MARCH 12 | PASIAN OM TAKPI CIH UPNA

MARCH 12 |  PASIAN OM TAKPI CIH UPNA

Mirna in mittang tawh Pasian a muh ngei loh hangin Pasian om hi, cih um hi. Amah pen a lungkia baih mahmah numei khat hi-in, tua bangin a lungkiat ciangin inn sungah omcip zel hi. Ni khat tua bangin a om sungin radio ngai-in om hi. Tua leh tua radio panin cidamna kizui anhuan zia kigen hong za kha hi. Aman zong hih thu theihbeh nuam mahmah ahih manin hong kankhia hi.
“ Kum khat sung Pasian nasem” cih kipawlna khat tawh hong kizom kha hi. Hih kipawlna panin Mirna in Thukham Sawm, Sabbath, sa siang le siang lo cihte hong sin to hi. Hih bang thute za ngei lo ahih manin, tu-in a theih manin nuam mahmah hi.

A innkuanpihte in Mirna’nunzia tampi kikhelzia a muh tak ciangun lamdangsa mahmah uh hi. Nidang bangin lungkia-in maigum cihte om nawn lo hi. Ni khat niteh a innkuanpihte in zong Khrih Honpa-in a san nadingun Mirna in thungen tawntung hi. Nuevo Tiempo Center ah puankhui-zia sin hi. Ni khat Nellie in hih Center va mu kha hi. Nellie pen sitni khat hi. Nellie zong hih center sungah hong lutin a thu teng hong kanbeh hi. Nellie in a neulai-in Lai Siangtho tangthute thei ngei a, ahi zongin a gol khitteh mangngilh khin hi. Ahi zongin tu-in hih Center ah a om a kipan thuman sin toto-in, tui kiphum hi. Nidanga a theihkhitsa thute ahih hangin tu-in a theihzia tampi kilamdangin, a lungnuam mahmah hi.

Tuni dongin Pasian in nalamdang bawlbawl hi, ci-in a innkuanpihte zong hilh hi. Ahi zongin a innkuanpihte lungdam lo uh hi. Amau a heh hangin Nellie hehse lo ahih manin a innkuanpihte in lamdangsa uh hi. Nellie in Sabbath sialin Nuevo Tiempo Center ah kikhawm den hi. Hih Center-a hong pai mite ama innkuanpih bangin ngaihsunin nuamsa mahmah hi. Tu quarter leitungbup Sabbath School sumpi pen Nuevo Tiempo Center khantohna dingin kipuak ding hi. MUC in i zumpi aa dingin kizeek ding hi.