MUC

Print Friendly and PDF

Sunday, December 27, 2015

Mission News Jan 23

JANUARY 23.

Missionary-te’ Gramophone.

Waciri in a neu lai-in Leo le Jessie Halliwell’ nasepte za ngei hi. Hih mite in bang sem uh hiam cihleh, Amazon gundunga teng mite kiangah cidamna thu le tatkhiatna thugen Pasian nasemte hi. Waciri’ pa pen khuasa sem ngei khat h-in, Leo Halliwel tawh zong Pasian thu kikum ngei uh hi. Tua hun lai-in khat le khat a pau uh kithei lo uh ahih manin khut tawh kilak uh hi. Bang mah a kiho theih loh uh hang, hih mite in bangmah siatna bawl lo ding hi, cih mu ahih manin khua sungah lut sak uh hi. Tua bangin hong om uh a, hausa pa le Leo Halliwel zong lawmta hong suak uh hi.


Hih khua mite muhnop mahmah khat in bang hiam cih leh gramophone hi (khut tawh pei-in la kingai thei hi). Mite in phatna late zaknopsa mahmah uh hi. Khua khatkhatte pen gilo thei mahmah uh hi. Mi a muh ngei lohte khawng uh manin ngawngtan eek uh hi. Tua bang munte ah Halliwell pai veve hi. Tua bangin a vapai-na khua khatah mi ngawng kitante khawng mu a, tua khua mite in Halliwel zong mat sawm uh hi. Ahi zongin Halliwel lau lo hi. Halliwel in gramophone tumin, khua mite in zaknopsa thei mahmah uh hi. Gramophone khat khua mite aa dingin bawlsak hi. La tuamtuam hilhin, thuman thute hilhin, tua bangin nasem hi. Halliwel in tua hausa-pa tawh kithu za-in, laisim ding laibu, lai hawm tuamtuamte zong khak zel hi. Sa sianglo le sa siang cihte zong hilh hi. Hausa-pa in zong sa sianglote nek ding khaam a, khua sung mi kim khat in sang thei taleh, kim khat in langpan uh hi.

Kum tawl khat khit ciangin Waciri in hausa sem hi. Ama hausa sep ciangin khua sungah zu nek ding phal lo hi. Tham lo-in Saturday nisial-in kikhawm ding hanthawn hi. Khuapih mi a tamzaw-te in Sabbath zui uh hi. Ahi zongin kikhopna ding biakinn nei zo nai lo uh hi. Zan khat Waciri in mangman a, a mang sungah biakinn khat mu hi. Tua a mangmat a tangtun nading kum 12 sung ngak hi. Tawmtawmin biakinn ding kitawm uh hi. Sualpek ding, kawmzawl ding, sikkang cih bangin kaikhawm khawm uh a, a sawt ciangin biakinn khat din thei uh hi. Nasep kipatcil lamin bel buaina tuamtuam tuak kha uh hi. Ahi zongin tu-in hoih takin kikhawm thei uh hi.

To get the latest update of me and my works

>> <<