MUC

Print Friendly and PDF

Sunday, December 27, 2015

Mission News Feb 6

Nung Sabbath a zom……

Michael in tui kiphum ding khensat hi. A omna khua ah Adventist pawlpi a om hiam, ci-in hong kan hi. Adventist biakinn khat va mu hi. Upa pa kiangah tui kiphum nuam ing, ci-in a pulaak leh, upa pa in Lai Siangtho sinna na neih masak phot kul hi, ci-in a gen ciangin Michael in Lai Siangtho sinna nei khin ing. Tu’n tui kiphum nuam hing,” ci-in dawng kik a, Lai Siangtho sinna lesson 28 bang zo khin ahihlam upa pa in a muhtak teh, tuiphum dingin hong khen uh hi.

A sanggamte in Michael tui kiphum ding cih a theih uhteh heh mahmah uh hi. Tui kiphum ding phal lo uh hi. Ahi zongin Michael in mihing’ thu man ding sangin Pasian’ thu man ding khensat zaw hi. Ni thum sung antangin thu a nget khit ciangin tui kiphum ding kiphal ahih manin tui kiphum hi. Michael in tui a kiphum a kipan nidang bang nawn lo-in, maitai-in, a lungnuam mahmah hi. Mission Club kici kipawlna ah kihelin khangnote tawh nasem khawm hi. Khuakhal sungin khua tuamtuam ah khangnote pantahin pai kawikawi hi.


Tua bangin Mission Club ah nasemin a omna panin SDA sangsia khat tawh kimu kha hi. Michael in hih sang ah sangkah nuam hi. Ahi zongin sangsap ding nei lo ahih manin laibu zuak phot hi. Tua bangin a laibu zuakna mun khatah tui sianglo dawn kha ahih manin cina-in zato lum hi. A sum ngah khempeuh zato ah kibawlna-in hong bei ta hi. Sangkah nading om nawn lo hi. Ahi zongin Michael bel lungkia tuan lo hi. Sangsiapa tawh kimu-in ni khat nai nih bang nasep kawmin sangkahin om hi. Michael sangkahna Adventist Agricultural Industrial Academy pen 1968 kum pan kihong hi. Tu quarter leitungbup Sabbath School sumpi in hih sang puah nadingin kipuak ding hi. MUC in i zumpi aa dingin kizeek ding hi.

To get the latest update of me and my works

>> <<