MUC

Print Friendly and PDF

Saturday, February 13, 2016

Kumpipa Thukham

Kumpi Darius, Medes leh Persia, in Babylon a zawh khit ciangin, Babylon ulian te khempeuh khat simloh that ma-ang khin hi. Tua pa pen Daniel hi a, amaan Pasian sawltak pa hi. Tua ma kum sawm sagih lai-in Judah pan in Babylon te in sal aa amat khat uh hi a, Kumpipa inn sungah om iin kumpipa thudot ahi hi. Daniel pen kumpi gam khempeuh in mipil mahmah pa ci aa atheih pa uh ahihi.” Daniel 5:12; 6:3
Kumpi Darius in Daniel nuntaakna khawi sak bek hi lo-in, “kumpi gam sung khempeuh uksak dingin geel lai hi.” Daniel 6:3. Medo-Persian ulian pawlkhat in Hebia sila khat pen amau te uk dingin Kumpipa in alapsang toh ciangin haza mahmah iin thangpaai mahmah uh hi.
Tua manin amau te in tha’ngsiah uh aa, ni 30 sunga kumpipa Darius simloh adangkhat peuhpeuh abia aom leh humpi kua sungah khiat theih nadingin Kumpipa in seal hong tup nading vaihawm sim uh hi (Daniel 6:7). Ahih hangin hih mite in, Daniel in a nuntaak sungin thunget khiam tuan hetlo dinga, pasian dang bia lo ding cih thukham (Paikhiatna 20:3) Pasian' thukham zuih dinga a khensatna ah kip takin om ding hi, cih zong athei uh hi.
A lamet mah bang un tua ulian te in, Daniel in a tawlet hong a Pasian kiang thu anget laitak atuak uh hi. Kumpipa Darius in hih thu atheih ciangin, hih alawmpa humpi kua sungah khiat nadingin a suaikai (signs) khakna pan, a hotkhiat theih nading lam tuamtuam hong zong hi. Ahih hangin a thukham kikhel kik thei nawn lo hi. Daniel Humpi kua sungah akikhiat ciangin, Daniel cihtakna a pahtawina iin Pasian in a vantungmi khat sawl iin humpi te kam te hum sak hi (Daniel 6:22).
Genkholhna in, ni nunung ciangin Pasian' mite in Daniel mah bangin kua kumpi thu mang dinga, kua thukham zui ding cih khensatna nei ding uh hi, ci hi.
1. Pasian thukham sawm te, akikhel thei or akipuahpha thei diam?
Luke 16:17 Ahi zongin Thukham a neupen themno khat nangawn a maiman' ding sangin van leh lei a man'than' ding olzaw lai hi.
Late 89:34 Ka thuciamna siasak loin, ka kam pana paikhia thute ka khel kei ding hi.
Late 111:7, 8 Ama nasepnate khempeuhah amah thumanin citak a, a thupiaknate muan'taak mahmah hi. 8A tawntungin tuate kip ngitnget a, thuman leh thutang tawh zuih ding ahi hi.
Malachi 3:6 “Kei, Topa ka hi a, lungsim a kheello mi ka hi hi. No Jakob suanlekhakte aw, a siacimit na hi nai kei uh hi.
Dawnna: ____________________
Phawk Ding: Pasian thukham khek theih ding hi ngeilo hi. Pasian akikhel ngei hetloh mah bangin athukham te zong kikhel thei ngeilo hi. Laisiangtho sungah thum vei leitung kumpi (Herod, Ahasuerus, leh Darius) te in thukham bawl iin khel kik nuam uha, ahih hangin khel kik theilo uh hi. Persian thukham zong khial a, ahoi diaidiai kumpipa thu zong kikhel theilo ahih leh bang dingin avanglian mahmah Pasian thukham kikhek thei mawk ding hiam? Suangpek tungah Ama khutme tawh a at hi-a, khek nuam mawk ding hiam? Anuai-a Pasian leh a thukham saikaakna en dih ni!
PASIAN IN: A THUKHAM IN:

Luke 18:19 . . . . . . . . . . . . HOIH . . . . . . . . .. . . .. . Romans 7:12
Isaiah 5:16 . . . . . . . .. . .. . SIANGTHO . . . . . . .. . .Romans 7:12
Thuhilhkikna 32:4. . . . . . .THUTANG . . . . . . . . . . Romans 7:12
Matthew 5:48 . . . . . . . . . . HOIHKIM . . . . . . . . . . .Late 19:7
1 John 4:8 . . . . . . . . . . . . .ITNA . . . . . . . . .. . . . . ..Romans 13:10
Paikhiatna 9:27 . . . . . .. . . AMAAN . . . . . . . . . . . .Late 19:9
Thuhilhkikna 32:4 . . . . . .. THUMAAN . . . . . . . .. Late 119:142, 151
1 John 3:3 . . . . . . . . . . . . .SIANG . . . . . . . . . . . . . Late 19:8
John 4:24 . . . . . . . . . .. .. . KHA . . . . . . . . . . . . . ... Romans 7:14
Malachi 3:6 . . . . . . . . .. . . KIKHELTHEILO . . . . .. Matthew 5:18
Piancil 21:33. . . . . . . . . . . ATAWNTUNG . . . . . . .Late 111:7, 8

