MUC

Print Friendly and PDF

Friday, February 19, 2016

KAAL 13 SABBATH PROGRAM


KAAL 13 SABBATH PROGRAM | QUARTER CIN SABBATH TAWPNA

Tu quarter leitungbup Sabbath School sumpi tawh Uruguay gama pawlpi nasepnate ah kipuak ding hi. MUC in i zumpi aa dingin kizeek ding hi. Mai Sabbath pen 13th Sabbath hi ta ahih manin sumpi i khiat ngei ii a zah thum i khiat ding kizasak khol hi hang. Tu quarter sungin South America Division sunga nasep dan pawl khat i za khinzo hi. Amazon gundung a nasem Leo Halliwell, Leo-te nupa, Jessie, cihte’ nasepzia i pulaak hi. Khat vei khualzinin ka pai-na uah, Santarem khuapi ah ka khawl uh hi. Tua hunin hih khuapi ah thu-um om lo hi. Nitak khat khuanawl lam pian khatah thugenna khat ka nei uh hi. Sawtlo-in mi tampi hong kikhawmvat hi. Ka man uhteh numei khat in hong hopih a, ka gen thute in a lungsim sukha mahmah hi. Ama pa pen America mi hi-in sanggam numei nih nei-in, inn golpi khat ah teng uh a, tua innah thugenna nei dingin hong sam hi. Tua a kipan lampi ah thugen nawn lo-in ama inn ah thugen ka kipan uh hi.


Kha 4, 5 khitteh hih khua ah ka pai kik uh hi. Amau inn mahah ka pai kik a, thugen dingin ka ngen hi. A pasal pen Protestant thuum mi khat na suak khin hi. Tua leh Pasian’ thu gen ding cih ka pulaak takteh a pasal heh cihtakin hong heh hi. No SDA-te in hih lai munah thugen thei lo ding, ci-in tutphah tawh hong sat sawm hi. Ahi zongin a zi-in hih inn keima inn hi, a gen nop uh leh gen uh hen, ci-in a pasal dawng kik hi. Tua munah Pasian’ thugenna ka nei uh a, a tanu thum le midangte zong tui kiphum uh hi. Ni khat hih khua ah laibu zuak khat hong pai hi. Laibu zuakin inn khat ah va pai hi. Hih inn ah paak nei khat om a, ahi zongin hih innkuan in thuman sang thei ahih manin tui kiphum ding geel uh hi. Tui kiphum ding khuanawl lam zuan in a pai-na uah khua sung mite in hih paak nei mipa khua sung lampi tawnsak lo-in, mun dang pan pai dingin gen uh hi. Tui kiphum in, hih mipa in kei zong ni khat niteh Pasian’na sem nuam ing, ci-in pulaak hi. Inn ah zong innkuanpihte tawh lumkhawm thei lo, anne khawm thei lo-in tuam om hi. Laibu zuakpa in a huhna ngetsak-in zatui pawl khat leisak hi. Zatui 2000 vei bang kisun khit takteh, a paaknatna dam hi. Laibu zuakpa in Daniel sunga genkholhna cihte hilhcianna nei-in, tua zawh kum khat khitteh mi 9 bang tui kiphum uh hi. Hih khuapi ah thugen ding ka pai kik zel uh a, thugen ding hong kiphal peuhmah nawn lo hi. 

Khua sung hausa makaite kiangah ka nget uh hangin hong phal lo uh hi. Brazil gamah suakta takin biakna kizui thei hi, ci-in ka gen hangin, no thugenna hangin bang lo khat piang leh, ko tavuan la ngam lo, hong ci mawk uh hi. Tua ahih leh lampi ah gen ding hi ung, ka cih uh hangin hong phal tuan lo uh hi. Tua bangin ka kiho laitakun mi khat hong tai veva-in, khawk-ukp a (governor) hong pai hi. Lampi awn un, ci-in hong sawl hi. Tua leh kei zong governor pa tawh kimu ding ka ngaihsun hi. Bang hang hiam cihleh governor pa pen ka lawm khat hi. Ama kiangah gen leng, thugen hong phal ding hi, ci-in ka ngaihsun hi. Tua bangin ka ngaihsut laitakin puankaang silh mi khat in hong sam hi. Hih pa pen tapa nei a, a tapa mopawi ah, tetci, theihpih letmat thuh dinga hong sam na hi hi. Kei zong ka pai pah a, kitenna man khitteh ama inn ah ciahin anne-in, ka ki ho ho uh leh amah pen hih khua sung a lianpi pa na hi citciat hi. Kei zong khua sung makaite in thugen ding hong phal lohzia ka pulaak tak ciangin hih ulian pa in, ka inn ah hong gen in, ci-in hong sam a, thugenna ka nei thei uh hi. Tu quarter leitungbup Sabbath School sumpi in Amazon, Paraguay le Uruguay gamah biakinn, laisinna sanginn lam nadingin kipuak ding hi. MUC in i zumpi aa dingin kizeek ding hi.

To get the latest update of me and my works

>> <<