MUC

Print Friendly and PDF

Tuesday, September 15, 2015

LESSON 12 DEC. 12 – 18 EGYPT ZUAN KIK

                                    LESSON 12      DEC. 12 – 18

             EGYPT ZUAN KIK

TU KAAL SUNG SIM DING: Jer. 40: 7 – 16; 41 – 44; Pai. 16: 3; Gam. 16: 13.

KAMNGAH:  Tua  ciangin  amaute  in  Jeremiah  kiangah,

“Topa na Pasian in kote tungah nong gen dinga hong sawl peuhmah ka sep kei tak uh leh a thumaan le a muanhuai Topa' kote tungah teci hi ta hen.” Jeremiah 42:5.

Tu kaal sungin Jeremiah’ hun nunglam thute i sin ding hi. Pasian’ hehpihna kicing hi. Ahi zongin hehpihna a nial teitei mite kihehpih lo ding hi. Topa in a mite suahtak nading lampi, lungnop kicin nading, lungmuan nading lampi hilh hi. Ahi zongin langpanna a tuak, Topa' tungah a citak mi tawmno khat bek in tua thuphate ngah ding uh hi.

Mite’muhna panin Jeremiah’ nuntakna a mawkna tawh kibang hi. Dahna tawh kidim den kamsang khat ahih manin, “a kap kamsang” ci-in kithei hi. A thuak ding uh gimnate kihilh taleh, amaute in kisik lo-in Topa langpanin, Jeremiah’ thugente zahpih uh hi.

Hehpihna pen hehpihhuai lo mite tungah hong kipia hi. Ahi zongin a nial mite in ngah lo ding uh hi. Hehpihna ngah nading a kisam thute tungtawnin a ngah thei ding i hi hi.

SUNDAY          DEC. 13
KUMPI GAM KISIA


Galte in Babylon do-in zo gawpin Babylon kisia hi. Amaute' thuakna

in thuman theihna suak hi.

Jer. 40: 7 – 16 sim in. Thupuak bang kigelh hiam? Aneu 11-na ah

‘a baanglai’(a cianlai mite) cih kammal in thupitna bang nei hiam?

________________________________________________________________________

________________________________________________________________________

Thu hoih thupha, nopna thu kigen taleh, mite lungkim tuan lo hi ( Jer. 40: 12). Jer. 41 sim in. “ A beibang mite” in hamsatna bang tuak uh hiam?

______________________________________________________________________

_______________________________________________________________________


Bang siksan a kisuamlum cih a kigen loh hangin, kumpi ulian khat ii suamlup hi (Jer. 41:1) cih kigelh hi. Pasian’ tel Judah mite in Pasian’ thupiak, Babyalon mite tungah ki-ap ding cih pen um thei lo uh hi. Bang hang hiam cih leh Babylon kumpite in Gedaliah a koih uh ciangin, (Jer. 40:5) Judah mite in amaute kisiat nading bekin kivaihawm hi, ci-in mu uh hi. Babylon mite’ sawltak khatin ngaihsun uh ahih manin a kumpi tokhom beimang kul hi, ci-in ngaihsun uh hi. Babylon gama Judah mi a beibangte in Gedaliah kithahna hangin Babylon mite phu a lak khak ding lauthawng mahmah uh hi (Jer. 41:3).

Ishmael le a mite’ khialhna hangin mi kim khat in amau' khialhna lopi khat gimpih uh hi. Hih thu in thumang lo mi khat a thumanlohna hangin amah banah mi om muang khat in zong gimthuaklawh hi, cih hong musak hi.

MONDAY         DEC. 14
PASIAN’ MAKAIH NA NGEN


Jer. 42 sim in. Judah mite bek hi lo, Topa a zong mi khempeuh aa dingin bang thu kigelh hiam?

______________________________________________________________________

______________________________________________________________________

Mite in Babylon kihtakna hangun Jeremiah in thungen dingin thum uh hi. Hih thu hangin Jeremiah in Pasian’ kamsang man taktak hi, ci-in theitel ta uh hi. Jeremiah gen bangbang tangtung takpi hi. Tu-in Topa’ thupiak bangbang a sem dingin kiciam ta uh hi. A thuak khak uh thute in Pasian’deihna thei nuamsak bek lo-in, lungsim takpi tawh Pasian’ deihna a zui dingin khensat uh hi. “Nang kong sawlna uh Topa eite Pasian thu, a hoihlam ahi a, a sialam ahi zongin kote' hoih nadingin ka mang ding uh hi, ahang in, kote in Topa eite Pasian thu ka mang ding uh hi,” a ci uh hi (Jer. 42:6). Hih kammal in upna kip pulaak hi. Topa’thupiak a ngak bek uh hi ta hi. Jeremiah’ thuhilh masak lamin, gamdang kumpite muang kei un. Topa Pasian bek muang un. Tua hi leh a hun a cin ciangin Topa in note hong honkhia ding a, nuamsa-in na daupai ding uh hi, ci-in pulaak hi. Mihing in hong honkhia zo lo hi. Gamdang kumpite in zong honkhia zo lo hi. Pasian in Judah mite’ lungsim ngaihsut muthei ahih manin, amaute vauhilh khol hi.

