MUC

Print Friendly and PDF

Friday, February 12, 2016

Mihing 60,000 val SDA ah Kituiphum Ding



Rwanda ah Mihing 60,000 val, Tuiphum Dingin, SDA Pawlpi Kigingkhol
SDA pawlpi kiphut 1863 lai-in, pawlpi mi pen 3,500 kiim pha uh hi. Tu in leitungbup ah SDA pawlpi mi 19 million bang kipha ta hi.
May 2014 in, Asia sung Philippines gam, Manila khuapi ah Mihing 10,000 val in SDA ah hong ki tuiphum uh hi.
May 2015 in, Zimbabwe gam, Harare khuagei ah zong mihing 30,000 val in SDA ah hong ki tuiphum uh hi. Adventist taangthu ah mi tam kituiphum penna ahi hi.
Tu'n May 2016 ah zong, Rwanda ah evangelistic meetings, mun 2,200 val ah kalnih sung bang nasia takin: Zatui zaha lam tawh, thugenna tawh, Bible study piakna tawh, aciang ciangh pan kinei dinga, May 29 ni ciang, mihing 60,000 (sang tamzaw thei), SDA ah hong ki tuiphum ding lametna kinei hi. Hih pen kum 153, Adventist taangthu ah mi hon tuiphum tampen hi thei mai dingin lametna kinei hi.
2017 kum ciangin, General Conference ii major evangelistic meetings bawlna ding mun in, Europe sung, Romania gam ahi hi. Romania gam ah, Adventist thu zui member 66,500 bang pha uh a, Europe aa dingin SDA mimal tampen na gam khat zong ahi hi.
2018 kum tak ciangin, General Conference ii major evangelistic meetings bawlna ding mun in, Asia sung, Japan gam ahi hi.
2019 kum leu leu tak ciangin ah, General Conference ii major evangelistic meetings bawlna ding mun in, India gam ahi hi.
2020 kum tak ciangin, Indianapolis, U.S. leh Papua New Guinea te ah kibawl ding hi.
Leitung bupa om pawlpi mikhempeuh tungah adiak in asawt lo in kipan ding ahi, Rwanda gam aa Thumaan Taangko nasepna dingah Kha Siangtho nasepna alamdangtak in akingahna dingin, atuam vilvela, pawlpi mite'n thu nong nget pih na ding uh zong kong zawn hi.
Andrew McChesney, (News editor, Adventist Review) | Adventist Church Prepares to Baptize 60,000 in Rwanda | http://www.adventistreview.org/…/story3695-adventist-church…
MUC News:
Tu laitakin Pr. PL Thlenga (Ph.D. Cand., AIIAS, Philippines) te nupa, Philippines pan in, Kawlgam hong zin in, SDA Myanmar Union Mission, Zaang RB Pawi, Singunau ah thugen pi in mapang in, tua man ciangin, hong vei luatna uh tawh SDA Myanmar Union Conference of Seventh-day Adventists sung, Myothit SDA Biakinn ah Pasian Thumaan Taangkona aneih laitak uh hi a, Thungai mite lawp in, thangah mah mah uh hi. Kha Siangtho in nasem mah mah hi, ci'n thungai te' tung pan kiza den hi. Tua kawmkal ah Dr. Dallian Haokip zong Kawlgam hong ngaih hawh tawh kituak in Pr. PL Thlenga leh MMCC (McNeilusians) te tawh hong kithuah khawm thei lai ahihman in nakpi in ih lungdam mah mah in ah, ih kha lum mah mah hi.
A sawtlo in ah zong, Pr. PL Thlenga te' nupa mahin, Anlangh SDA (conference) te' Biakinn pi zangh in
Anlangh khua ah Thumaan Taangkona nei leu leu ding uh hi. Tua aa ding zong thungetna tawh panpih ni!
Tonzang Circle: Adventist Youth Camp, Cikha leh Circle Pawi, Zampi ah nuamtak in ih Topa Pasian mapi' na tawh ih zo to thei a, tu'n ah March 2016, Nipi masa hun sungin zong Tuikhal khua ah, Tamu Circle pawi tung ding hileu leu hi.
March 2016, Nipi tawpna ah Anlangh Biakinn Pi honna leh Pawi kinei leu leu ding hi. Zin 1,000 val bangin pawi siim dingin lamen uh a, MUC gambup zong sap sawm uh hi. Thungetna ah phawkciat ni!
MMCC sangpi in zong, March 18, 19, 20 ah Graduation and Commencement nei ding uh cih kiza hi.





News Source: Da Dal

To get the latest update of me and my works

>> <<