Thukham in Pasian zia leh tong kigelhna ahih manin kikhel theilo hi. Laisiangtho sungah Pasian leh a thukham kibangin gen hi. Thukham pen Pasian zia leh tong lai-a kigelh ahi hi. Pasian a kikhel ding sangin a thukham khel ding pen hitheilo zaw lai hi.
2. Laisiangtho tungtawnin mawhna in bang hiam?
1 John 3:4. Mawhna i cih pen thukham palsatna ahih manin a mawh mi khempeuh thukham palsat ahi uh hi.
Romans 3:20.Thukham in mihingte a mawhna kilangsak thei bek ahih manin thukham zuihna hangin kuamah in Pasian tawh kipawl theihna ngah zolo hi.
Dawnna: ____________________
Phawk Ding: Thukham tungtawnin mawhna pan hong hon ding Honpa kisam ih hih lam kiphawk thei ih hih manin Dawimangpa’ in thukham mudah mahmah hi. Roman 4:15 “Thukham om kei leh mawhna aom kei hi.” Thukham in kuamah hong hon theilo hi, Pasian' kicinna leh mihingte mawhna hong lak bek hi.
Behlapna: dawimangpa in hih LST mun manin Rome 3:20 Thukham pen mawhna hong lak bek Pasian tawh hong kipawl theisak lo ahih manin kisam lo hi cih lam in hong thei sak hi...a tak tak in Thukham in ih mawhna hong kilang sak ahih leh ih mawhna hong maisak ding Zeisu ih zuatna dinga hong tawsawn pen Thukham hilo ahi hiam? thukham om kei leh mawhna om lo dinga, Zeisu zong ei a dingin kisam lo ding cih pen dawimang pa deihna ahi hi.
3. 1 John 3:4 ii gen bang thukham hiam?
Romans 7:7. Tua ahih leh Thukham mahmah pen a siahuai ahi hiam? A sia hilo hi. Mawhna bang hiam cih Thukham in hong theitel sak hi. Thukham in, "Hazatna lungsim nei kei in," ci-in genlo hi leh, haza i cih bang ahi hiam, ci-in ka thei kei ding hi.
Dawnna: ____________________
Phawk Ding: Pasian' Thukham Sawm hi tua sungah, “Haza kei in”(Paikhiatna 31:18; 32:16) ci-in Pasian khutme tawh kigelh ahih manin mawhna hi cih ih thei hi. Thukham Sawm lakah khatpeuh akhial mi in daan thuak ding hicih ih thei hi. Tua manin Pasian thukham pen “zai” (Late 119:96) leh “hoihkim” (Late 19:7). “Mite zuih ding hi.” Thuhilhsia 12:13. Ih mawhna hangin ih lunghimawh leh Honpa ih zon hong kul ding hi. Mawhneite adinga Zeisu hong kisamsak thukham pen dawimangpa in muhdah phadeuh hi bang hanghiam cih leh Zeisu zuan leng Amah in hong hon iin hong maisak ding lam dawi in thei hi.
4. Zeisu in Thukham Sawm a zui hiam?
John 15:10. Ka Pa' hong thupiakte zui-in ama itna sungah ka om mah bangin note in zong ka thupiaknate na hong zuih uh leh ka itna sungah a om na hi ding uh hi.
Dawnna: ____________________
Phawk Ding: Eite etteh dingin Zeisu in Thukham Sawm na zui takpi hi. (1 Peter 2:21).
5. Kua teng in mawhna nei hiam?
Romans 3:23. Mi khempeuh mawh ciat uh a, a hong honkhia Pasian tawh kigamla uh hi.
Dawnna: ____________________
6. Mimawh te in bang thuak ding uh hiam?
Romans 6:23. Bang hang hiam cih leh mawhna in thaman hong piak pen sihna hi a, ahi zongin i Topa Jesuh tawh i kipawl manin Pasian' hong piakkhong pen nuntak tawntungna ahi hi.

Dawnna: ____________________

Phawk Ding: Thukham kikhek thei hi leh Zeisu singlamteh tungah hong sih kullo ding hi. Mawhneite tatkhiatna dingin Zeisu hong sih kul ahih manin thukham kikhel thei hetlo cihna hong kilang hi.
7. Mi pawlkhat te in Laisiangtho Thak hun ah Thukham Sawm kisam lo hi, ci uhi. Zeisu in hih thu bangci gen hiam?
Matthew 19:17. Jesuh in, “Bang hangin bang hoih hiam cih thu hong dong na hi hiam? A hoih khat bek om hi. Nuntak tawntungna sungah na lutnop leh thukhamte na zui in,” ci-in a dawng hi.
John 14:15. Tua ciangin Jesuh in, “Kei na hong it uh leh ka thupiakte zong na zui ding uh hi.
Revelation 22:14. Khuapi kulhkongpi sungah a luttheihna ding leh nuntakna singgah a nektheihna dingun a puan uh a siangin a sawp mite, mi hampha ahi uh hi.

Blessed are they that do his commandments, that they may have right to the tree of life, and may enter in through the gates into the city.

