MUC

Print Friendly and PDF

Friday, February 19, 2016

Pastor Isaac: Palik pan pastor nasem


Feb 27, 2016 | Pastor Isaac: Palik pan pastor nasem

Pasian in Ama nasem dingin Isaac Ruiz Diaz a sapkhiat laitakin Isaac in palik sungah kum 20 bang nasem khin hi. Ahi zongin Isaac in kum 24 sung bang na a sepna ah khuapi 6 ah pawlpi 29 bang phut hi. “ Nisuh Nipi” “ Easter Sunday” cih nite ah Isaac in Jesuh hong itna thute genin tua tungtawnin mi tampi kituiphum uh hi. Nitak khat Pasian thugen dingin jeep motor tawh tai 13 bang a pai khit uhteh motor pai thei nawn lo hi. A lawmte paisuak sakin Pastor Isaac in tua lai-ah tamsuak hi. Guahzu zu-in ni li sung bang tua munah tam hi. A giahna innneu khat hi-in, inntekte tawh giak khawm mai hi. Zanteh innnuai-a vokte le namsia-te hangin Isaac bel ihmu thei vet lo hi. Inntekte in a lawm dangte uh zong va samin, tua lai munah Isaac in Lai Siangtho sinpihna nei hi.

Guahtheu-in a pai nading mun ah zuan kik thei uh hi. Kha 8 sung bang Lai Siangtho sinna a neih khit uhteh mi 8 tui kiphum uh hi. Khua kim khua pam ah zong pai-in Lai Siangtho sinpihna nei uh a, mi 150 val bang thungai-in hong kikhawm uh hi. Thugen man khitteh mi 16 bang thu kiphum uh hi. Tui kiphumte lak pan numei khat pen nidangin gilo-in mi tawh kitawng, kilai den hi napi,tui a kiphum zawh tua bangin gamta nawn lo ahih manin khuapih mite zong tui kiphum nuam hong tam semsem hi. Bangzahin gilo hiam cihleh a pasal in lawmngaih khat nei-in a lawmngaih nu tawh lum khawm a muh ciangin a pasal thah sawm hi. Tua numei sat gawp ahih manin thongkiat lawh hi. Ahi zongin tua nupate tui kiphum khit mithak hong suak uh hi. Hih nupa-te in biakinn mun ding leitang khat pia uh hi. Pastor Diaz in Curuguaty khuapi ah Pasian thugen dingin vapai uh hi.

Lampi ah khuamialta ahih manin mawtaw mei tawlkhat khitteh mit mawk hi. Khuamial lua mahmah kipai thei ding hi nawn lo, tua leh lamet lohpi in mawtaw khat hong pai hi. Tua mawtaw hawlpa in ka mai ah pai un, ci-in Pastor Isaac in zong ama nung pai mawtaw’ mei tawh damdam in paithei hi. Curuguaty khua sung a lut madeuh un, Pastor Isaac in mawtaw hawlpa tungah lungdam ko ding, ci-in a mawtaw pan tuaksuk in mawtaw nunglam manawhin a pail eh, a nung pana meidet mawtaw mangvat mawk hi. Isaac in lamdangsa mahmah hi. Vantung mite sim loh kuamah dang hi lo ding ahih manin Pasian nasepziate hangin Isaac in a nasepnate ah lawhcing mahmah hi


To get the latest update of me and my works

>> <<