Pasian muang lo-in, namdang pasiante muan ding ngaihsun uh hi. Namdangte a muan uhleh, siatna tuak pel mawh ding uh ahih manin, tuate a muan loh ding uh Pasian in kiteltakin thupia khin hi.

Tua bang mahin eite in zong khensat ding i nei hi. Khrih upna le muanna tawh nuntakna le lungnopna kingah hi. Uplohna le thuman lohna in sihna le siatna lampi hi. Mi khempeuh in kibatlohna tuamtuam i nei hi. Ahi zongin i tun nading mun kibangkim hi: sihna maw nuntakna khat teitei ah kitung ding ahi hi. Judahte' tungah kipia bang lianlianin i tungah hong kipia kei zongin Pasian’ hong vauhilhna a kibang a hi hi.

Nisimin thupha maw hamsiatna, nuntakna maw sihna, koi na teel hiam?


TUESDAY                    DEC. 15
 EGYPT AH KILEHKIKNA

Jeremiah 42 sim in. Mite in bangsem dingin kithawi uh hiam? A kimu thei upna tawh Judah gamah omsuak sawm uh hiam? Ahih kei leh a ngei bangin siatna bawl ding, “Topa thupiak langpan ding kithawi uh hiam? Egypt gam lunggulh kik le-uh a tuah ding uh siatnate Topa in vauhilh khin mah taleh bang hangin amau deih bangin nuntak ding ngaihsun veve uh hiam?

Jer. 43: 1- 7 sim in. Bang bawl uh hiam?

___________________________________________________________________

____________________________________________________________________

Pasian’ kammal le i ngaihsutna a kituah loh ciangin, Pasian’kammal i muangmawh hi. Jeremiah hun lai-in tua bangin Pasian’ thupiak muang zo lo uh hi. Israel mite in koi koi ah om ta le-uh, a ngaihsutna uh kikhel lo hi. Jeremiah mawhsiat nuamin, Baruch le a lawmte langdo-in, amau le amau mawhpengin kingaihsun uh hi.


Pai. 16: 3; Gam. 16: 13 sim in.  Moses le Jeremiah hun lai mite

gamtatzia kibatpih bangteng kimu hiam?

___________________________________________________________________________

___________________________________________________________________________

Mihing in ama khialhna ngaihsun lo-in midangte mawhsiat den hi. Hih pen mihing’ pianpih hi. Tua bang mahin Baruch in zong mawhsakna thuak hi. Judahte in Babylon ah saltanna a kipan a tuahsiatnate uh siksan nei lo-in Baruch ngawh uh hi. Moses hun lai-in zong mipi in gam sungah si dingin Moses in hong makaih hi, ci-in a thuak uh gimna khempeuh Moses ngawh uh hi. Thangpaihna le hehna tawh kidim laitakin thuhoih kingaihsun thei lo hi. I lungsim ngaihsutna, hehna, thangpaihnate Topa i ap ding thupi mahmah hi.

Hehna, thangpaihnate in Topa’ kammal tawh hong kigamla sak zel hi lo hiam? Bangci bangin tua-te   dal thei ding na hiam?


WEDNESDAY                        DEC. 16



SAL DINGIN KIPAIPIH






Jer. 43: 8 – 13 sim in. Topa in Jeremiah tungtawnin bang gen hiam?

______________________________________________________________________

______________________________________________________________________

Tahpanhes in Judah gam le Egypt gam saklam nisuahna lama om Jew mite tenna kulh tawh ki-um khua muanhuai mahmah khua khat hi. Topa in hih khua-ah Jeremiah sawl hi. Topa’ gen bangin a tangtun taktak ciang, Jeremiah’ gen sangin vanglian zaw lai hi. Koi bangin Jeremiah in Pharaoh inn lampi ah suangphum hi, cih Lai Siangtho in hong hilh lo hi. Tua suang kiphum in, Pharaoh in Topa’ vangliatna zo zo ngei lo ding hi, cih limcing hi. Topa’ gen bangin tangtung takpi ding hi. Egpty gamah galtai-te in gimna tawh kipelh tuan lo ding uh hi (Jer. 37: 7, 8). Egpty’ pasiante in kimanna nei lo hi. Thuman tawh kigamla uh hi. Israel mite in Topa’ thu manna in bukna muanhuai hi, Ama sung bek mah munkup hi, cih a theih ding uh kisam hi.

“Kei” cih lungsim i nial ciangin Topa’ deihna thei-in, Ama deih bangin i nungta thei ding hi. I mitte hong kihongin Ama thupiak sung panin a lamdang nate i mu thei ding hi. A thu mang lehang siatna tawh i kipelh thei bek ding hi. Thuman i theihna tungtawnin thukhenna a thuak ding i hi. Topa’thupiakte in thumanin, a hi ding mah ahi hi. Khrih’ hehpihna bek mah in Ama thupiak bangin hong nungtasak thei hi.” Ellen G. White, The Review and Herald, Feb. 25, 1890.


