MUC

Print Friendly and PDF

Tuesday, September 15, 2015

LESSON 13 DEC. 19 – 25 JEREMIAH TUNG PAN NUNTAK PIH DING THUTE


                                               LESSON 13   DEC. 19 – 25 

                                   JEREMIAH TUNG PAN NUNTAK PIH DING THUTE



SABBATH NITAK: TU KAAL SUNG SIM DING: Jer. 2: 13; 6: 20; 7: 1- 10;10: 1 – 15; 23: 1                                    – 8; Matt. 9: 12; Thkna. 6:5.

KAMNGAH: “En un, Topa in kong cihin-ah, keimah in David’ suan lak panin kumpi dingin a 
diktat mi khat ka khankhiatsak ni hong tung ding hi. Amah gam uk siam mahmah ding a, a 

gam sungah thuman thutang tawh thu hong khen ding hi.” Jeremiah 23: 5.

Jeremiah’ thu i sin a mankuan ding i hi ta hi. Jeremiah tawh kisai a lauhuai, nuamna le limciinna tuamtuate i mu hi. Kamsang dangte mah bangin Jeremiah in a ut thu a gelh hi lo hi. Topa’ piak thute bek gelh hi. A mun le hun tawh kizui-in Topa’ piak thute a hong gelhkhiat ahi hi. Tua thupiakte in thulaigil nei hi-in, tua thulaigilte in mun le hun ciangtan nei lo, a tawntungin kip hi. Topa' tungah citak ding le a thupiakte zuihna zong a tawntung a kisam ahi hi. Tua bang biakna in Topa’ thu za nuamin, kithuhilh ding ut hi. Tua in kipuahphatna man, biakna man ahi hi. Mannei lo, a hawmpi biakna in tua bang hi lo-in, Topa muanglo-in A kamciamte sangin mite muang zaw hi.Bang bang vauhilhna le a lauhuai tuak ding uh hi mah taleh, Topa’ itna in a mite taisan ngei lo hi.

SUNDAY          DEC. 20

JEREMIAH’ TOPA

Satan le Khrih kido-na-ah a thupi penpen in: Pasian’ zia le tong i cih in bang hiam, Pasian in a bangci Pasian taktak hiam, mawhmaisak lo (a gilo) Pasian hiam, mawhmaisakin eite a ding a hoih penpen a hong deihsak Pasian mah hiam? cih thute kihel hi. Satan’ ngawh bangin Pasian in itna, hehpihna nei kei-in, Amah mah hong kipia lo hileh, bang i suak khin zen diam? Koi dinmunah i om diam? Satan om kei leh, tu-a sangin hoih zaw mahmah ding hi hang! Singlamteh in hih thu hong theisak hi.

“Na khempeuh a piangsak le a kem tawntung vangliatna nei PA, cherub le seraph khempeuh in Ama min a phat det uh vantung minthanna tawh kidim Pa Pasian in a it Tapa in mawhneite a hong domtoh nadingin Amah mah hong kiniamkhiatsukin, maizumna, mawhna pua-in PA’ nungngat thuakin, a mangthang ding leitung in a lungtang a sukkhap dongin Calvary singlamteh tungah a nungtakna hong pia hi. Amah in na khempeuh PIANGSAKPA hi-in, mihing in Amah it-in a bawlsa nate lamdangsa-in Ama min a phat dingin, mi khempeuh’ THUKHENPA in a minthanna le a vangliatna khempeuh nusia-in hong kiniamkhiat hi.” Ellen G. White, The Great Controversy, 651.

Koi bangin Jeremiah in Pasian’ zia le tong pulaak hiam?

Jer. 2: 13 ___________________________________________________

Jer. 5: 22_____________________________________________________

Jer. 11: 22____________________________________________________

Jer. 31: 3____________________________________________________

Jer. 3:7 _____________________________________________________

Pasian in nuntakna khempeuh ii bulpi hi. A vanglian Piangsakpa hi. Thukhen Pasian hi. A hong it Pasian ahih manin siatna hong tunpih ding i mawhnate kisikin Ama kiang zuan ding a hong thum tawntung Pasian hi.

