei-pa in lakhia pah hi.
HAMSATNA TUAMTUAM:
A kua maciat in a mun lei khitteh a inn ding sum hamsa sa uh hi. A innpuah kikin biakinn aa zat sangin a thak khat kilam leh hoih zaw ding hi, cih thu kikum uh hi. Ahi zongin tua ding pen khua sung makaite phalna kisam hi.
A kim a paam mite in bangci bangin tua inn ngah thei na hi uh hiam ci-in, inn a lei theih uh pen lamdangsa mahmah uh hi. Pastor Joe in zong a kipatna pan a piangzia pulaak hi. Nitak khat sangnaupang pawl khat lamsiau-in a vak uh leh, “inn kizuak hi,” cih lai kisuang mu kha uh a, tua tungtawnin ka ngah thei uh hi,” ci-in dawng kik hi. A kim le paama om mite in Adventist biakinn khat kilam ding cih thu a zak uh a kipan lungdam mahmah uh hi. Ahi zongin tua kim a teng RC thu zui mi khat lungkim het lo hi. Hih vai tawh kisai-in RC pawlpi makaite in pastor Joe tawh kimu nuamtuan lo uh hi. Tua bang teng hangin kha 8 sung bang zekai hi. Pastor Joe le a pawlpi mite in hih RC pawlpi in a nawngkaisak nawn lo nadingin thungen uh hi. Tua kawmkalah mi tampi in tua mun a lei nuam uh hi. Pastor Joe kiangah hong leisak lel un, ci-in ngengen uh hi. Ahi zongin pastor Joe in phal lo hi.
Hih bang tawh maikisawh thei lo ahih manin ni khat pastor Joe in RC makai-te kiangah vapai-in hih bangin i kilangneih det pen hoih het lo hi, ci-in va gen hi.
Tu-in sangnaupang 300 val bangin tua biakinnpi sungah kikhawm thei uh hi.
Fiji gamhuam sungah tuikulh (330) val bang om hi. Hih teng lak pan tuikulh (110) khawng bekah mi tengin, tua lote ah kuamah om lo hi. British kum in kum 96 val bang uk uh a, 1970 kumin suahtakna ngah uh hi. Fiji gam ah milip vekpi (900,000) val bang om hi. 2014 kum bei-in Adventist thu-um mi 24,732 bang om hi. Tu quarter 13 Sabbath School sumpi in Fiji gama kisam biakinnte aa dingin kipuak ding hi. MUC in MMCC aa dingin zek ding hi.
