MUC

Print Friendly and PDF

Saturday, February 13, 2016

Innkuan Sungah atheih huai thute



Bangci dan Pasal/Zi deih ing cih na gen thei hiam? (Zi hoih / Pasal hoih ih neihna tungtawn in innkuan nuam hong piang pan ding ahi hi.

1.     Innkuan mailam nuntakna ding hong lamto thei ding zi/pasal ahih nak leh

2.     Zi/ Pasal ih zon takteh kalsuan dan nawhsuan lo ding.

3.     Ei innkuan ih lam ding pen in, midang te ahoih zaw a, huzap maw cih en khol ding


ZI AHI DINGTE ETNA

1.     A pasal a ding in a tawsawn thei, ahuh apanpih thei hi ding hi.

2.     Tua numei itna sungah a pasal in nuam a sak ding

3.     Numei in thumaan ding citak ding (a lawmpa lungkim sak mah2 pong in anung ah a utbang a omte hilo ding)

4.     A pasal in muangin, apasal siatna ding bawl lo, khantawntung a a pasal a kem hi ding

5.     Sum leh Paii lam ah thumaan ding citak ding (Paunak 31 numei te pen thanuam ding)

6.     Note : Ama ngaih sutna bang zui in ama deihna bang a pian theihna ding in nu leh pa te kiang pan pai khiat ding vai hawm aa, nu leh pa ten tanu khat a ngah sang sik a, atapa na leng a tanlawh thei hi.


PASAL AHI DINGTE ETNA

1.     Numei ten ah khantawn in hong tulpih takpi ding hiam? hong tenpih takpi ding hiam cih sittel ding. bang ci sit tel ding hiam? cih leh a mau innkuan sung nuntakna leh a beisa ama nuntak zia kan ding hi.

2.     Nang hong lungnuam sak zo ding gamtat zia a nei hiam?

3.     Ama itna sungah daihna, lungnopna namu zo takpi diam?

4.     Pumpi, Khalam, ngaihsutna lam ah a siangtho hiam?

5.     Innkuan sungah (Pasal)in Siampi hi. ci hi.

6.     Na tenpiih sawm tangval in nu a nei lai hiam? a nu bang ci bawl hiam? a nu a lungkim sak hiam? a bawl zah dingin a bawl hiam?

7.     Zu hai khat beek a dawnte tawh ki khawl ken, kiteng ken! (na deih ve ve leh bel, khuk pawn lianga khukdin kul leh khitui tawh na zian ding kul hi.) Lawngkasa a kimawl mi hilo ding.

8.     A nu a pa theih loh kal in atanu tawh na ki khawlh leh tua numei ii leh a nu a pa te tungah zahtakna anei lo mi hi teh. (numei lam pan zong tua bang mah)
9.     Nuntak siangtho in Pasal tat ding, hanciam in atha lawp mi, Pasian it in, a zah tak mi, tua bang mite pen nungak no ten zong hen la tenpih hen...

NOTE:

1.     a kiteng ding numei pasal te in nidang in nikhat in nihvei thungen ahih leh kiteng dingin a ngaihsut ni a kipan in, nikhat in 4 vei thungen ding hi. (eg. Isaac zilakna)

2.     Pumpi cidam, ngaihsut khuak cimna, gamtat hoih te a kemcing nuam ten khangno lai a, nu leh pa om khopna pelh ding hi. (zi ding pasal ding sittel lopi a tenpih lo ding)

3.     Thu umlo mitawh kiteng lo ding hi. Bang hang hiam cih leh 2 Cor 4:16 thu umlo mite tawh a kibanglo hakkol na pua khawm kei un ci hi. Thumaan in, thumaan lo bang ci san thei ding ahi hiam? Khuavak leh khuamial bang ci kipawl thei ding ahi hiam? Pasian biakinn pen milim tawh bang ci bang in om thei ding ahi hiam? ( ? )

4.     Thumaan thutak a sang khin sa te in thu umlo te a tenpih manin Pasian deihna a khe tawh a sikcip a tuancil suak hi.

5.     Thu umlo mi, upna kibat pihlo mi tawh na kiten sawm tei tei leh a tunga ih cih sa mahbangin Khitui leh Khuk pawn lianga thungetna tawh na zian kul kha ding hi.... Hih zo ning na cih leh ki pan in! Zian kul lo mihoih zong zaw leng eii a dingin hoih zaw hi.


INNKUAN KHAT IH SUAHKHIT TEH Puak khop kul, thuak khop kul (eg. haksatna, gentheihna, nopna, dahna)

1.     Nasem khawm ding, kimawl khawm ding, innkuan sungah tate khansuah khawm ding

2.     A neu no no kitotna om thei hi. (kua khialhna hiam cih kingaih suta kan kul a, ei ih khial leh en khiam (sawhpii) kul ding hi) a khat pen a heh leh a khat pen in a hehna ki control siam thei ding...

3.     Innkuan sungah zong ciamnuih bawl khawm in, nui zel zel ding hi.

4.     Nupa te khat leh khat kikopin kido pih ding. pangkhawm ding in khat leh khat ki taih lo ding

5.     Ki tenna ah a deihna nam (3) kimu khia in ah tua te in
(a) Pasian ii hoihna, Pasian ii hihna te a leng' khia sak ding (Pian 1:26,27
(b) A pung ding a khang ding in Topa'n hong deih a hih manin kitenna hong bawl sak hi
(c) A uk ding, leitung a om gahhing nam khempeuh leh mihing te a uk ding, a ki uk ding..
(d) Kitenna pen leitung mite tungah teci panna khat hi... (ki-itna lak khia ding)


NUMEITE ZIA (NATURAL) THEIH DING

1.     Numei ten itna deih pha zaw deuh se hi.
2.     Numei ten awlmah ding ut se hi.
3.     Numei ten ama a ding in kha muanna (lung chong muh) deih uh hi.
4.     Numei ten pah tak ding ut uh hi. (nuam baih, dah baih , hehnep hak)
5.     Numei ten Lai nat mahmah ding ut. khasiat deuh ding ut.
6.     Numei ten semkhawm ding, bawl khawm ding cih ut pha deuh uh hi.


PASALTE ZIA (NATURAL) THEIH DING

1.     Pasal ten zahtak ding ut. LST in Pasal te zia mah bangin Ephessian sungah zi te aw na pasal te uh zahtak un.
2.     Pasal ten zong pahtak ding ut uh hi
3.     Pasal ten pen innsungah dai hi thiat ding ut. (daihna (peace) deih uh hi)
4.     Pasal ten pen innkuan sunga ding a lutang makai khat a hih na tawh kizui in alang khat lam pan in, kipiak khiatna mu nuam uh hi. (gentehna. a Pasal in Van khat ahih zongin, nek theih khat ahi zongin hamsa pi taka a lei pen a zi lam pan hi lel tak cih san ziau ziau lo ding cihna hi)
5.     Pasal ten pen kihel khawm ding, kipawl khawm a sepkhopna kalsuan khopna te zong lunggulh uh hi.
6.     Pasal te pen Makai thei cih khat ut uh hi. A ma ii makaih na pen a innkuan pih ten a thudon ding a zuih ding ut uh hi. Ama ii makaih theihna khat pen a zi in (a tih a mat piuh leh ut) tua hih leh ki tot kisel na omlo zaw deuh hi.
7.     Pasal ten a lungsim sunga buaina a tuamtuam te a ventheihna ding deih uh hi.

PAWLPI THULAMLAK BU NIHNA (Ellen G. White)

To get the latest update of me and my works

>> <<