MUC

Print Friendly and PDF

Sunday, August 16, 2015

SUNDAY VAI ROMAN CATHOLIC LEH PROTESTANTTE PULAAKNA



Christian pawlpi atamzawte in Sunday, nipi khatah nimasa ni, tawlngakni leh biakpiakni dingin tanding hilh uh hi. Atangpi in Christian masate in ni sagih Sabbath tang uh hi. Koici bangin biakpiakni hong kilaih hiam? Christian Tangthu in agennaah, sawltakpite asih khit zawh ciangin, nainganzi leh biakna hangin Laisiangtho Sabbath hong buai-a, ni masani hong kitang ta hi. Anuai-ah, Roman Catholic pawlpi pan mahin Sunday tan nadingin Laisiangtho bulphuh ding omlo hi, naci uha, Roman Pawlpi mahin Sabbath panin Sunday ah khek uh hi, ci hi. Tuabanah, Protestant pawlpite lai-atna panin zong, patauhna omlo-in. pilna neite, biakna makaite, leh lai-at tampite in Sunday tang uha, seello takin Sunday tan nading Laisiangtho bulphuh omlo hi, mah ci veve uh hi.

Roman Catholic Pulaaknate

James Cardinal Gibbon gennaah,
"Laisiangtho Piancil panin Mangmuhna nasim ciangin Sunday siansak nading Laisiangtho gual khat zong omlo hi. Laisiangtho in biakna hanga Saturday tan ding hongs awl napi-in, eite in ih siangtho sak ngei kei hi.”-- James Cardinal Gibbons, The Faith of our Fathers, 88th ed., 89. Keenan in adotnate,

"Dotna: Pawlpi in pawini thukhamte bawltawm nading thu aneihna ihlak thei
hiam?

"Dawnna: Tuabang thuneihna neilo hileh tuhun biakna makaite in athukim pihzahdingin ni masani Sunday tanna tawh ni sagihni Saturday nakhello mahding uh hi. Tua kikhelna adingin Laisiangtho thuneihna khat zong omlo
hi.”--Stephen Keenan, A Doctrinal Catechism. 3rd ed., 174.

John Laux dotnate,

"Laisiangtho siam pawlkhatte in Thukham Thak sungah Pasianin Sunday ni biakpiakni dingin khensat hi, ahangin Pasian mahmahin Sabbath pen Sunday tawh nakhel sak hi. Hih genna pen tuni in kinusia kilkel hi. Tu in, mi tampite in, Pawlpi in biakpiak nadingin hoih asak ni ateel theih nadingin Pasianin thupia hi. Pawlpi in Sunday, ni masa ni teel a, ahun hunin pawinite zong behlapto to uh hi, ci hi. -- John Laux, A Course in Religion for Catholic High Schools and Academies (1936), vol. 1, 51.

Ferres adotna,

"Dotna: Pawlpi in pawinite leh tawlngaknite apiak tawm theidingin athuneihna na lak thei hiam? "Dotna: Protestantte in aphal Sabbath pen Sunday tawh akilaihna mahmahin
Sunday khauhtakin atanna tawh tua pawlpi mahin abawl pawinite langdo in atang hi.” -- Daniel Ferres, ed., Manual of Christian Doctrine (1916), 67.

Gibbons dotna,

"Laisiangtho leh Thukham tungtawnin Saturday in ni sagihni hilo ahi hiam? Himah hi, kaci hi. Sunday in nipi kalah ni masa ni hilo ahi hiam? Pawlpi in ni sagihni Saturday ni pen Ni khatni Sunday tawh laih hilo hiam? Himah hi. Christ ie tua ni alaih hiam? Laihlo hi.” "Faithfully yours, J. Card. Gibbons"-- James Cardinal Gibbons, Archbishop of Baltimore (1877-1921), in a signed letter. The Catholic Mirror, James Cardinal Gibbons in akhet sungah, Sept. 23, 1893: "Catholic Pawlpi in Pasian’ sawlna tawh Saturday ni pen Sunday ni tawh nalaih hi."

The Catholic Virgin in agenna ah,
"Gentehna in, Laisiangtho mun khat mahah Christ ahihkei leh anungzuite in Sabbath Saturday ni pen Sunday ni tawh laih dingin thu pialo hi. Pasianin Moses tunga apiak a thukhamte sungah nipi kal khatah ni sagihni Sabbath ni siangtho in tanding pia hi. Tuni mi atamzawte in Sunday tang uh hi, banghang hiam, cihleh Laisiangtho kihello in Roman Pawlpi in in eite hong lak hi. "-- Catholic Virginian Oct. 3, 1947, 9, art. "To Tell You the Truth."