Israel mite in Egypt ah lungmuanna ngah dingin Egypt gam mah zuat kik ding lunggulh veve uh hi. I nuntakna ah Topa zong lo-in Egypt gam nuntakna bangin na nungta kha zel hiam?

THURSDAY                 DEC. 17

A KILANGTANGIN LANGDO-NA


Jer. 44: 1 – 10 sim in. Saltang mite in Egypt-ahbang sem uh hiam?

_____________________________________________________________________

______________________________________________________________________

Jeremiah in Judah gamah langpanna a thuak mah bangin Egypt gamah zong langpanna mah thuak hi. Jeremiah in Judah gamah a om lai-in makaite tungah thuhilh hi-in, amaute mawhna hangin saltang mi honpite thuhilh ding hi ta hi. 

Mi honpi in Jeremiah tungah bang thu puak uh hiam?  Jer. 44: 15 – 19.

____________________________________________________________

_________________________________________________________________________

Mihing' lungsim in lungkhauhna le khemna tawh kidim hi. A mibupin Jeremiah’ thugente bangmahin sim lo uh hi. Josiah’ puahphatma-in mite in “vantung kumpi nu tungah meihal pia” taleh bang mah gim thuak lo-in, na khempeuh hoihkim hi, ci-in dawng kik uh hi. Neih le lamh nei-in nuamsa uh hi. Ahi zongin Josiah in gam sung siansuah a kipanin, mite in lungsim takpi tawh kipuahpha lo uh ahih manin, tua a kipan gam sungah gimna kipan hi. Tua hi-in bang hangin Jeremiah’ vauhilhnate ngai tuan ding ka hi uh hiam? ci uh hi.

Jeremiah in mipite hih bangin dawng kik hi: “Na theih loh man uh hi. Note’ gamtatna hangin gim thuak na hi uh hi. Lungkhauh na hih manun a lian zaw gimna na thuak lai ding uh hi. Zuau thu um na hih manun hotkhiatna ngah ding kilamenin Egypt gam zuanin amau' pasiante na bia uh hi. Ahi zongin a tawpkhakna-ah thuman na thei ding uh a, tua hun ciangin na ziakai lua ta ding uh hi (Jer. 44: 20 – 30).

Siatna sungah kidiahin, Pasian’ thu um lo mite cithei-in nuamsa mahmah uh hi. Ahi zongin hamsat gimna tawh kilawi ngei lo thuman citakin Pasian a um mite’ nunzia koi bangin na ngaihsun hiam? Koi bangin hih a telhak thu na theitel hiam?


FRIDAY          DEC. 18

SIMBEH DING: Kamsang dangte mah bangin Jeremiah in zong sia le pha thu tawh kisai thu dotna nei hi. Khristiante in siatna lakah a hoih nate om hi, cih i mu hi. Bang hang hiam cih leh Pasian in lampi tuamtuam zangin a hoih thute hong hilh hi (Rom 7:7; Micah 6:8; Joshua 24: 15; Matt. 22: 37 – 39; Thkna. 12:8). Ahi zongin Pasian um kei lehang bangci-in a hoih nate mu thei ding, koi bangin a sia lak pan a hoih thute mu thei ding? Pasian om kei a ci Sam Harris in bang gen hiam cih leh, “nuclear ii nasep tuamtuamte leitung pilna tawh a kitheih mah bangin Pasian om ta kei leh, nate’ thu theihna (science) in a sia le a pha hong khentelsak hi. Ni khat ni ciang nate' thu theihna in mawhna kici khempeuh beisak thei ding hi. “ Thabei ciangin vitamin nek bangin, mawhna i cih zong thabei tawh kibang lel hi-in, pilna in hong damsak ding hi,” ci hi. Pasian thu-um lo leitung mipil tampi in leitung pilna in na khempeuh puahpha-in a thakin bawl thei ding hi, ci-in um uh hi. Pasian um lo-in mawhna bei nading lampi a om diam?

KIKUP DING DOTNATE:

1.     “Topa’ hong thupiakte umin i zuih ding le zuih loh ding mihing tungah kinga hi.” Ellen G. White, 1SM., 118. Mawhna kisik ta

kei lehang, Pasian’ hehpihna in mawhmaisak veve hi, cih upna in bang hangin upkhialhna kici hiam? Mawhmai nading a kisam thute le sepna, zuihna cihte kibang lo hi. Gamtatna tawh diktan ngah ding cih upkhialhna le diktan ngah nading mawh kisik zong kul lo, hehpihna bek mitsuan ding kisam hi, cih thunih, koi bangin na khentel thei hiam?

2.      Thursday ni-a dotna en kik in. Mi khat in “ Jesuh um keng, Pasian zong um tuan keng. Ka nuntakna lah nuamsa veve ing. Nang sangin nuamsa zaw veve ing, hong ci leh, koi bangin na dawng diam? 

To get the latest update of me and my works

>> <<