MUC

Print Friendly and PDF

Friday, January 15, 2016

Prophets and Kings Chapter 1 (Zolai)



Thahatna pan Thanemna

TOPA gen hih ahi hi: "Mipilte in a pilna uh kisaktheihpih kei uh henla, thahatte in a hatna uh kisaktheihpih loin a haute in a hauhna uh kisaktheihpih kei uh hen; ahi hangin a kisatheite in: keimah in leitungah migitna, thutang le thumaanna zangin hihte ah nuam a sapa TOPA keimah ka hilam hong telna le hong theihna kisaktheihpih hen," TOPA in cikhia hi. Jeremiah 9:23, 24.


Chapter 1

Solomon

David leh Solomon uk hun sungin, Israel in minam te lak ah a thahat khat suak a thumaan thutak tawh huzap theih nading hunpha tampi ngah hi. Jehovah min kitawisangin kizahtaak a, hih thute hangin Israel te in Kamciam Leitang luah taktak uh hi cih na ahi hi. Kidalna teng kisatkham a, thumaan a zong te in Pasian a kitheihlohna leitang pan-in lungkimlohna tawh lampial kha hetlo uh hi. Pianthakna hong om in, leitunga Pasian pawlpi in pungin khanga neih leh lamh kicingin om hi.

Apa David asih kuan ciangin Solomon kumpi dingin sathau kinilh a, kitangko khia hi. A kum masa lam kamciam luah in vang nei a, tua pen Solomon in Pasian zia leh tong naih semsem a thahatna pan thahat semsemna, minthanna pan minthan semsemna nei-in, Pasian mite huzap in vantung thumaan ah mapi dinga Pasian muan na tawh a kizopna uh a cingtaaksak ding uh Pasian lunggulhna ahi hi.

26
David in ukna nei te leh mipi te in Pasian deih zia nuntaakna bang, a ngah theih nadingun tawlnga lo a, zon-in a neih uh leh bek amau adinga Pasian ii geelsak thute ngah thei bek ding uh hi cih thei hi. A tapa Solomon in Pasian muanna cingtaak a neih theihna dingin Pasian lungkimna leh Pasian’ pahtawi hi a, a khangmoi kumpi galhang, a kiva, thuneipipa cih maimai hilo a, a thahat, mi hoih, thumaan ahilhpa leh etteh huai mi citak ahih ding kul ahih lam David in thei hi.

David in mi kician, mi picing leh ahihna khempeuh ah hehpihna, itna leh dikna lak a, leitung minam te tungah a sepna khempeuh tawh Pasian tawisang leh Pasian min a thangsak, sianthona bangzah in hoih cih a kilanghsak dingin Solomon tungah nunnem takin gen hi. David in a nuntaak sunga ahanciam tampi te leh a phutkhak ciapteh huai thu te tung pan-a asin picing gamtatna ii a manphatna thu te a sih kuan ciangin Solomon tungah genkhia hi: “Mi khat in mite tungah thumaanna tawh a uk ciangin, amah in Pasian kihtaakna tawh a uk ciangin, amah meii kai loh ni zingsang, zing nisuaktung khuavak tawh kibangin, guah zuk khit cianga leipan lopa a selkhiasak tawh kibang hi.” 2 Samuel 23:3,4.

Oh, Solomon bangzah in hampha! Pasian humuap apa ii thuhilhna a zuih ding akilawm hiam, thumaan ukna tawh gam a uk ding cih, Late 72 sunga bangin:

Pasian aw, kumpipa tungah na thutang pia in, kumpipa’ tapa tungah na thumaanna pia in.

Amah in na mite tungah thumaanin thu khen dinga a, a hingimte tungah thutangin thu a khen ding hi.

Na mite tungah mualliante in daupaina tun ding uh a, mualneute in thumaanna gah a tun ding uh hi.