The Converts Catechism of Catholic Doctrine sungah:
"Dotna: Sabbath ni bang ni hiam?
"Dawnna: Saturday ni in Sabbath ni hi.
"Dotna: Banghangin Saturday tangin Sunday ihtang hiam?
"Dawnna: Saturday tangin Sunday ni ihtang hi, ahangin Catholic Pawlpiin
Saturday sianthona Sunday ah liah hi."--Peter Geiermann, C.S.S.R., The
Converts Catechism of Catholic Doctrine(1957), 50.
Scott in apulaakna ah, "Laisiangtho mun khat mahah Saturday ni biakna pen Sunday ah kilaih hi, ci in kigenlo hi..... Pasian’ thuneihna tawh Pawlpi in hong phut a, Sunday ni pen biakpiakni suak hi. Hih Pawlpi mahin Pasian’ thupiakna mah tawh Laisiangtho in agen mapekin Purgatory akici van leh lei kikal ah khawlmun thuhilhna hong nei uh hi. Sunday ah thu ihneih bangin Purgatory ah zong thu ihnei hi. "-- Martin J. Scott, Things Catholics Are Asked About
(1927), 136

Kraemer lahna,

"Judah Sabbath panin Christian Sunday kilaihna lahding thu kanei hi: "1) UPna leh biakna tukteh nadingin Laisiangtho bek asang Protestant te in Sabbath tanna ah apai kik hamtang kul hi. Ahangin, amaute in thungaihsun theite maiah Sunday atanna uh tawh muhkhialh dingin gamta uh hi. "2) Catholics te in upna tukteh nadingin Laisiangtho bek ka bulphuh kei uh hi. Laisiangtho banah anungta Pawlpi ie thuneihna ka ki makaih sak uh hi.Hih Pawlpi in, mite thu ahilh ding leh amakaih dingin Christ mahmahin aphuh pawlpi hia, Laisiangtho Lui biakpiak thukhamte laihin, Sabbath panin Sunday khelna zong ka pom uh hi. A mantakpi in, kageninah, Pawlpi in hih kilaihna ka bawl uh hi, hih thukham kabawl uha, adangdang thukhamte zong kabawl lai uh hi: gentehna in, Friday ni sa tanna, phungzite zineihlohna, minam kibanglo kiteenna thukhamte, Catholic kiteenna leh a tul lom thukhamte kabawl uh hi.
"Anuihzak huai thu ah, Protestant pawlpi tuamtuamte in thuhilhna tau pan ahi a, athukhunte vuah ahizongin Laisiangtho sungah aom kilkello Sunday tan ding thukham abawl uh hi. "-- Peter R. Kraemer, Catholic Church Extension Society (1975), Chicago, Illinois.

Enright in agenna,

"Laisiangtho bek panin Sunday asiangtho in tanding ahihna alak theite $1,000 kong pia ding hi. Laisiangtho sungah tuabang thukham omlo hi. Hihin Catholic Pawlpi thukham bek ahi hi. Laisiangtho in agenna ah, 'Sabbath ni siangtho a tanding PHAWKIN.' Catholic Pawlpi in, 'Hilo hi, Pasian thupiakna tawh Sabbath ni phiatin nipi kal ah ni masa ni siangtho a tanding thu kapia uh hi.' En un! Mipil leitung bupin asiangtho Catholic Pawlpi thupiakna maiah bok uh hi."-- T. Enright, C.S.S.R., A lecture at Hartford, Kansas, Feb. 18,1884.


Protestant Pulaaknate

Pawlpi tuamtuam panin Protestant theologiante and thuhilhsiate in Sunday ni pen Sabbath bangin tan nading Laisiangtho bulphuh omlo hi, ci in kisang tek hi.

Anglican/Episcopal

Williams genna, "Ni masa ni atangdingin bang Laisiangtho sungah kigelh ngei hiam? Ni masa ni atangdinhin thu hong kipia ngeilo hi. .... Ni sagihni tangin Ni masa ni ihtanna ahang pen Laisiangtho in agen man hilo, pawlpi in thu pia ahihman ahi hi."-- Isaac Williams, Plain Sermons on the Catechism , vol. 1, 334,
336.

