MUC

Print Friendly and PDF

Sunday, December 27, 2015

Mission News January 2


JANUARY 2

AMAZON AH VANTUNGMITE

Thupuak: Leo Halliwell

South America-a om gun sau penpen in Amazon gunpi hi. Peru gam Andes Mual panin Atlantic Tuipi dongah tai 4000 bang sau hi.


LUZEIRO GUNKUANG TAWH PASIAN NASEPNA

Manaus khuapi in Amazon gundung mun khata om khuapi khat hi. Portugues pau in Luzeiro pen gunkuang khat ii min hi-in, a khiatna in ‘khuavak pua’ cihna hi. Hih gunkuang in Amazon gundung khua khat khit khua khat ah pai-in cinate aa ding zatui zaha, siavuan, siamahte pua-in, tatkhiatna thu tangko-na-in kizang hi. Tua banah laihilhsiate, thuhilhsiate zong pua kawikawi hi. Hih gunkuang pen pastor Leo Halliwell makaihna tawh kibawl ahi hi. Tua bangin nasemin a om Leo Halliwell in a tuakkhak thute tu-in i za ding hi.

Ni khat gun dung mun tuamtuam ah a pai laitakun, pastor Leo Halliwell le a tapa Jack in gam sung ganhing tuamtuam, gilbem a kipan zawng cihte mu uh hi. Lamdangsa-in a et et laitakun puan hoih mahmah a silh mihing thum in galmuh uh hi. Amau pata a khutvan mi thum galmuh uh hi. Tua leh khat in, patate kiangah gun saklam ah nong paipih uh diam, ci hi. Lauhuai ahih hangin patate in khau khat lohin, amau tuanna gunkuangnei khau tawh kai-in patate tuangna gunkuang tungah hong kahto uh hi. Gunkuang tungah kahtoh khit deuh uh, khat in pastor Leo Halliwell khut lakkhiatsakin amah mahin gunkuang hong hawlvat hi. Tha khat thu-in gunkuang in gun laizang lam kidenna hi. Patate in a


 khuadak uh leh, pi 20-na khawng ah suangtum lian mahmah khat mu uh a, tua bangin gunkuang kihawl kei leh, a gunkuang un tua suangpi pukha-in gunkuang kibung ding ahih lam phawksan uh hi. Tua mipa in Pastor Leo Halliwell kiangah tun, gunkuang hawl in ,ci-in sawl hi. Tua mi nihte amau patate kiang pan paikhia uh hi. Kuama om lohna mun ahih manin patate in kua hi ding hiam ci-in lamdangsa mahmah uh hi.

Pastor Leo in a tapa Jack kiangah koi lam zuan uh hiam hoihtak en in, ci-in sawl hi. Tha khat thu in tua mite mangvah hi. Pastor Leo in vantungmite hi ding hi, ci-in Topa tungah lungdamko hi.

Pastor Leo-te’ pata in Amazon gundung ah pai suk paito-in tatkhiatna thu gen kawikawi uh hi. 1931 a kipan hih bangin gunkuang tawh Pasian na kisem toto hi. Tu-in tua bangin nasem gunkuang 25 bang om hi. Tu quarter Sabbath school sumpi in Amazon gundung-a om khua tuamtuamte kiangah Lungdamna thu puak nadingin kizeek ding hi. MUC in i zumpi aa dingin kizeek ding hi.

To get the latest update of me and my works

>> <<