Revelation 14:12. Pasian' thupiakna zui-in Jesuh tungah a citak Pasian' mite-a' dingin thuakzawhna kisam hi.
Dawnna: ____________________
Phawk Ding: Pasian mite in thukham zui ding uhhi cih pen Laisiangtho Thak sungah kitel takin hong gen hi. Ih theih ciat mah bangin tu laitak iin hih leitungah buaina lianpi om hi, ahangin mi tampite in Pasian thukham zuih ding thupi sa nonlo uh hi. Laisiangtho in tuhun a genna ah, “Topa aw, na thu (law) kipalsat khin ahih ciangin na thukhen hun ding hita hi.” Late 119:126.
8. Koici bangin thukhamte kizui thei ding hiam?
Philippians 4:13. Khrih in a hong piak vangliatna tawh hihte khempeuh nawkzawhna ding thahatna a nei ka hi hi.
Romans 8:3, 4. Mihingte thahatlo ihih manin Thukham in a hih zawhloh thute Pasian in a hihzo hi. Mawhna a beisak theihna dingin mihingte sunga om mawhna tungah thu a khenna-in ama Tapa hong sawl a, amah pen mihingte' mawhna lungsim mah a nei-in a hong pai hi. 4Eite' deihna bangin nungta loin Pasian' Kha Siangtho' deihna bangin a nungta eite sungah Thukham' deihna teng a kicin' theihna dingin Pasian in a Tapa a hong sawl ahi hi.
Philippians 1:6. Note sungah hih nasep hoih a hong pankhia Pasian in Jesuh Khrih hong paikik hun ciangdong, mi cingtaak na hihna dingun hong huh ding hi, ci-in teltakin ka thei hi.
Dawnna: ____________________
Phawk Ding: Mi khat hong pianthak ciangin Zeisu in a Khasiangtho tungtawnin tua pa sungah lutin a lamdang iin tuapa in thuman nopna hong nei hi.
9. Thuciam lui in bang hi-a, bang hangin kiplo hiam?
Thu Hilhkikna 4:13. Thupiak Sawmte ahi note' hih dinga hong thupiak ama thuciamna note' tungah hong gen a, amah in suangpeek nih tungah tuate a gelh hi.
Hebrews 8:8. Tua ahih manin Pasian in ama mite mawhsakna thu na gen a,

"Topa in hih bangin ci hi: 
Israel mite leh Judah mite tawh 
thuciamna thak 
ka bawl ding hun hong tung ding hi.

Dawnna: ____________________
10. Thuciam thak in bang thukham tungah kinga hiam?
Hebrews 8:10. Ahi zongin tu-in 

Israel mite tawh ka bawldingthuciamna 
hih bang ahi hi. 
Amaute sungah 
ka thukham ka guang ding a, 
amaute lungtang tungah gelhin, 
amaute' Pasian ka hi ding a, 
amaute pen 
keima mi ahi ding uh hi.

Dawnna: ____________________
Phawk Ding: Thuciamna nam nihte-in Pasian leh mihingte kikal-a thukimna ahihi. Thuciam lui pen kiplo hi, ahangin mite in Pasian kiangah aciam uh ahihi.
Paikhiatna 24:7 Topa gensa khempeuh ka hih dinguh a, ka thumang dinguh hi.

Thuciamna thak ahihleh kip hi, banghang cih leh tua in Pasian thukham hi a lungtang sungah kigelh a Zeisu hong kamciamna ah kinga-in Ama’ a lamdang-vanglianna in nasem hi.

Hebrew 8:10 Ka thukham a lungsim sungvuah kaguang dinghi, alungtang satak tungvuah ka gelh dinghi.

Mihing pianzia pen kikhel thimthum a, tua manin Pasian deihna a nuam lam bek kizong hi. Phawk dingah thuciamna thak tawh a thukham a kibang hi a, ahih hangin akigelhna mun kibang lo hi (lungtang) satak tungah kigelh-in Pasian in kamciam hi.

