MARCH 19 | KHE-DAP SAI A LAIBU
Graciela in a neutung a kipan Jesuh umin, kikhop cihte nuamsa mahmah hi. Biakinn nei lo uh ahih manin inn khat ah kikhawm uh hi. Graciela hong gol-in, a kikhopna uh innnei pa tawh hong kiteng hi. Amau nupa in ta nih hong nei uh hi. Kum hong cingtoto-in tu zong hong nei hi. Ni khat TV a etna panin Pasian’ thu kigenna khat hong mu kha hi.
Tua thugenpa in bang gen hiam cihleh Ellen G. White kici khat om hi. Amah pen zuau kamsang hi, ci-in a gen ciangin Graciela in a taktak hiam, kei man ka kan ding hi, ci-in ngaihsun hi. Tua leh Ellen G. White’ laibute lei dingin laibu sai-ah vapai hi. Ahi zongin ama laibu zon pen kuamah in theikha lo uh hi. Tua leh ni khat a tapa in laibu khat hong tawi hi. Midang khat in a piaksawn ahi hi. Tua laibu pen Spain pau tawh kigelh hi-in “Kido-na Lianpi” cih laibu, Ellen G. White ii gelh hong mu kha hi.
Tua thugenpa in bang gen hiam cihleh Ellen G. White kici khat om hi. Amah pen zuau kamsang hi, ci-in a gen ciangin Graciela in a taktak hiam, kei man ka kan ding hi, ci-in ngaihsun hi. Tua leh Ellen G. White’ laibute lei dingin laibu sai-ah vapai hi. Ahi zongin ama laibu zon pen kuamah in theikha lo uh hi. Tua leh ni khat a tapa in laibu khat hong tawi hi. Midang khat in a piaksawn ahi hi. Tua laibu pen Spain pau tawh kigelh hi-in “Kido-na Lianpi” cih laibu, Ellen G. White ii gelh hong mu kha hi.
Graciela in tua laibu a ngah tak ciangin lamdangsa mahmah hi. Pasian’ piak hi dingin ngaihsun hi. Bang hang hiam cihleh Ellen G. White’ laibu a zonzon sawtpi hi-in tu-in ngah kha petpetta hi. Amah zong sim kipan pah hi. TV en nawnlo-in tua laibu a zawh dong hong simta hi. AWR panin VOP zong la-in, Lai Siangtho sinnate zong mansiang hi. Graciela in Adventist biakinn ah hong kikhawm hi. Tua biakinn ah Sonia kici numei khat tawh hong kiho kha uh hi. Sonia kum 12 a phak a kipan SDA sungah om hi-in, naupangte makaihin pawlpi sungah a kizang mahmah numei khat hi. Sonia in tua bangin naupang pantahnate Graciela in a theih ciangin amah zong Sonia tawh nasem khawm dingin hong thukim hi. A nupa-un a inn uah naupang kaikhawmin Lai Siangtho sinna, la tuamtuam le thu tuamtuamte hilhin, amau inn pen naupang kipantahna inn hong suak hi.
Tu quarter leitungbup Sabbath School sumpi tawh Uruguay gama pawlpi nasepnate ah kipuak ding hi. MUC in i zumpi aa dingin kizeek ding hi. Mai Sabbath pen 13th Sabbath hi ta ahih manin sumpi i khiat ngei ii a zah thum i khiat ding kizasak khol hi hang. Tu quarter sungin South America Division sunga nasep dan pawl khat i za khinzo hi. Amazon gundung a nasem Leo Halliwell, Leo-te nupa, Jessie, cihte’ nasepzia i pulaak hi. Khat vei khualzinin ka pai-na uah, Santarem khuapi ah ka khawl uh hi. Tua hunin hih khuapi ah thu-um om lo hi. Nitak khat khuanawl lam pian khatah thugenna khat ka nei uh hi. Sawtlo-in mi tampi hong kikhawmvat hi. Ka man uhteh numei khat in hong hopih a, ka gen thute in a lungsim sukha mahmah hi. Ama pa pen America mi hi-in sanggam numei nih nei-in, inn golpi khat ah teng uh a, tua innah thugenna nei dingin hong sam hi. Tua a kipan lampi ah thugen nawn lo-in ama inn ah thugen ka kipan uh hi.