Amah in mite lakah a hingimte gum in a tasamte’ tate hon dinga;

mi nengniamte a suzan ding hi. Amah in ni a om laiteng,

kha a om laiteng khang tawntungin hong thuak keikai ding hi. 27

Amah lopa vatsa lo tunga guah zu leh lei buakkawt guah a bang ding hi.

A thumaante ama nuntak sungteng thamalh dinga; khapi a om nawn loh dong a daupai ding hi.

Amah in tuipi panin tuipi dong uk dinga, Gunpi c panin leimongte d dong a uk ding hi. Sehnel -gama behte a mai-ah kun ding uh a, a galte in leivui a liak ding uh hi.

Tharshish kumpite le gamlapi-a tuipi gei-ate in amah siah puak ding uh a;

Sheba le Seba kumpite in letsongte pia ding uh hi.

Kumpite khempeuh ama mai-ah kun ding uh a, minam khempeuh in a na sem ding uh hi. Ahang in tasama amah a kote hu dinga,

a huh ding khat beek a nei lo a hingimte a hu ding hi. A zawngkhalte le a tasamte hehpih dinga,

a tasamte sihna pan a hon ding hi.
Ama muhna ah amaute sisan manpha sa ahi manin netniamna le ngongtatna panin amaute a hu ding hi.

Amah khansawt hen! Sheba panin amah kham kipia hen.

Mite in ama adingin thu ngen uh henla, sun nilohin thupha piapia uh hen.

Gamsung khempeuh ah an tampi piang henla mualneute tungah kiling metmet hen.

Lebanon bangin gahpha henla gam sunga lopa bangin khanpha uh hen.

Ama min kip tawntung henla; ni a om laitengin kizomsuak ta hen.

Ama tungtawnin minam khempeuh thupha kipia dinga, amaute in amah thupha ngah ci ding uh hi.

Israel Pasian amah bek a piandang na a sempa, TOPA Pasian kiphat ta hen.

A minthang ama min kiphat tawntung henla, leitung buppi ama minthanna dim hen.

Amen, Amen.
A khangno hun sungin Solomon in David deihsak banglian in nungta a, kum tampi sung mah thumaan in kalsuan hi, Pasian’ thupiak banglian in limtakin thumang hi ci-in kiciamteh hi. Ukna a neih cil lai-in Solomon a gam sung ulian te tawh gamlak-a biakbuuk akilamna mun Gibeon ah ateltuam athudotpi te tawh kikaituah a, “a tulte a ukte tung le a zate a ukte tung,” “thukhente tung” leh “Israel sunga makaite khempeuh, papi te’ makaipa,” cih teng tungah amau mahmah Topa’ nasem dingin kipum ap ngiat a, Pasian a biakna dingun a gen hi. Khangtangthu Nihna 1:2. Kumpi ulian te ii sepding vaipuak lianpi bang hiam cih thei hi, Amau te in amau vaipuak ciat Pasian santheih dingin asep nak uh leh,

28
amau puak vangikpi teng Pilna Nak (ahi Pasian) kiangah makaihna a nget ding uh kul hi cih Solomon in thei hi. Hih atheih thute in amah tawsawn a, amah leh a uliante lungsim tak tawh kipumkhat in Pasian san taktak ahih theih nadingun a hansuah hi.

Kumpipa in ama tunga Pasian in apiak sep ding te aseptheih nadingin leitung na khempeuh te sangin, pilna leh thutheihna lunggulh zaw hi. Amah in khuak manlanna, lungsim picinna, lungnemna te lunggulh ngiat hi. Tua zanin ama-ang sungah Topa kilangh a, “Kong piak ding na deih hong ngen in” ci hi. Sinkhakthu (experience) a neilo akhangmoi ukpipa in ahuh ding neilo a, huhna kitangsam akisapna thu teng genkhia hi. “Na nasempa ka pa David tungah na migitna na lak zo hi,” ci-in “amah nang tungah muanhuai-in thumaana a lungsim a thutang hi. Hih na migitna lianpi ama tungah na zomsuak a tuni mahmah in ama tokhom a tu ding tapa khat na pia khin hi.