Koi bangin Pasian in itna tawh kidim takpi hi, ci-in na tuak kha ngei hiam?


MONDAY                    DEC. 21

BIAKPIAKNA LE MAWHNA

Terry Eagleton in a laigelhna khatah “biakna tawh kisai a bei thei lo Pasian' lungkimlohna ciaptehna laibu khat om a, tua laibu in Lai Siangtho hi,” ci-in gelh hi. Man khin taktak lo hi. Bang hang hiam cih leh, Lai Siangtho hong hilh bangin Pasian a bia i hi hi.

Nuntakna neilo biakna, a si upna panin kihemkhia dingin Topa in Jeremiah thupia hi. Siampi le biakna makaite in “ Abraham’ suante ka hi uh hi; Pasian’ tel ka hi uh hi” ci-in upna nununin gangawh biakpiaknate masak zaw-in, tua bang biakna in mawhna selcip dingin ngaihsun uh hi. Amau le amau kikhem hi lelin, a dahhuai zuau thu ahih manin, Jeremiah in hihte mah langpan hi. Hih bangin ngaihsut khak ding kidophuai hi.

Jer. 6: 20; 7: 1 – 10 sungah Jeremiah in bang thulaigil pulaak hiam? Koi bangin Topa tawh nuntakkhopna-ah kimu thei ding hiam?

____________________________________________________________________

____________________________________________________________________

Jer. 7: 9, 10 ah, mite in amau ut bangbang semin, biakbuk sung hong lut uh ciang, mawhmaisak ding ngen uh hi. Pasian kikhem thei lo hi. Cimawh genthei-te hehpih ding banah, siatna lampi a nungngat kei uh leh, Pasian’ thukhenna thuak ding uh hi.



“Biakna nei-in biakpiakna tuamtuam pia khin nangawn ka hihteh, tuate in ka mawhna khempeuh sincip ahih teh, ka ut bangin ka gamta zongin phamawh nawn lo hi,” cih ngaihsutna in ei le ei kikhemna taktak hi lo hiam? Jeremiah’ vauhilhna le Mathew 9: 12 sunga Jesuh’ gen thute a kibatlohna bang hiam? Bang hangin a kibatlohna i theih ding thupi hiam?


TUESDAY                    DEC. 22

LUNGSIM TAKPI TAWH BIAKPIAKNA


“Tua ahih ciangin eite khempeuh in Pasian' tungah eima thu tek i gen ciat ding hi” (Rom 14:12). Jeremiah in Judah minam bupin thuhilh hi. Amaute in Pasian’ teel lenggahkung hi ( Jer. 2: 21); Topa’ it mite hi (Jer. 11: 15; 12: 7); Topa’ gouluahte ahi uh hi (Jer. 12: 7 – 9); Ama’ lenggahhuan (Jer. 12: 10); Ama tuute hi (Jer. 13: 17). A vekun Topa’ sapna ngah uh hi. Tua mah bangin Thu Ciamthak sungah zong pawlpi in Topa’ teel ahi hi (Eph. 1: 22; 3: 10; 5: 27). Ahi zongin hotkhiatna pen mihon tawh kisai lo-a mimal tawh kisai hi. Mi khat a kihotkhiat manin nang zong hotkhiatna ngah cih hi lo hi. Pawlpi sungah mimal tampi a om mah bangin Judah minam sungah zong mimal tampi kihel hi. Mimal upna tungah hotkhiatna kinga hi. “Na Topa Pasian na lungsim khempeuh, na nuntakna khempeuh le na hatna khempeuh tawh it in” cih thupiak in, mimal khat ciat tungah thupiak hi. Tua hi-in Topa in mimal khat ciat thu hong sit ding hi.