11. Hehpihna nuai-ah upna tawh om ih hih manin Pasian’ thukham zuih ding akul lai mah hiam?
Romans 6:15. Eite pen thukham' uk hiloin Pasian' hehpihna in hong uk ahih manin mawhna i gamta kei ding hi.
Romans 3:31. Tua ahih leh hih upna thu i gen ciangin Thukham a phiat ihi hiam? Hilo hi; a kipsak semsem ihi hi.
Dawnna: ____________________
Phawk Ding: Zeisu in thukham palsat a mawhna bawlte mawhna amaisak khitciangin thukham zui ding mah iin hilh kik hi. Zeisu' maisakna thupha a phawk thei te in midangte sangin Zeisu nungzuih ding lunggulh zaw uh hi.
12. Thukham zuihna tawh gupna kingah hiam?
Ephesians 2:8, 9. Note' upna hangin Pasian' hong hehpihna tawh hotkhiatna a ngah na hi uh hi. Note' thalawhna hangin a ngah hiloin Pasian' hong piakkhong ahi hi 9Note' hanciamna tawh a ngah hilo na hih manun na kisialhna ding uh a thu omlo hi.
Dawnna: ____________________
Phawk Ding: Pasian thukham zuihna tawh kuamah in gupna ngah lo hi. Mi khempeuh in alamdang-nasepna ahi Pasian hehpihna bek tawh gupna kingah hi. Akikhel mite leh gupna ngah mite in, Zeisu tungah lungdamna leh itna lahna iin, Ama thukhamte mannopna nei uh hi.
John 14:15. Kei nong it leh ka thukhamte zui in.
Behlapna: Thukham aom ciangin, mawhna hong oma, ih mawhna te amai na dingin, Zeisu ih kisap lam ih ki thei pan hi. tua Zeisu in midik hong suak sak hi. tua in Pasian' hong piak khong hehpihna ahi hi. tua ahih manin Thukham in Zeisu kiang hong tun hi. Amah ih itna ih lahna zong ahi hi.
13. Pasian thukham zuih nadingin bangin hong lawpsak hiam?
Romans 13:10. Midangte a it mi peuhmah in amaute tungah siatna bawl hetlo ahih manin itna i neih ciangin Thukham buppi a zui khinta ihi hi
Matthew 22:37-39. Jesuh in, “Na Topa Pasian na lungsim khempeuh, na nuntakna khempeuh, leh na pilna khempeuh tawh na it ding hi, cihna ahi hi. 38Hih pen a masapen, a lianpen thukham ahi hi. 39A nihna pen a masa mah tawh kibang a, nangma pumpi na it bangin na vengte na it in, cihna ahi hi.
1 John 5:3. Pasian i it ciangin ama thupiakte a zui ihi hi. Eite-a' dingin ama thupiakte zuihding a haksa lua hilo hi.
Dawnna: ____________________
Phawk Ding: Itna in na khempeuh ah hong lawpsak hi. Thukham amasa li te pen Pasian tunga bawl ding te hi a, ih it ciangin a sawlbang kimang nuam hi. Anunung guk te pen mihingte tungah bawl ding te ahi hi. Mi ii it ciangin na asak ding uh kibawl nuamlo hi.
14. Ama thukham zui lopi-in Christian taktak ka suak thei ding hiam?
1 John 2:3, 4. Eite in ama thupiaknate i zuih leh amah a thei taktak ihihna hong kilang hi. 4Mi khatpeuh in, “Pasian ka thei hi,” ci napi-in a thupiaknate a zuih kei leh tua mi a zuaugen mi hi a, a thutaklo mi ahi hi.
Dawnna: __________________
15. Laisiangtho Lui sunga thukham pawlkhat te Christian te tawh kisai nonlo hiam?
Ephesians 2:15. Amah tawh kipawlna hangin minam nihte pawlkhat a suahtheihna dingin minam a dei Jew Thukham leh a ngeinate khempeuh phiatin, eite pawlkhat hong suahin a hong kilemsak hi.
Dawnna: ____________________
Phawk Ding: He! Zeisu hong si ding hi ci aa limcinna (gangawhna ahih kei leh kithoihkikna thukham) khempeuh singlamteh khitciangin kul nawnlo hi (Colossians 2:13-17). Gan tawh biakna khempeuh kul nawnlo hi. Amah in Pasian tuu tatak tawh kicingsak zo hi.
Behlapna: banghang in gansi tawh ki thoihkik kul hiam? Pasian thukham sawmte a palsat uh ciangin amawhna uh pan a maina dingin Zeisu limcing ahi Gansi tawh ki thoih kik kul hi. Zeisu limcing gangawh kithoih kikna ah thukham neu no no tampi tak na nei uh hi.
16. Dawimangpa muhdah diak kua te hiam?
Revelation 12:17. Tua ciangin tua numei tungah gulpi heh mahmah a, tua numei' suanlekhak dangte ahi, Pasian' thupiakna zui-in, Jesuh thu-ah kiptakin a om mite a sim dingin kuankhia a, 

And the dragon was wroth with the woman, and went to make war with the remnant of her seed, which keep the commandments of God, and have the testimony of Jesus Christ.

Dawnna: ____________________
Phawk Ding: Pasian thukham sawm zui-a Zeisu teci panna len pawlpite tungah Satan heh mahmah hi. Bang hanghiam cihleh amaute in mawhnei khat mi siangtho a suah theih nadingin Pasian vangliatna te hilh uh hi.
Behlapna: Revelation 12:17 Keep the Commandments of God and have the testimony of Jesus Christ* (gulpi muhdah te in Pasian thukham leh Zeisu teci panna a nei te hi.)
What is the testimony of Jesus Christ? Zeisu teci panna ih cih in bang hiam?
Revelation 19:10 for the testimony of Jesus Christ is Spirit of Prophesy.(Zeisu teci panna ih cih in Kamsanna Kha hi.
17. Pasian thukham zuite in bang thupha ngah ding uh hiam?
John 15:11. Note hangin kei ka lungdam theihna ding leh note' lungdamna a cingtaak a suahtheihna dingin hih thute a hong gen ka hi hi.
Proverbs 29:18. Pasian' lamlahna a kizuih lohna gamah gamsung mite pheengtat gawp uh hi. Pasian' thukham a zui mite ahih leh a lungdam uh hi.
Psalms 119:165. Nangma thu a deihte in lungnopna lianpi ngah uh a, amaute a tuksakzo ding bangmah omlo hi.
Dawnna: ____________________
Phawk Ding: Pasian thukham a zuite-in, Lungdamna, kipakna, daihna, leh adang thupha tampi ngah uhhi. Pasian thukham, David in kham sangin manphazaw hi acih pen lamdangsak ding hi lo hi (Late 19:10).
18. A thumang ta suahna ding leh Ama kipakna a hidingin Zeisu tawh itna sungah kilawmtatna na lunggulh hiam?
Dawnna: ____________________

HILHCIANNA 1na
Laisiangtho sunga zia leh tong te leh Zeisu akibatnate saikakna

Laisiangtho sunga mi hangsante in Zeisu’ zia leh lim bang uh hi. Moses, Joseph, David, leh Solomon te anuntaak zia pawlkhatte in Zeisu nunzia leh a sepzia dingte kimusak khol hi. Amaute nuntaakna honkhat in Zeisu pen Pasian tapa takpi cih hih leitung mite hong hilh hi.

