MUC

Print Friendly and PDF

Sunday, December 27, 2015

Mission News Jan 16

JANUARY 16            GUNKUANG TAWH NASEMPA’ KIKHELNA

Thupuak: Eraldo


Eraldo pen Amazon Gundung Saklam tengah RC pawlpi tawh kopin gunkuang hawlhawl khat hi. Eraldo in siampite tawh khualzin khawm den ahih manin ahih loh hangin tua khua mite in siampi khat bangin zahtak uh hi. 

Ni khat khua sung mite in Luzeiro gunkuang hawlte tawh kimu dingin Eraldo kiangah gen uh hi. Eraldo in tua khua mite kiangah Luzeiro tawh nasemte’ piak zatui zaha-te la unla, ahi zongin a thugente uh um kei un, ci-in vaikhak hi. “ Na khua sung uah hong ten sawm uh leh, phal kei un, a omna uh suang tawh deng un, a inn uh halsak un,” ci-in Eraldo in sawl hi. Gundungah Eraldo in Luzeiro gunkuang a muh ciangin, Luzeiro gunkuang suam dingin geel hi. Suam kha dektak ahih manin Luzeiro gunkuang hawlte in nuihsan ziau lel hi.

Ni khat Eraldo in a nu kiangah lai khat ngah hi. A nu in SDA sungah tui kiphum cih a zak ciangin, kha 3 sung a nu hopih lo hi. Hih mite in Pharisees bangin voksa ne lo, Sabbath ni tawlnga hi, ci-in a nu kiangah gen ding hong ngaihsun hi. A tanaute innkuan khat Eraldo kiangah hong hawh uh hi. Eraldo in an pia-in, amau zong nial ngam lo uh ahih manin ne uh hi. Bawngsa hi, ci-in Eraldo khem a, voksa pia hi. Eraldo in bang gen hiam cih leh, na pastor kiangah hong gen ding hing, voksa na nek uh. Pharisee-te bangin suang tawh hong kideng ding hi, ci-in gen hi. A ciah uhteh Eraldo in zui-a a pastor kiangah voksa a nek uh lawt ding ci-in zui-a, pastor kiang a tun uhteh, a pulaak leh, pastor pa in amau bawngsa sa-a a nek uh, ci-in bangmah cih lo hi. Eraldo ahih leh lungkim het lo hi. Bang hang hiam cihleh, a pastor pa un, voksa a nek manun bawlsia gawp leh ut hi gige hi.

Eraldo in a nu kiangah phungzi vapai leh ut hi. Tua leh amau zong vahawh uh a, a nu le phungzi pa kiho Eraldo in ngai-ngai hi. Lai Siangtho kikum kum uh a, phungzi pa in Eraldo’ nu a dot thute, aman hoihtak dawng kik thei ahih manin Eraldo in lamdangsa hi. Phungzipa in a cih nading thei nawn lo hi. Phungzipa in Eraldo’nu gente nial thei lo hi. Tua leh Eraldo in lamdangsa hi. Ka nu up thute man ahih leh, bang hangin phungzipa’ upna zuih pih ding ka hiam, ci-in ngaihsun hi.

Kha khat khit ciangin Adventist pastor khat in Eraldo-te’ inn kuan va hawh hi. Lai Siangto thu kikum uh a, kha khat khitteh Eraldo zong tui kiphum hi. Eraldo a kituiphum ni mahin phungzipa zong hong pai-a, phungzipa zong Adventist pawlpi sungah a na kituiphum khin hi gige hi. Eraldo in nidangin mi gilo khat ahih hangin, tu-in mi thak hong suak hi. Eraldo in nidang-a omna ngei-sa-na munte ah tu-in pastor semin pai kawikawi-ta hi. Tua khua mite in Eraldo amuh uhteh lamdangsa uh hi. Eraldo in khua khat ah kha nih sung taamin thugen a, tua khua bup-in Adventist hong suak uh hi. Eraldo in ADRA ah nasemin om hi. A nasep nuamsa hi. Khrih’ hong itna mite tungah pulaak ding sim loh nasep dang kinin nei lo hi.


Tu quarter leitungbup Sabbath School sumpi in Amazon gundunga gunkuang tawh Pasian nasepnate-ah kipuak ding hi. MUC in i zumpi aa dingin kizeek ding hi.

To get the latest update of me and my works

>> <<