MUC

Print Friendly and PDF

Sunday, December 27, 2015

Mission News January 9

JANUARY 9

LAMET TANGTUNG |    Thupuak: Samantha


A khangno lai a kipan Samantha in Amazon gundunga gunkuang tawh Pasian’nasepna thute zaza hi. “Ka A golteh Amazon gun dungah Pasian nasem ding” ci-in ngaihsutna hong nei hi. Samantha in Tan 10 a zawh khitteh University of West Parana ah nursing sinin sang kah hi.
Hih sangpi pan a man khitteh Amazon gun dungah kha sum sang lo, volunteer tawh Pasian nasem ding na ut leh ci-in sapna ngah hi. Pasian’ deihna takpi ahih leh lampi kihon ding in Samantha in zong thungen hi. Tua bangin a utna thu Samantha in zong zasak kik a, kha thum sung tentan (training ) a kah khitteh Amazan gundung khata om khua khat ah nasem dingin kisawl hi. Amah zong hih khua-a mite kiangah cidamna thu le Pasian’ thu genin om hi. Hih bangin a na sepna ah ADRA tawh kipawlna Samantha in nasem hi.

Ni khat papi khat a khut sisan luang neinai kawmin Samantha kiangah hong pai hi. Tua papi pa in a khut kigawi kha-a a liam ahi hi. Samantha in hoih tak bawl sak hi. Tua bangin a bawl laitak mahin kum 10 bang a pha naupang khat a khe gulin tu-in kibawl dingin Samantha kiangah hong pai hi. Gulgu khauh mahmahte ahih manin a pumpi tungah gulgu kizelh loh nadingin Samantha in bawl pah hi. Papi pa le hih naupangpa in zato ah pai kul ahih manin Samantha in ADRA’ gunkuang khat samin zato pai dingin sawl hi.

Khua mial khinta hi. Ahi zongin hihte gel pen a manlang theithei-a zato puak kul ahih manin thungenin zato kipuak hi. Khuamial, guahzu lai ahih manin gun dung ah hamsa sa mahmah uh hi. Manacapuru khua ah hong tung uh hi. Tawl khat zato ah lumin, a liamnate uh damsiangin inn ciah kik uh hi. Samantha in hihte tawh kimu kikin, nuntakna honkhia nasep ahih manin a lungdam mahmah hi. Phone, mei, internet cihte om lohna khuano khat ah hih bangin nasemin om Samantha in a nasep thupisa-in mannei sa mah mah hi.

To get the latest update of me and my works

>> <<