“Tu-in TOPA ka Pasian aw, ka pa David mun ah na nasempa kumpi na suaksak hi. Ahi hangin kei naupangno khat ka hi a, ka mawh puakte koici sep ding cih ka thei kei hi. Na teelsa mi sim zawh loh a tampite lak hih lai-ah na nasempa ka om hi. Tua ahi ciangin na mite uk nading le akhial le amaan khentel theih nadingin khentheina lungsim kei hong guan in. Ahang in, hih nangma mi tampitakte kua in uk zo ding ahi hiam?"

“Solomon in hih a ngetna hangin Topa a lungkim hi.”
“Tua ahi ciangin Pasian in ama kiangah, "Nang in hih nong ngen hi, khansawt nading ahi a, neih le lam ahi-a, na galte sih nading ahi zongin hong ngen loin thu khentheihna tawh

29
thutanga uk theih nading hong ngen na hi manin nong nget mah kong pia ding hi. Nang tawh a kibang a om ngei nai lo leh a om ngei nawn lo dingin pilna le thutheihtelna lungsim nang kong pia ding hi. Tua banah na nuntak hun sung teng kumpite lakah na kibatpih a om loh nadingin nong nget khak loh - hauhna le pahtawina kong pia ding hi.

“Tuateh ka lampite tawna, na pa David hih bangin ka ngeina kipte le ka thupiakte na man leh khansawtna zong kong pia ding hi," a ci hi. Kumpite Masa 3:5-14; Khangtangthu Nihna 1:7-12.

Pasian in David aompih mah bangin Solomon zong ompih dingin kamciam hi. Kumpipa in Pasian mai ah dikgamtat in, Pasian gen bangin a sep leh, ama kumpi tokhom kip dinga ama ukna hangin akiim aom minam dangte tungah Israel in pahtawina ngah

dinga “a pil leh thutheihtelna a nei mite” kici ding hi. Thuhilhkikna 4:6.

Gibeon aa tanglai biakpiakna mai a, Solomon in Pasian kiangah a thunget laitak-a azat kammal te in Pasian zahtaak-a pahtawi ding a lunggulhna leh a kiniamkhiatna kilangh hi. Ama tunga om vaipuak te sepzawh nadingin Vanglian Pasian huhna lo tawh naupangno khat adingin piang theilo ahih lam kiphawk hi. Thukhentel theihna kisam ing cih kithei hi, tua kisam akisakna lianpi pen in Pasian kiangah pilna zon ding lunggulhna neisak hi. A lungsim sungah midang te tungah thutheihna tawh amah leh amah kitawisang nopna nei ngiatlo hi. Ama vaipuak te citak takin sepkhiat ding lunggulh a, ama tunga ukna za akipia letsong pen Pasian minthanna dingin zang dingin hong teelkhia hi. Solomon in ahau mahmah, apil mahmah, leh a vanglian mahmah hihetlo hi cih kipulak khia hi, “Ahi hangin kei naupangno khat ka hi a, ka mawh puakte koici sep ding cih ka thei kei hi.”

Tuhun a panmun neite in Solomon’ thungetna ii hong hilh thute, zonga sin ding ahi hi. Panmun sang nei semsem, sep ding vaipuak lian semsem a, huzapna zai semsem kinei ahih manin Pasian tungah kingakh ding kitangsam semsem hi. A mite mai ah kidawmtakin sem ding leh zui dinga kisam (call) ahihna a phawk tawntung ding hi a, Pasian mai ah thusinpa khat bangin adin ding ahi hi. Panmun in sianthona zia leh tong hong neisak hilo hi.

