MUC

Print Friendly and PDF

Friday, February 19, 2016

A Thunget hat Palik




































FEB 20 | A Thunget Hat Palik

Isaac Diaz pen Paraguay ah Palik zanei mahmah khat a hi hi. Amah pen RC tawh akhangkhia hi a aNu pen thu nuam mahmah hi a, a Pa pen Zu anak dawn mahmah ahihi. Sang akah ciangin tai 4 leh alang bang gamla in akhe tawh sangkah den a khedap zong bulh ngeilo hi.
Kum 15 aphak ciangin Palik sangkah a kum 4 khitteh asang man hi.  Kum 20 bang Palik nasep sem hi. Thu genna khat ah alawm pa tawh thu ngaingai a tawpna ah alawmpa ki tuiphum in amah in Palik zanei khat ahihman in kituiphum nailo hi.  Tawlkhat khitteh thungena khat om leuleu a thungai-in kituiphum hi. Sabbath tang hita a ahizongin Sabbath ni Nasep ding thu kipia a amah utlo ahihman in mundang ah kipiangsak hi. 

Tuapan in Sabbath ni tan theih nadingin thungen a athunget asawtlo in phone pai-in na nasepna lui ah piangkik inla Sabbath zong nasep kullo hi cih kigen hi. Khat vei leuleu ciangin Palikten kumsim in Pawibawlna om a August 30 ni pen Sabbath ni tawh kituak ciciat hi. Amah tua Sabbath ni kikhawm ahihman in a Monday teh Palik Ulian pa in nangpen na za kia ding thongah nithum kia ding ci in gen hi.  Tua bangteng tawh nasem kik zel a nikhat leuleu ciangin Sabbath ni nai 7 a nasep ding thu kipia a Isaac in Sabbath na kasep sangin tawp ning ci-in a palik puanteng leh avan teng suahkhia in pusuak khia hi. 

Tua bangteng tawh Isaac in palik zum pai nawnlo-in a palik puansuah khia-in kikhawm dingin biakinn ah pai hi. Biakinn a tun ciangin pastor in na muak pah a, nasep huh ding mi kisam mahmah ing, ka zonzon laitak hi ven, nang hong huh in, ci-in a pulaak takteh, Isaac in zong Pasian’ lamlahna hi ding hi, ciin ngaihsunpah a, pastor tawh nasem khawm dingin khensat pah hi. Isaac in Lai Siangtho sang a kah khitteh, nasemin khua tuamtuamah pawlpi phut hi. Nasepna hangin Sabbath tawlnga thei lo mite tungah Isaac in bang gen hiam cihleh “ I up pa i theihcian ding kisam hi. Satan in buaina lianpi pi hong pia ding hi. Ahi zongin Pasian in vanglian zaw hi. Pasian i muan ding thupi hi. Bang hang hiam cihleh Pasian in na khempeuh thei khin hi. Paraguay gamah RC thu-um mi 90%, Protestant 1% le a dang tuamtuam 3% bang om hi.


To get the latest update of me and my works

>> <<