Daniel nuntaakna sungah thukham leh humpi cih thute in zong khalam ah akibatzia uh hong langsak hi. Anuai-a te akibatna te en leng:
• Medo-Persia te in Daniel leh Kumpipa kizopna a hazat manun a panmun panin lakhia nuam uh hi. Daniel 6:3 genna ah, “Kumpipa in kumpigam khempeuh uk dingin koih hi. Tua bangmah iin Jerusalem ah makaite in zong Zeisu pen Pasian tawh akizopna haza iin lakhia nuam uh hi. (John 5:18-20)
• M edo-Persia makaite in Daniel mawhna mu nuam in zui tawntung uh hi (Daniel 6:4). Zeisu zong biakna makaite in amawhna amuhnop manun thukante sawlin akhialhna zong dingin zui sak uh hi (Luke 20:19, 20).
• Daniel galte in amawhna amuh loh manun thangsiah iin amawhna zong tawm uh hi (Daniel 6:5-9). Tua bangmah iin siampi liante leh laitheite in zong Judah Iscariot khutzat iin Zeisu zong uh hi (Luke 22:2-6). Ahi zongin Pilat in mawhna ka mu kei hi ci-in pulaak hi (John 19:4).
• Daniel Humpi thong sungah a koih khit uh ciangin, suangtumpi tawh siin iin kumpipa seal tumsak uh hi (Daniel 6:16, 17). Zeisu zong ahan suang golpi khat tawh siin uha, kumpi seal mah tawh tum iin ciamteh uh hi (Matthew 27:58-60, 65, 66).
• Daniel leh Zeisu anih un mawhna neilo iin lei kuahawm sungpan in hong pusuak khia kik tuak uh hi (Daniel 6:23; Mark 16:5, 6). Laisiangtho sungah adang Zeisu nuntaakna tawh kibang saikak theih ding na mu thei lai hiam?

HILHCIANNA 2na
KHIALHNA LEH NIALNA KILAM DAN ZIA

Jame 2:10 (KJV) Whosoever shall keep the whole law,and yet offend in one point,he ìs guilty of all.

Mi khat peuh in thu kham khat a nial leh,a vekpi in a nial a hi hi. A cih nop na ah,nu leh pa mawh na a bawl mi khat pen, mi na khat peuh aguk ngei loh hangin, a gu gu mi khat tawh ki bang ve ve a, mimawh sazian sung ah ki hel ve ve hi. Tua mah bang in thukham 9 te nial lo pal sat lo a hih hang, khat nial in a mawhna te thum lo a hihleh mi mawh sazian sungah ki hel ve ve cih nop na hi.

Hih Jame 2:10 pen ei Zolai tawh a khiatna ah (offend) pen khial ci-in hong let a, nial cih pen man zaw hi.
NIAL: Nial cih kam mal pen, a hih zawh ding thu khat ahih hang sem nuam lo, mang nuamlo,zui nuamlo cihna ahi hi.
Thu maanlo khat pen thumaan hi ci in um sak hi.

Mawhna khat pen mawhna hi kei ci-in,Zeisu kiangah thum nuam kil kel lo, kisik lo, mawhna bawl zom suak sak hi.

Genteh na: Naupang khat pen asep zawh ding nasep khat, (tui hai 1 suak) pak dingin na sawl pen hong nial leh, khial kici lo in, ka thu hong mang nuam lo, hong nial ki ci hi. Pasian thu ih nial na pen, a man zadah mah mah hi.
KHIAl: Ih tup ih ngim kholh loh pì in ki khial kha thei hi.(genteh na: Mi khat in Mawtaw a hawl lai tak in,a mai ah naupang khat tai vat in taih lum kha hi.) hih zong mawhna mah ahih hang, a khial ki ci hi.
Dawimang pa in, Zeisu ih san zawh lohna ding, ih lung kiatna ding lam vi ve in L.S.Tho hong leh kaih sak den hi. Pasian' hehpihna pen mawhna bawl theih khuan ahon na dan in hong um sak hi. Saul kumpi pa dan in, David tung ah kisik lua ing ci-in, kap lìang in athum hangin, kal khat kal nih khit teh hazatna lungsim pen nei kik zel hi. Hehpihna pen mawhnei mite a ki sik theihna ding hun hong piakna hi zaw in, lung tang kitam zan a, a kisik kik mite mawhna hong mai sak cihna hi.
Paul in zong hehpihna a khan theih na ding in mawhna ih bawl diam? Tua bang hi lo hi. Mawhna hi cih ih theih sa khat pen ih bawl kik kik nawn lohna dingin K.S.Tho huhna ih nget den kul hi. Hehpihna kong ki khak hun hong om ding cih Mangmu pa John in, Rev22:11,12,sung ah ki mu thei hi. Hehpih na kong ki khak hun ciangin, ìh mawhna te mai thei nawnlo ding hi.
Mihing te lung kiat theih na ding nam nih.

