Pastor. Dr. Khaipi, MCC Senior Pastor kiangpan Myanmar/Zogam Floods Victims
Relief Fund dingin $ 5,500 ZIOK kipawlna ah ongpiak laitak hi. hisum khempeuh USA
gambup Zomi kipawlna ZIUSA ah kipuakding hi.
Mitampitak te in Pasian nasepna pen Biakinn bek ah Necktie tawh Pasian thugenna bek
mah Pasian nasem in kituat lai thei hi. Pasian nasepna pen Mite tungah na hoih ihbawlna pen Pasian nasepna hi pah hi. Zogam ading napiak sumte, Zomi ading leh nek leh dawn neilo te napiakna pen Pasian apia na hihlamna kiphawk kul hi. Mikhat peuhtungah na huhna, na panpihna na mipihte na itna pen Pasian a it hipah hi teh.
Lai Siangtho sungah Muhteh Sanggam a itlo mi-in Muhtheihloh Pasian bangci it ding ci hi. Pasian itmi khat in a mipihte agam alei a itte hipah hi. Gam itlo mipihte thupi simlo itna mel neilo khat in Pasian a it acih hangin a zuaupi hiding hi.Tua ahihman in ei Pasian thuzui a kisa Pasian tate in ih mipihte ih ittheih takciangin Pasian a it ih hi pan ding hi.
Tua ahihman in dongtuakte huhna ah napiakpen Pasian nasepna alian mahmah ahi hi. Pawlkhatte in Gospel pai na ding, biakinn sungahkikhia lo peuhmah Pasian nasepna ah sum zang kici thei mahmah lo pawlkhat om thei hi. A dongtuak, nekding neilo, gilkial dangtak aom na sanggam nu/pa huh kei le cin hisangin Pasian nasepna ah akitangsam bang om ding hiam? sum nei mahmah khat, cidam mahmah khatnekding dawnding nei mahmah Sia/Pastor te na piaksangin hibanga dongtuak mite na piakpen Pasian apia na hizaw ding hi. cihnopna ah mikhat peuhtungah ih sepna pen Pasian tungah a bawl ih hi hi.
Laisiangtho sungah ka cihmawh laitak in nong donkei tua, silhding neilo in ka omlai tak in puansilh ding nong pia kei uh hi ci hi. Tua mite in cik in nekding kisam in om a, cik in puansilh neilo in om na hiam a cihteh Topa in aneu penpen tungah na bawl uh pen kei tungah ong bawl na hi uh hi ci hi.Tua ahihman mikhat tungah ih bawl thu hoih hangin Pasian lungdam mahmah hi cihna hi a pia in Amah'n hong dim ding ahi hi.
Lungdam
Khenno