Jeremiah in Topa tawh mimal kizopna bangci pulaak hiam?

Jer. 17: 7 _____________________________________________

Jer. 17: 10_____________________________________________

Jer. 29: 13_____________________________________________

Jer. 9: 23, 24___________________________________________

Lai Siangtho in pawlpi, mihon nasep tawh kisai tampi gen hi. Ahi zongin upna ahih leh mimal mah mah in Topa tungah ki-apna, thumanna tawh kisai hi.

Hotkhiatna pen mimal tawh kisai hi mah ta leh, koi bangin khat le khat kihanthawnin, thapiakna kisam hiam? Tuni-in kua thapia-in na hanthawn diam?

WEDNESDAY            DEC. 23
 NGUN LE KHAM KIZUT MILIM


Jeremiah in mawhna lianpi bang do hiam? Jer. 10: 1- 15.

___________________________________________________________________

___________________________________________________________________


Jeremiah in milim’ manneihlohzia bek gen lo-in, a nungta Pasian zong pulaak hi. A nungta Pasian, na khempeuh Piangsak Pasian, vanglian Pasian le a hawmpi bangmah kimang lo nate’ kikhaihzia pulaak hi. A nungta Pasian in a tawntungin om den hi. Ahi zongin milim in a tawntungin kisia ding hi. Koi-ah i nuntakna i pia zaw diam? A thanem, a mawkna, a man lo nate tungah kinga ding maw, ahih kei leh na khempeuh a bawlin a kem PA tungah kinga zaw ding? I teel zawk ding thei ding hi hang. Ahi zongin bang mah kimang lo nate’ nung delh thei kha zel pahpah hi lo i hiam? Milim bia i hih loh hang, i nuntaknate in milim tawh kidim kha zel hi lo hiam? Pasian sangin i masak zawk khempeuh, Pasian sangin thupi zaw-a i ngaihsut khak khempeuh milim hi pah hi.

Bang nate le thute milim dinmunah koihin kibia kha zel hiam? Sum le paai, neih le lamh, minthanna, cihte? A tawp khakna ah hih nate in hong honkhia zo diam? Leitung nate in tawntung nuntakna hong pia thei lo, mawhna pan hong honkhia thei lo hi. Lungnopna taktak hong pia thei lo hi, cih i thei hi. Khrih mah mitsuan lo-in, siatna zuih khak loh ding kidawm kei lehang, Jeremiah hun lai mite bang mahin leitung nate in hong vukcip ding hi.

THURSDAY     DEC. 24
 A BEIBAANG/ A CIANLAI MITE


Judah mite in saltang ding hi ta kamsangte’ thuhilh mang nuamtuan lo uh hi. Chaldean galkapte in a thum veina Jerusalem khuapi simin kisia ding hi ta ahih manin, Judah mite lamet bei uh hi. Jeremiah in Jerusalem kisiat ding gen a, gen kei in kici taleh gen veve ahih manin, tua thu hangin thongkhiat lawh hi. Ahi zongin Jeremiah’ thugen a um mi tawmno khat suakta uh hi. Judahte in gitlohna tawh kidimin Topa langpan den uh hangin, a kisik mite’ mawhna a maisak le lametna a guan, amaute a honkhia Topa Pasian in tuni dongin a pawlpi makaih hi. Ellen G. White, Prophets and Kings, 466.

Topa a langpan mihonpite lakah Topa in Ama tungah a citak mi tawmno nei veve hi. Kamsang dangte mah bangin Jeremiah in zong hih thu pulaak hi. Leitung in kisia taleh, Topa in Ama aa dingin a citak mi tawmno nei den hi (Mang. 12: 17).

Koi bangin Jeremiah in a beibaang, a cianlai mite pulaak hiam? Jer. 23: 1- 8; 33:14–18. Koi bangin Thuciam Thak in tua bang mite pulaak hiam?

