MUC

Print Friendly and PDF

Saturday, August 15, 2015

Thongkia Vai ah Lungdam Kohna






























PASIAN IN NONG THUNGET SAKNATE UH ONG DAWNG AHIH MANIN MISSION PASTOR
MOE KHAING  (NGO KHAW NANG) IN THU ONG BAWLNA HANGIN KHA THUM THONG
KIATNA PAN, MARCH 22 FRIDAY NIIN CIDAM TAK IN KAI ZA DAL LE KHAM KHEN
PAU ONG SUAKTA KA HIHMANUN THU ONG NGET SAK, ONG PAN PIH TENG TUNGAH
LUNGDAMNA KONG ZA SAK UH HI.

THONG KIA CIH LUNGSIM KHAT NUAMLO CIH SIMLOH, THONG SUNG OM DAN,
KHAWLDAN AVEKPI IN PASIAN IN ONG HUH AHIH MANIN HAMSATNA LUA OM LO HI.
THAMLO IN THONGSUNGAH CHRISTIAN PAWLPI NIH NA KI ORGANIZED A, ROMAN
CATHOLIC LE PROTESTANT TENG KIPAWLNA PAWLPI AHI HI. TUA LAI AH MAKAI
PAWLPI UPATE IN PASTOR IN ONG ZANG UHA, PASIAN KAMMAL TAWH NUNTAKZIA
DING NIPI SIMIN HUN KA NGAH UH HI. THAMLO IN, ROOM 4 AH NITAK SIM IN
BIAKNA DANGTE LAK AH TOPA KAMMAL KA VA GING SAK THEI LAI UH HI. MINDAT
GAM PAN KHANGLAM ZOMI KHAT LE HAKHA GAM PAN KHAT LE KACHIN GAM PAN
KHAT BANAH SHAN PUPI KHAT IN KO OM SUNGIN PASIAN DIKNA ATHAKIN ONG
TELCIAN AHIH MANIN KA LUNGDAM HI.

THONG INN SUNGAH GAMTUAMTUAM, NINAMKIM, PILNA NAMKIM NEI MITUAMTUAM,
BANAH GAM IT MITHUPI ULIAN TAMPI LE TANGPI THEI MI KIDAWK TAMPI NA OM
HI. I VAITE ONG DONGIN KA HILN THEI UH HI. CONFERENCE LE MISSION VAI
PEN MIPI TAMPI THEIH DING IN TAU SANG STAGE TUNGAH ONG LAMSANGTO
MISSIONTE TUNGAH ZONG ILUNGDAM HI.

PR. NENG KHAN SUAN LE SIAMA EN KHO CING(MRS LUAN NGAIH CIN) ONG PAI IN
THONGPAI PA ZUMAH THU ONG NGETSAK A KALUNG DAM MAH MAH UH HI. MIMAL
KITELKHIALHNA OMLOH DING DEIH IN PR. NGO KHAW NANG IN THUNGETNA ONG
NEIHSAK HEN CI IN LAI KA GELHIN KA THUMNA UH HI. ANGAH CIANGIN, THONG
PAI PA KIANGAH NA PAI IN A DOT CIANGIN, AMA SAWL HILO IN KOMAU MIMAL
NGET AHIHLAM ATHEIH CIANGIN THUNGET SAK NAWNLO IN NA KILEH KIK ZAWSOP
AHIH MANIN KA DAH UH HI.

AMAH A IT TE ADINGIN AHOIH BEL DINGIN PASIAN IN NATE PIANGSAK HI CIH
PAUL THUGEN MAN KA SA HI. HAKSATNA TAMPI KAWMKAAL AH ONG OMPIH PASIAN
IN 1987 PAN TUDONG CONFERENCE HANCIAMNA ONG KALSUAN PIH AHIH MANIN,
TUA BANGA ONG KALSUAN PIH TOPA IN MINTHANNA NGAH TA HEN.

Hong it,

Sia Kham Khen Pau

To get the latest update of me and my works

>> <<