1. Jame 2:10 Thu kham khat a nial leh a vekpi in nial.
2. Zei su gen: Lungsim mawhna,numei khat mawh nopna lungsim tawh ih et zong mawhna ahih manin mihing ten Pasian thukham pen zuih zawh ding hi lo, ci-in Dawimang pa'n hong lung kia sak hi.

Lung kiat na ding om lo hi. Bang hang?

Lungsim mawhna, gamtat khialh mawhna te pen Khasiangtho tha tawh hong zo sak ning..lungsim mawh na te zong thu ngenin hong thum le uh cin kong mai sak ding hi ci-in,Zeisu in hong kam ciam zo hi. (I John 5:1-5)

Tua a hih man David in zong Late sung ah, zingsang nitak biakpiak na,ah neih det pen Topa tawh nisim nuntakna ah ki zom den, mawh mai na ngen den cih hong ki lang hi. Cih nop na ah, mawhna bawl zel hang thum zel peuh leng mawh na te mai hi cih mawhna bawl khuan a pia bel hi lo hi. Mihing te pen ih tup ih ngim loh pi mah in zong ki ngaihsun, ki khial kha thei in, tua te zong ih thum zel ki sam hi.
Siampi 5:5 pan sim le cin, Isarael te zong up na tawh ni sim khialhna te uh zeisu si limcing a hi ,Bawngtal si,Tuu si, Kelsi, Vakhu, kawlgit si te zangin a mawhna te uh na thum in, Pa' heh pihna tawh Zeisu sisan limcing tua gansi te hangin mawh maina na ngah uh hi. Thukham zuih zawh na, gamtat pha tawh gupna, kua man ngahlo in, Hebrew 11 bup sung ah, upna hangin Zeisu sisan leh Pa' hehpihna tawh Leitung mi khempeuhin gupna ngah vive ihi hi.
HILHCIANNA 3NA
THUKHAM NUAI AH OM CIH TAWH KISAI

Tulai mite in thukham khutnuai ah om cih ihsan dan ih updan ki banglo hi.

Thukham khutnuai cih kam mal pen L.S.Tho mun khat bek ah kimu hi. Rome 6:15 ah Ei te pen thukham khutnuai ah omlo in hehpih na khutnuai ah om ih hih man mawhna ih bawl lai ding hiam? tua bang hi zen zen kei, màwhna ih bawl nawn kei ding hi, IJohn 3:4 Mawhna bawl ih cih te pen,Pasian' it na thukham te nial in a palsat te,a cihnop na hi.
1. Mi pawl khat in K.S.Tho huh na tawh Pasian' itna thukham a zui te pen thukham khutnuai mi te hi ci-in um uhhi.

2. Mi pawl khat in Pasian' itna thukham nial in a palsat sat te thukham khutnuai mite hi ci leu leu hi.

(A) LaiSiangTho tawh et kakna
1. Thukham khut nuai ah om ih cih te pen:

Zeisu gum pa honpa in sang masa lo in, thagum hanciam na tawh thukham zui in vantung gam a tun sawm mi te ahi hi.(Rome 3:20,Rome 9:31,32) te ah ki mu thei hi. (eg. Pharise, Saducee, thukham hilhsiate om dan hi)

2. Pasian' itna thukham nial in, palsat den a, mawhna ki sikkik nuamlo te thukham khut nuai mi te hi.
Gentehna 1: mi mudah in mi that pa pen thukham' hen cipna hang in thong inn sung tung ahih man in thukham khutnuai mi ki ci thei hi.
Gentehna 2: Sang upadi a zui lo Sang naupang khat pen Dan (punishment) ki pia hi. Sang thukhun in len a hih man suakta lo hi. Sang thukhun a zui pa pen thukhun in mawh mat kha lo in suak ta tak in om hit hiat hi.
3. Mark 7:6-8 Zeizu in: Isaiah gen thu te man mah mah hi. Hih mite in akam uh tawh kei hong zahtak hang in a lungsim uh kei tawh ki gamla mah mah hi. Mihing te bawl tawm Pasian' thukham zah in hilh in, Pasian' thukham a nawl khin uh a, a nawl khin dan zong, a Siam mah mah uh hi.. na ci hi.
(B) Zeisu upna tawh sang khin,Tui leh K.S.Tho tawh ki tuiphum khin, K.S.Tho tha tawh Itna thukham a zui te pen thukham khut sung pan a suakta te hi zaw hi. A khialh kik khak leh zong Zeisu sisan pau lam in Pa' hehpih na tawh mawh mai na ngah uh hi. Thukham mawh mat na pan a suak ta khin te a hi hi.
Mtt 28:19-20: Zeisu in van a kah ma deuh in a nungzui te kiang ah,

1. Note vak kawi kawi ding.
2. Mite thu um suak sak ding.
3. Pa, Tapa, K.S.Tho min tawh tuiphum ding.
4. Tua khit ciang kong piak thukham te a zuih na ding un hilh un, na ci hi.