____________________________________________________________

_______________________________________________________________________

Mi a tam zaw in Jer. 23: 5 - 7 sunga genkholhna pen Topa tungah a citak mi tawmno khatte kihotkhiat nading hi, ci-uh hi. Babylon saltanna pan mi tawmno khat Judah gamah ciah kik mah hi. Ahi zongin tua pen vangliatna tawh kidim gam zuan hi nai lo hi. Topa’ genkholh bangin David’ suan pan a khangkhia a dik HIANG KHAT tungtawnin vangliatna tawh kidim gam nuamah ‘a cianlai’ (a beibaang pawlpi) mite hong ciah ding uh hi. Khrih, mihingin hong pai masak lai-in tua vangliatna gam kipan kholta a, (Matt. 1:1, 21:7–9, John 12:13), nihvei hong pai kik ciangin tua vanglian gam hi ding hi (Dan. 7: 13, 14). Tua hun ciangin Topa’ mi tawmno, a cian lai taktak mite in lungnopna le khamuanna tawh nungta tawntungta ding hi. Egypt pan suahtakna a tawntung, a kip, a kicing suahtakna taktak hong tungta ding hi, cih limcing hi.

Na lamette bang tung kinga hiam? Koi bangin Topa’ kamciam te na nuntakna ah tangtung takpi ding hi, ci-in na muang hiam? Topa’ kamciam sim loh a dang muang ding na hiam?

FRIDAY  DEC. 25

SIMBEH DING: A beisa kum tampi lai-in SDA sia W. D. Frazee in ‘A Gualzo le A Guallel” cih tawh kisai thugenna khat nei hi. A gualzo le a guallel cih thu siksanin Lai Siangtho sunga kigelh siampi, kamsang, Nungzui, sawltak, a banbanin gentoto hi. Gentehna in Tuiphumpa John. Nasep kipat lai-in nungzui zong nei hi. Ahi zongin a nununglam ah thongkia-in, thahna thuak hi (Matt. 14). Tuiphumpa John’ thu a gen khit ciang, “ John pen guallelpa maw, gualzo pa, ci-in mipite dong hi.

Jeremiah ee leh! Bangci ciang gualzo hiam? Hamsatna tampi nawkkha hi. Siampi, kumpite in Jeremiah langpan mahmahta leh, Jeremiah in a nasep khiam tuan lo hi. “A mipihte siat nading nasem pa”, ci-in mawhsakna thuak zawsop hi. A gengen thute tangtung takpi hi: galte in Judah mite do gawp uh hi. Jeremiah’ hangin hih bang siatna hong tung hi, ci-in Jeremiah ngawh uh a, dum sung khatah kiasuk uh hi. Jeremiah in tua lai-ah a sidingin kingaihsun hi. Ama mit mahmawhtawh Babylon saltanna, -in Jerusalem biakinnpi kisiatte mu kha lai hi. Mihing’ muhna panin Jeremiah pen daupai lo hi; guallel mipa hi.

KIKUP DING DOTNATE:

1.    Bang siksanin Jeremiah pen a gualzo pa ci ding maw, ahih kei leh, a guallel pa, ci ding? A gualzo pa hi, ci-in na ngaihsut leh, mihing’ mit tawh en lo na hihlam bangzahin thupi hiam? Bang siksanin a sia le a pha, thuman le thuman lo, gualzo le guallel khentel ding i hiam?

2.    Koi bangin Jesuh Khrih’ nunzia ding Jeremiah’ nunzia in pulaak khol hiam? Amau nunzia sungah kibatpih bangteng om hiam?

3.    Hehpihna kicing khin, bang bang siatna i bawl zongin phamawh nawn lo” cih upna tawh kisai ngaihsun in. A man lo, a mawkna hehpihna om ahih leh, bangin hehpihna man taktak hi ding hiam?



To get the latest update of me and my works

>> <<