Eyton genna,
"Sunday ni nasemlo dingin thupiakna Laisiangtho Thak sungah kammal khat, ahiau khat zong omlo hi. Sunday tawlngakna Pasian’ thukham khat zong lut nailo hi..... Vut Nilaini tanna, Friday ni a sanekloh cihte bangmahin Sunday tanna in bulphuh kibang nei hi. "-- Canon Eyton, The Ten Commandments, 52, 63, 65. Bishop Seymour, Why We Keep Sunday ah: “NI sagih ni panin ni masa ni, Saturday ni panin Ni masa ni ah ihkhel pen asiangtho Catholic Pawlpi thuneihna tawh kilaih hi. "


Baptist

Hiscox gentelna,
"Sabbath ni siangtho a tanding thukham om ngei a, om lai hi. Tua Sabbath in Sunday hilo hi. Ahizongin gendingin, gualzawhna lah nadingin Sabbath tanna pen Sunday, ni masa ni ah kikhin hi. .... Tua kikhinna koi ah kiciamteh hiam? Laisiangtho Thak ah om kilkel lo hi. "Jesu in anungzuite kum 3 sung a thuhilhna ah, Sabbath tawh kisai dotna zong nungzuite tawh kikum ngei a, tuabanga kikhelna khatvei zong gen ngeilo hi. Athawhkik zawh ni 40 sungin zong tua thu genkhalo hi. "Christian Tangthu sungah Sunday akizatna pen ka mu a kathei hi. Ahehpih huai thu-in, Sunday pen lawkite biakna lim in kizang hi. Tua pen ni pasian min kiphawkin, papa lampialna hangin nisiangtho dingin kisang ta a, asiangtho gaam leh go dingin Protestant biakna sungah kilut pih hi."-- Dr. Edward T. Hiscox, a paper read before a New York ministers' conference, Nov. 13, 1893, reported in New York Examiner , Nov.16, 1893. Carver genna, "Thuneihna leh zum maiah Juah Sabbath pen ni masa Christian biakna ni ah kilaihna om ngeilo hi."-- William Owen Carver, The Lord's Day in Our Day , 49.

Congregationalist

Dale genna, "Khauhtakin, kiap takin Sunday zang hiphial talengh, Sabbath tang kisuakthei tuanlo hi. Kei adingin Sabbath pen Pasian’ thupiak khat tungah kibulphuh hi. Sunday tan theih nadingin koimah ah ih thum thei kei hi. Sunday tan nading Laisiangtho Thak ah laigual khat mah nakigelh lo hi..... "-- Dr. R. W. Dale, The Ten Commandments (New York: Eaton &Mains), 127-129.

Timothy Dwight, Theology: Explained and Defended (1823), Ser. 107, vol. 3, p. 258 ah: "Christiante Sabbath [Sunday] in Laisiangtho sungah omlo hi, pawlpi masate in zong Sabbath na cilo uh hi. "

Disciples of Christ

Campbell genna, "'Pawl khatte in Ni sagihni pen ni masa ni ah kilaih hi, ci uh hi. Koi ah? Bang hun in? Kua in laih hiam? Kuanmahin gentheilo hi. Kikhel zo ngeilo ding hi. Piansakna akipan thak kik ding ahihkei nak leh kikhel ngeilo hi. Ahangin, tanna akikhel man hikha ding hi. Ngaihsutna khelna zong hiding hi. Sabbath panin Sunday ah kilaihna ahangin tanma-a athu kikhelna ahihkei leh, ahang akikhel man zong hithei hi. Tuabangin kilaih thei hileh, hun leh thukhamte khel nading thu nei akisa pa—ama min pen AntiChrist hiding hi.” Alexander Campbell, “The Christian Baptist”, Feb. 2, 1824, vol. 1. no. 7, 164.

The First Day Observance laibu in aciaptehna, "Nipi kal khatah ni masa pen Sabbath ki ci hi. Hihin khialhna ahi hi. Laisiangtho Sabbathin nipi kal khat a ni masa ni maiah ahong pai ni ahi hi. Laisiangtho bupah kalkhatah ni masa ni pen Sabbath nakici lo hi. Sabbath pen Saturday panin Sunday ah kilaih hi, cih limlim zong khialhna ahi hi. Tuabang kilaih nading Laisiangtho mun khat bekah zong kigen khalo hi. "-- First Day Observance , 17, 19.