Ei zolai in man dektak in, Mang lai tawh man zaw hi ( KJV, Go ye therefore,and teach all nations,baptizing them in the name of Father,and the son,and the Holy Ghost.Vs 20: Teaching them to observe all things whosoever I have commanded you.
Piangthak siapi pa Paul in zong, Zeisu vai khakna bang in hong sem suk pah hi. Rome 3:21-30 Zeisu upna tawh honpa in sang in a cih khit ciang, Vs 31 ah, Upna tawh Pasian' thukham te ih kip sak hi a cih ban ah, Rome 2:13 ah thukham zakna hang in Pasian' tawh ki pawlna ki ngah hi masa lo in, Thukham gen bang in, ih zuihna hang tawh Pasian tawh a ki pawl ih hi. IJohn 5:1-5 ah zong ih up na hang in Pa hehpih na leh K.S.Tho tha tawh thukham ih zuih zo bek hi. K.S.Tho tha tawh zuih ding a ham sa zong hi lo hi... na ci hi.
Hebia 8:10 Hun nunung ni ciangin, Ka K.S.Tho tawh ka Thukham te a lungsim sungah ngaihsun in a lungtang satak pek tungah ka gelh sak ding hi na ci hi.

Luke 1:5,6 Tuiphum John nu leh pa Elizabbeth leh Zekhariah in Pasian muh na ah a maan in gamta uh a, Pasian' ngei na leh a thupiak te a vekpi-in a zui uhhi na ci hi.

HILHCIANNA 4na
ROME 3 sung DOTNA leh DAWNNa
Dotna : Sia aw, Rome 3:20 leh 3:31 pen a at lah piang thak siapi pa Paul at mah hi na pin' a thu ki leh bulh tuak in ka lung kham veh aw nang muh dan hong hilh cian dih ve....
Dawn na: 2Timoti 3:16,17 ah,L.STho bup pen Pasian' kha humop na tawh ah ki at hi a cih mah bang in,ei up mawh thu tawh gen lo in,L.S.Tho mah dawng sak ni.
Hih ah tung a L.S.Tho mun Rome 3:20 pen thukham zuih na hang in Pasian' muh na ah kua man dik na ngah zolo na ci in, Rome 3:31 ah Zeisu ih upna hang in thukham kip zaw hi na ci hi.
Ka vak na khat ah mi 2 Lai.S.Tho na ki kum in,Thukham bei hi a ci pan Rome 3:20 bulphuh in a nuai a Lai.S.Tho mun teng na man suk dau dau hi.

1. Rome 9:31, Galatia 3:19, Rome 10:4,

A 2 na pa in thukham kip in zuih lai ding hi ci-in,a nuai a mun te na man suk leu leu hi.

2. Mt 5:17, Rome 2:13, Rome 3:31, IJohn 3:22-24, IJohn 5:3-5, IJohn 2:4, Heb 8:10, Rome 8:7,8. Rev14:12 cih te hi.

Ka lep tuah na:

1. Lai.S.Tho ih sim teh a lian bup khat ii deih na thei kul hi.

2. Mun khat ih sim ciangin a tetci ding a dang mun 4, mun5 bang en kak kawi kawi leng a maan hong kilang hi. Lai gual khat ii a khiatna ei deih dan in ih khiat suk leh ki buai thei hi.
3. Thukham bei cih leh kip lai cih thu buai pen Rome 3: bup sim suk leng ki nial na ding om nawn lo hi.
4. Alian 3 bup pen mihing te nun tak zia hun 3 in ki khen suk cih ki mu thei hi.
(a).Rome 3:1-20 ciang pen Zeisu upna tawh ih san ma din mun hunsung hi.

(b).Rome 3:21-30 ciang pen upna tawh Zeisu gumpa honpa in ih san na din mun hun sung hong gen na hi a,
(c).Rome 3:31 pen ih pianthak zawh din mun hong gen na hi ci-in, K.S.Tho lung pil na tawh sang siam leng, Rome 3:20 leh Rome 3:31 pen ki kel ki lo in ah ki thuhual na hi zaw hi.

Lai Siang Tho hong let khia ih Siapi pawl khat ten a maan in hong at loh man in, tulai khangthak te ki buai gawp ta hi.

Mawhna hang in hong kipiak thuah Zeisu limcing gan gawh biakpiak na leh Mosi thu kham te Singlamteh in khen khia zo hi a cih na te pen,mi pawl khat in Pasian' thukham tawh gawm khawm in bei sak a hih manin ki buai gawp hi.

Mt 5:17 Think not that I am come to destroy the law, or the Prophets ci in law a at khit teh coma(,) tawh na dal hi. Ei Zolai ah (Mosi' thukham leh) cih kam mal hong beh lap uh hi.
Rome 10:4 ah zong (for Christ is the end of the law ) na ci hi. Ei Zolai ah (Pasian tawh ki pawl theih na ding in Christ in Thukham a bei sak hi) ci'n a maan lopi in hong ki let khia hi.

aneu 5 ah Moses in a laigelhna sungah, "Thukham deihna bangin a gamtazo mi khempeuh a nungta ding hi," ci-in Thukham zuihna hangin Pasian tawh kipawl theihna ding thu a na gen hi.

* for "Christ is the end of the law Zeisu in tua thukham te a beina hi." a cih in Moses laigelh thukham te a genna hi in, Pasian thukham te Amah mah in akhut me tawh suangpek tungah agelh hi in, Moses laigelh thukham leh Pasian gelh thukham suang pek kilam dang hi.
Galatia 3:19 ah zong (It was added because of transgressions) mawh na hang in hong ki piak thuah gangawh biakpiak na thukham te bei zo hi na ci hi. Ei Zo Lai.S.Tho sung a tawh na sim kop in, ki lamdang hi.
Rev 22:19 hih L.S.Tho a beh lap or a hemkhia te gimna thuak ding ci hi.
HILHCIANNA 5na
THUKHAM NAMNIH
LST sungah Thukham nam nih in kikhen thei hi.

