MARCH 5, 2016 | MIT TAW IN KHUA MU
Francisco pen genthei mahmah hi. A neu tung a kipan tagah hi. Kum 9 a phak a kipan khua nawl han ah nasem hi. Kum 12 a phak ciangin vanzuakna khat ah van zuakin om hi. Nisim annek tuidawn kisam ahih manin nasep tuamtuam hong nei toto hi. Kum 30 bang a phak ciangin a nuntakzia hong kikhel hi. Khristian nungak khat tawh kingai-in kiteng uh hi. Ta hong nei uh a, a nuamna uh khang semsem hi. Ahi zongin a ta uh kha 3 sung bek nungta hi. Tua khit ta nei kik nawn lo uh hi. Tawl khat khitteh Francisco in cancer natna nei-in, siavuante in sawt nungta nawn lo ding cih pulaak hi.
Aman zong a cih nading thei tuan lo hi. Zato ka sih liangsangin ci-in innlam hong zuan hi. Zato-a nasem pastor pa in Francisco kiangah “ nuntakna pen Pasian’ khut sungah om hi. Aman nang aa ding a hoih pen hong geelsak ding hi,” ci-in thapia hi. Francisco’ zi pen thunget hat mahmah nupi khat hi-in, a pasal aa ding thungen den hi. Hun hong bei toto-in zato ah kilak kik dingin vapai kik uh a, a canner natna dam ziau hi. Siavuan siamahte in zong lamdangsa peuhmah uh hi. Kum 20 bang val khin cidam sinsen hi. A zi tawh kiten zawh 33 khit ciangin a zi in sihsan hi.
Francisco zong dah peuhmah hi. Bang hangin Pasian in ka zi sisak hi ding hiam? ci-in lungkham mahmah hi. Bangci bangin nungta ding ka hiam, ka neih lian pen ka zi hi mawk a, ci-in thumthum hi. Tua banah Francisco’ mit in khua mulo tektek in a sawtteh mittaw mawk hi. Khuamu thei ngei nawn lo ding, ci-in siavuante’n zong gen hi. Tua bangin cimawh pipi-in nungta hi. Ni khat a lawmte khat in Francisco kiangah “ AWR thugenna va hilh hi. Aman zong tua a kipan AWR ngai tawntung hi. La kisate, thu kigente, cihte zaknopsa-in manpha-sa thei mahmah hi. Tua AWR tawh a nungzia nuamtuam hongsa zaw deuh hi. AWR tungtawnin Sabbath, nek le dawn, Thukham Sawm,cih thute hong theito hi. VOP zong la hi. Khua a muh loh hangin a lungsim ah Khrih nungta ahih manin thuman thutak thei veve hi. Tui a kiphum zawh