Lutheran

The United Lutheran Pawlpi genna, "Christian Pawlpite lungsim panin damdam in Judah mite Sabbath mangthang hi. Sunday tanna in abupin Christina pawlpite sungah hong lut hi.Kum zabi thum dongin Christiante in Sabbath leh Sunday buai pih lo bek thamlo in, anihin pawikhamna in zang uh hi. "-- The Sunday Problem, A Study Book of the United Lutheran Church (1923), 36.

Melancthon genna,
"Roman Catholicte in Thukham tawh kikelki in Sabbath Ni pen Topa’ Ni in khelto uh hi. Sabbath Ni akhelna uh tawh kisai in etteh ding, limlah ding khat zong omlo hi. Amaute genna ah, thukham 10 lakah khat apaihkhiatna tawh Pawlpi thuneihna hang bek ahi hi. "-- “Augsburg Confession of Faith art. 28” by Melanchthon, approved by Martin Luther, 1530; as published in The Book of Concord of the Evangelical Lutheran Church. Henry Jacobs, ed.
(1911), 63.

Historian Neander genna,
"Adang pawite bangmahin Sunday pawi bawlna in mihingte bawltawm ahi hi.  Pasain ie ahong sawlna akip sak nadingin nungzuipite in zong bangmah sawmna neilo uh hi. Pawlpi masate in hih thu tawh kisai in, Sabbath thukham pen Sunday ah natuah to uh hi."-- Augustus Neander, The History of the Christian Religion and Church. Henry John Rose, tr. (1843), 186.

Mueller genna,
"Laisiangtho Lui Sabbath mun pen Sunday in luahta hi, cih pen khialhna ahi hi. Tua hia, Sabbath pen Israel suante in atan bang lianin ei zong ihtan ding ahi hi. Hih bang ahilh pawlpite in ahilhna uh khial hi. Banghang hiam, cihleh Sabbath mun tangin ni masa ni kisiangtho sak hi, ci in Laisiangtho in agenna omlo hi. Hih Sunday tan nadingin Laisiangtho Thakin bangmah thukham nagenlo hi."-- John Theodore Mueller, Sabbath or Sunday ,
15, 16.

Methodist

Rall genna: "Sunday thu ngaihsun in. Laisiangtho Tahk ah pawlpi in nipi kal ah nimasa ni pen biakpiakni dingin ahong neih uhpen,Christiante in azuihding uh ni hi, ci-in Laisiangtho mal khat zongin hong genlo hi. Tua thamlo-in Judah mite Sabbath pen Sunday ni in kilaih theih nadingin Laisiangtho gual khat zong omlo hi."-- Harris Franklin Rall, Christian Advocate, July 2, 1942, 26.

John Wesley genna:
"Ahihhangin, Thukham 10 sungah aom biakna thukham pen kamsangte leh Jesu in paaikhia lo hi. Jesu ahong paina tawh Thukham khatzong apaaikhia ngimna neilo hi. Hih in akipalsat ngeilo ding Thukham ahi hi. Hih sungah thukham khempeuhin khangtawntunga mikhempeuh adingin thu nei lai hi. Hih Thukham in hun leh mun tawh kisailo hi. Pasian’ zia leh tong leh mihingte pianzia leh mihingte khat leh khat kizopna tungtawnin akikhel thei hilo hi. "-- John Wesley, The Works of the Rev. John Wesley, A.M.. John Emory, ed. (NY: Eaton & Mains), Sermon 25, vol. 1, 221. Dwight L. Moody

D. L. Moody Genna:
“Eden huanah Sabbath kitang hi. Tua hun panin Sabbath akitang suak ding ahi hi. Thukham 4na pen “phawkin” cih tawh kipan hi. Tua in Pasianin Sinai ah Thukham akhut tawh suangpek nih tungah a at ma-in Sabbath omkhin ahihna lak hi. Hih Thukham adang 9te in eite hong khih lai hi, ihcih laitakin thukhasm kiphiat khin hi, ci in mite in bangciin gen thei uh hiam? "-- D. L. Moody, Weighed and Wanting (Fleming H. Revell Co.: New York), 47, 48.

Presbyterian:
Blake, Prebyterian Theologian in: "Sabbath in Thukham 10 sungah khat ahi hi. Hihbekin Sabbath tawlngakna kip tawntung ahihna hong lak tawntung hi. . . . .Tua ahihmanin Thukham 10 bekin Sabbath omlai ahihna hong lak hi. . . . . Christ ie thuhilhna ah Sabbath kip tawntung hi, ci in hilh hi."--

T. C. Blake, D.D., Theology
Condensed, 474, 475..


By Dr. Dal Mang

To get the latest update of me and my works

>> <<