MUC

Print Friendly and PDF

Wednesday, March 23, 2016

April 16 | Pastor Joe le Pastor huhpa

Fiji gam in South Pacific tuikulh laizang om hi. Fiji gam khuapi in Suva hi. Suva khuapi ah laisinna sanginnpi, zato cihte om hi. Fiji gamah Adventist sangah
sangnaupang vekpi 500 bang om hi. Hih naupangte in mailam ah pawlpi makai hong suak ding uh hi. Ahi zongin hih naupangte kim khat a omna panun biakinn gamla-in kikhawm thei lo tampi om uh hi. Pawl khatte in innsapin kikhawm uh hi. Fiji Adventist University in zong biakinn nei zo nai lo hi. Hall khat sungah kikhawm uh hi. Laisinna hallpi-in zong zang uh hi. Pawl khatte biakinn tawh kigamla lua, biakinn tung zo mengmeng lo, a sawtteh kikhawm nawn lo om uh hi. Ahi zongin tu quarter 13 Sabbath School sumpi tawh biakinn kilam ding hi. MUC in MMCC aa dingin puak ding hi.


MASAK DING:

Pastor Joe Talemaitoga in Fiji gamah nasem dingin hong tunteh pawlpi mite pulaak masak penpen in bang hiam cihleh Fiji University sangnaupangte kikhop nading biakinn a hi hi. Biakinn lamkhop nading sum bel khin, ahi zongin biakinn lam nading mun kician om thei nai lo hi. University tawh kinai-na mun khat hi leh, sangnaupangte hi taleh, mun dang pan hong pai pawlpi mite aa dingin zong a lem ding mun kimu nai lo hi.

KIMUHKHOPNA:


Nitak khat pastor Joe le makai pawl khat in sangnaupang makai-te tawh kimukhopna khat nei uh a, biakinnlam nading mun kikupna nei uh hi. University panin tai (1) na mun khawng a deih uh hin, tua dan ding mun awng om lo hi. Nitak khat sangnaupang kim khat lamsiau-in a vak uh leh, mi khat in mawtaw tuangin, a mawtaw tuanna pan hong tuak khia-in, laisuan khat hong pusuakkhia-in, tua laisuan pen inn gol mahmah khat mai-ah hong suang hi. Tua laisuan in bang gen hiam cihleh “hih inn le a mun kizuak hi” cih a muh tak uhteh, amau zong pastor Joe va zasak pah uh hi.

BIAKINN DING MUN HOIH PEN

A zingsang nai 7.30 pawlin, pastor Joe in innzuakpa phone tawh hopih pah hi. Tua ni sun teh, pastor pa zong inn mun va en pah hi. University sangpi gei teng mah a deih uh ahih manin lungdam mahmah uh hi. Biakinn dingin a deihna mun uh mu-ta uh hi. Tua mun lei dingin khensatpah uh hi. A inn pen biakinn dingin puah ding geelna nei uh hi.

Pastor Joe le innnei-pa in a sawl agent pa tawh hong kiho uh a, hih pa pen a neu lai-in Suva Adventist sang ah sangkahin, hih sang pan a sin Adventist thute phawk kik hi. Pastor Joe in innnei-pa tawh hong kimu uh hi. Innnei-pa pen India mi khat hi. Hih pa pen hun khat lai-a Pastor Joe in Tamavua ah Pasian thugenna nei-a, tua lai-ah thungai-in kikhawm ngei ahih manin innnei-pa in Pastor Joe thei mahmah hi. Innnei-pa in Pastor Joe kiangah “bang ding hiam? hih ka inn le huang nong leisawm uh” ci-in donga, Pastor Joe in “biakinn ding hi,” ci-in dawng hi. Innnei-pa in ni nih sungin 10 % bang hong pia zo le uhcin ci hi. Pastor Joe in mission offering in hong leisak ding hi, hong pia zo mah nung, ci-in dawng kik hi.

Hih thu mai Sabbath ah zom kik lai ding hi hang.

To get the latest update of me and my works

>> <<