Pasian’ thukham: Moral Laws (Spiritual kici in,
Moses’ thukham: Ceremonial laws (ki thoihkikna thukham) kici.
Hih anuai aa tawh saikak in ensuk leng telkhialh nading omlo hi.
Pasian’ thukham pen “a tawntung in kip” ci hi.
Moses’ thukham pen “singlamteh ah bei” ci hi.

[Pasian' thukham] Spoken by God- “Pasian in … gen hi.” Deut. 4:12,13.

[Moses' thukham] Spoken by Moses- “Moses in gen hi.” Lev. 1:1-2; Neh. 9:14.

[Pasian' thukham] Called the “royal law”- “Topa’ thukham kici” James 2:8.

[Moses' thukham] “law-contained in ordinances”- “Ngeina tawh kipawl biakpiakna thukham.” Ephe. 2:15

[Pasian' thukham] Written by God- “Pasian in gelh hi” Exodus 24:12

[Moses' thukham] Written by Moses- “Moses in laibu sungah gelh” Deut. 31:24, 2Chro. 35:12.

[Pasian' thukham] Written by the fingers of God- “Pasian khutme tawh kigelh” Exo. 31:18.

[Moses' thukham] Was the handwriting of ordinances. “Biakpiak ngeina ki gelh khempeuh” Col. 2:14.

[Pasian' thukham] Placed in the ark- “Thukham singkuang sungah kikoih” Deut. 10:5; Heb. 9:4; 1King 8:9.

[Moses' thukham] Placed at side of ark- “Thukham singkuang puallamah kikoih” 
Deut. 31:26.

[Pasian' thukham] Called “the testimony”- “Tecipanna kici” Exo. 14:20,31:18.

[Moses' thukham] Called “book of the law”- “Thukham laibu kici” Deut. 31:26.

[Pasian' thukham] Called law of God- “Pasian thukham kici” Ps. 1:2; 119:1.

[Moses' thukham] Called law of Moses- “Moses thukham kici” Mal 4:4,Acts 15:5.

[Pasian' thukham] Last forever- “A tawntung in kip” Ps 111:7-8.

[Moses' thukham] Came to end of the cross- “singlamteh ah bei” Col 2:14; Heb 9:10-11.

[Pasian' thukham] Points our sin- “Mawhna lak” 1 John 3:4; Rom 3:20,7:7.

[Moses' thukham] Points to sacrifice of Christ- “Zeisu ki gawhna lak” Col 2:14-17.

[Pasian' thukham] Not abolished by Christ- “Zeisu kip sak” Matt 5:17.

[Moses' thukham] Was abolished by Christ- “Zeisu in singlamteh ah beisak” Eph. 2:15.

[Pasian' thukham] Magnified by Christ- “Tawisangin thupi sak hi” Isaiah 42: 21.

[Moses' thukham] Nailed to the cross by Christ- “Singlamteh tungah kilhcip in beisak” Col 2:14.

[Pasian' thukham] Is holy, just and good- “Siangtho, thuman in hoih hi”.

“I KNOW THAT THE LAW IS SPIRITUAL” Rom. 7:12,14.
[Moses] Only shadow of good things to come- “hong pai ding ahoih naate lim ciinkholhna” Heb 10:1.

Mawhna hong lut khit Adam khanga kipan tuhun dongin, Pasian biakpiakna ngeina nih in kikhen hi. Zeisu sih ma hun leh Zeisu sih khit hun ahi hi. Zeisu sihma hun aate in, thuciamlui zangin biakna pia uh hi. Zeisu sih khit hun aate in thuciamthak zangin biakna pia uh hi. Thuciamlui in “Honpa hong si ding” cih phawksak a, thuciamthak in “Honpa Zeisu Kigo zo” cih phawk sak hi.
Thuciam-lui ahi a, athak ahi zongin, kha-mangthangte in Pasian a zuat kik theihna ding-a kibawl ahi hi. Pasian kiang zuan khempeuh in, Pasian’ geelsa lampi zui-in zuan kik thei hi. Mihing utthu tawh Pasian kiang kizuan theilo hi.
Topa Zeisu hong sihna pen mawhneite tang-a si hi. Thukham tang a si hilo hi. Thukham palsatna thaman sihna thuak dingte tan hizaw hi. Thukham phiat nuam leh tat kullo ding hi. Kip lua ahih man ahi hi.
Kumpi upadi palsatte Lawyer cial a, ih tat khiat tawh kibang ahi hi. A kitat khiat manin ut bangbangin tat theihna ki pia lo hi. Gammi-hoih khat bangin omkik theihna bek ahi hi. Pasian’ thukham pen spiritual mahmah hi aa, Sabbath zong spiritual Sabbath ahi hi. Spiritual Kingdom lut ding ih hih manin pumpi tawh kisin khol i hi hi. Kikheelna ni hong tun matengin, vantung misiangtho nuntakzia sin khol-khol i hi hi.


To get the latest update of me and my works

>> <<