31
Pasian zahtaakna leh Ama thupiakte manna in mite mi lian taktak in bawl hi.

A na ih sep Pasian in mite maitang zahtaak tuam neilo hi. Solomon tungah thukhenteltheih cimna apia Pa in tuhun a Ama tate tungah zong akibang tua thupha mah hong pia nuam hi. “Note lakah pilna kisam khatpeuh a om leh,” Akammal in genkhia a, “kuamah tai lo-a cingh taka a pia pa Pasian kiangah ngen leh amah kipia ding hi.” Ci hi. James 1:5. Lungsim vangik pua a, hauh nopna, vangliatna, leh minthangna te sangin pilna a lunggulh zaw te adingin lungkiatna ding omlo hi. Siapi Lianpa kiang pan in thu asin khatpeuh in bang sem ding cih bek hilo in Pasian deihna tawh kituak in koici sep ding cih zong thei khia ding hi.

Makaite ii tawt ding lampi in a ol hilo hi. Ahih hangin haksatna khempeuh thungetna tawh zozo ding uh hi. Pilna khempeuh ii bulpi a Nak ah thu adot khialh ngeiloh ding uh ahi hi. A thahatsak leh thu atheisak Pasian tungtawnin, amau te in asiangtho lo huzapna te nang zo ding uha, akhial leh amaan, asia leh ahoih khentel thei ding uh hi. Pasian santheih te amau te’n zong sangthei ding uha, Pasian aa tawh kituaklo akhial khempeuh nakpitakin nan bel in nei ding uh hi.

Solomon in hauhna, pahtawina, leh khansauna te sangin a lunggulh zawk pilna Pasian in pia hi. A nget khuak manlanna, lungsim picinna, leh nunnemna te zong ngah hi. “Pasian in

32
Solomon tungah pilna le a lian mahmah thumuhna, le a zai mahmah theihtelna tuipi gei-a sehnel banga sim theih loh zah a pia hi. Nisuahna lama mite khempeuh pilna sangin Solomon pilna lianzaw a, Egypt pilna khempeuh sangin a lianzaw hi. Amah midang khatpeuh sangin pilzaw a, … Tua hi-a ama minliatna a kima minamte khempeuh lakah a kizel hi.” Kumpite Masa 4:29-31.

“ Israel te khempeuh in … kumpipa akihta uh hi: bang hang hiam cihleh amah in

Pasian tung panin thutanga gam-uk nading pilna a neih lam amaute in a mu uh hi.” Kumpite Masa 3:28. Mi khempeuh lungsim David tungah akihei mah bangin Solomon tungah kihei a, amau te in thu khempeuh ah Solomon thu amang uh hi. “… Solomon in a kumpi-gam kiptakin a uk hi, ahang in, TOPA ama Pasian in amah ompiha, a liansak mahmah hi.” Khangtangthu Nihna 1:1

Solomon nuntakna sungah kum tampi sung Pasian tungah citak in, thumaanna tawh thubul kipte lenin, Pasian thupiakte limtakin zui-in kiciamteh hi. Sep ding thupi om khempeuh leh a gam sung vai khempeuh pilvang takin geel-in semin bawl hi. Ama uk akipat tunglam kum te ah ama hauhna leh a pilna te tawh, inn hoih pipi te leh mipi ading semin bawlkhia a, thahatna, biakpiakna, thutanna leh dikna te tawh athu bek hilo in sep leh bawl tawh thuah a, ahihna khempeuh ah mite ama tungah citak in pahtaakna leh maipha ngah a gamdang kumpi tampite’ zahtaakna zong ngah hi.

Solomon uk a khen masa hun sung teng Jehovah min nakpitakin kipahtawi in kizahtaak mahmah hi. A pilna leh adiktatna te tungtawnin kumpipa in minam dangte tungah a na asep Pasian hoihna leh thupitna te teci kilanghkhia sak hi. Tua hun sungin Israel in Jehovah liatna a pulak khia leitung khuavak ahi hi. Tehpih theih omlo pilna, hauhna, vangliatna leh minthanna te ama aa hi a, minthanna taktak Solomon in kumpi a suah tu’nglam te in ngah a; tua te leh Vantung ii letsong ahi a pilna te Israel’ Pasian minthanna leh kizahtaakna dingin zangkhia hi.

Kum te hong paipai in Solomon’ minthanna khang semsem hi, a khuak leh a kha thahatna ding behlap in, midangte tungah a thupha ngah te zekkhiat tawntungna tawh Pasian pahtawi nading zon bel in nei hi. Jehovah maipha angah na tungtawnin vangliatna, pilna, leh thutheihna te nei a, ama theih sangin a thei zaw kuamah omlo hi, hih akipia thupha te pen leitungah kumpite Kumpipa a kitheihna dinga kipia letsong ahi hi.

Solomon in piansak nate thute lunglut diak in nei a, ama zonkhiat thute thu hiangkhat bek-a kinga hilo hi. Piansak na khempeuh, nuntaakna nei leh nuntaakna neilo, te akipan a kankhiatna tungtawnin Piangsakpa atheihna kibehlap hi. Piansakna te hihtheihna, lei sung ahi a, ganhing, singkung, lopa leh paak, te tungtawn-a kilanghkhia Pasian’ pilna mukhia hi. Kankhiat beh semsem ahih manin, Pasian a theihna leh a itna khang semsem hi.

Solomon in Pasian kiang pan-a angah pilna thute late leh paunak bu sungah phatna late leh paunak tampi te kimu thei hi. “Amah in paunak tul thum genkhia-a, a laphuah tul khat le nga pha hi. Amah in Lebanon a tamtakte a kipan kulh tunga po puknah dong singkungte hinzia a gen hi. Amah in gamsate le vasate, a bokvak ganhingte le ngasate thu zong a hilh hi.” Kumpite Masa 4:32,33.

Paunak thubu sunga Solomon gelh thute in a siangtho nuntak nading leh alian lawhcin nading thumungpi hi; hih thumungpi te in vantung pan hi a gamtat hoih nading leh nuntaakna nei khempeuh ki-ukna ding thumungpi te ahi hi. Hih thumungpite kizelkhia a phatna khempeuh leh pahtawina khempeuh ngah dinga kilawm Pasian khat bek om hi cih akitheihna ding ahi hi. Solomon’ uk cil hun lai-in thutheihna akhan mah bangin neih leh lamh hauhna zong khang hi.

“Pilna mu a, theihtelna a ngahpa thupha ngah ahi hi; tua in ngun sangin met theizaw a, kham sangin a gahsuahzaw hi. Ruby sangin manphazaw a nang deihtheih

khatpeuh tawh kiteh thei lo hi. A taklam khut ah khansauna om a; a veilam khut ah hauhna le pahtawina a om hi. Ama lampi nuam a, a lampi khempeuh kilemna ahi hi. Amah a pom mi adingin nuntakna singkung hi-a, amah a lenden mi in thupha a ngah ding hi.” Paunakte 3:13-18.

“Pilna thupipen ahi manin pilna zong in. Na neih khempeuh na bei lawh zongin theihtelna zong in.” Paunakte 4:7. “TOPA kihtakna in pilna kipatna hi.” Late 111:10. “Topa kihtaakna in gitlohna muhdahna hi-a, kei in kisaktheihna, ki-uatsakna, gitloh-gamtatna leh kampau-kawi ka mudah hi.” Paunakte 8:13.

O tua zawh kum tawlkhat khit ciangin Solomon in pilna kammal te a manpha zia bulphuh in! O hibangin pulak khia hi, “Mipilte muk in theihna thehzak a” (Paunakte 15:7), amahmah in leitung kumpite kiangah leitung thuneite a phat nopna khempeuh uh kumpite Kumpipa piak ding hi ci-in hilh a, “kisaktheihna leh ki-uatsakna,”“gitloh-kampau-kawi,” kihel ngiatlo in minthanna pen Pasian bek mah ngah dingin kilawm hi amahmah in cikhia hi.

To get the latest update of me and my works

>> <<