MUC

Print Friendly and PDF

Saturday, August 15, 2015

Conference Vai-ah India gam SDA-Makaite le Kawlgam Makaite Kilamdanna




Manipur in conference ngah ding cih tawh kisia-in, mipi in lungsim khuavaakna imuh theih khak leh cin ka theih thu tomno khat kong hawm nuam hi. Hih thupen 2010 May kha sunga Mizoram conference omna Aizawl-ah ka om sunga ka kankhiat thute ahi hi.

Conference Vai-ah India gam SDA-Makaite  le  Kawlgam Makaite Kilamdanna

1. Mizo Section in Conference lading asawm lai uhin 1990 kim-in, siate utlo uh hi. Ahizongin Union le Division in thapia in, siate telsiam sak dingin nakpi in hanciam-in kithukim khitciangin ka la uh hi. Kawlgam ah zong siate in khasum kiam ding, nuntak haksa ding ki utlo hi. Conference sungah layte thu zong thupi in kila ahih manin, kawlgam siate in, layte neu muh ding sagin, tungsiah maivil in dignity neih ding ut zaw hi. Hite pen mihing hihna hi-a mawhsak luat theih hi lo hi. ahizongin EGWhite gen mahbangin layte tawh khut kiklet na ding zon kisam hi.

2. Tua Conference alak ding uh ciangin Union le division in panpih-a, GC in kipsak ban-ah, GC President R. Folkenberg in kipatsat nading US $ tampi pia hi. Division President Dr. M. E. Cherian in zong Capital ding cin Divsion pan piak beh hi. Ahizong in haksa pi in ka kalsuan uh hi. Kum thum ciangin budget ong khanga, worker-te khasum zong ka khan zo uh hi, ci hi.

3. Tua laitakin, Union in Eastern section, tu-a Manipur lam zong la un ong ci hi. ahizongin, gamsung gampua-a omte ka kidong uhhi. A kipatcil in territory neu sak phot ni, Mizo sung bek ciphot ni cin, Conference dingin ka kithukim uh hi. Pasian in thupha ongpia in, tu-in mizoram Conference in, Andrapradesh, le mundang zong mission nasem in ka lut zo uh hi, ci hi.

4. Tua Mizoram Conference ah Treasurer asem ngei, UMM-a Treasurer lui Pr. Sangvunga, le a Presidentpa uh tawhzong ka kiho hi. Amasa in zaipi ngiim keiunla, gam neusak un, damdam in nasepna khan un, ko zong tua bang mah in ka kalsuan uh hi, cin advice ong pia hi.

Thukhupna:
Atunga India gama thupiangte le Kawlgam-a Conference vai ih saikak ciangin,

1. India in Conference thapi, Union in panpih, Division in panpih hi. Kawlgam ah Union in adeih kineih-in Conference dal/khaktan/deihlo.

2. 1987 in Division ah UMM in Confernece ngen hi. Union in direct in la kei un cin ngam lo hi. Ahi zongin, cconference ding na hih uh leh, Appropriation alang  pia nawnlo mak hi. Conference lah Division ah forward sak tuanlo ahih manin, Pr. Thangpu President sep hun-in( 1995 gual) tua Union in a cut-off teng kingenkik hi.Tua bang ngeina omlo hi. India-a Divvision le Union in Appropriation cut-off cih thawdah, Capital ding Appropriation ban-ah sum piak beh zaw lai hi. MYUM in Confernce deihte pen Upper Chindwin Liberation Movement cin 1993 in Mandalay ah kumpi tung(Military Intelligence) tungah khia zawsop mawk hi. Hih pen India gam-a Pawlpi makaite le Kawlgam-a Pawlpi makaite kilamdanna hi.

3. 2003 January kha in Pr. tin Tun, MYUM President in Conference deihte pen "Cancerous disease" tawh kibang ahihmanin, " must be cut-off in time" cin lai hawm in gen khia mawk zaw hi. Pr. Kenneth(UMM President, Sia Memory Tun, MYUM Treasurer in 2002 May, Lead Conference Yangoon-ah akibawl sungin UMM President Council khat nei uh hi. Kei zong UMM Secretary-in ka va kihel hi. Tua sungah SSD Dr. Ng tungah asia theithei in gen uh hi.

4. Hih atunga thute hangin India-Mizoram ahizongin, Manipur ahi zongin Kawlgam tawh ki saikak theilo hi. Kawlgam Pawlpi makaite in Gaalkap kumpi in Daw Aung San Sukyi le Democray pen amau langpanna in a ngaihsut mah bangin MYUM in Conference cih pen, Union sumlut naak kang na ding le amau thuneihna a langdo(rebellion) in seh uh hi. Tua ban-ah UMM in Self-support atun loh theihthei nadingin, UMM sum le neihsa beisak, keucip/kangsak nadingin MYUM in UMM pen Kumpi Thukhen zum-ah Thu bawl saksak hi. UMM in lah khuaphawklo-in Union cih bangbang "taw liakliak" mai mawk hi.

Kawlgam gaalkap Kumpi in  Democracy lungsim adeihlo le alangpan mah bangin, SDA makaite sungah Conference cih lungsim om nailo ahihmnanin Confernce status ah kalsuan nuamte  pen  India gam Pawlpi makaite  panpih bangin a panpih sangsik in lehdo, phiat maimang zaw hi. Tua ahih manin, mipite ngaklah man, kizenlohman, or lampi totloh man, cih paulap tawmte hang hilo zaw-in Leadership sungah maturity kisam ahih manin Confernence ngah ding olsam petmah nai hello taktak ding hi.

Confernnce adeihte leh adeihlote in makaipite gaalguk nasepna tello in eileh ei ikimawh paih dennong zawzen pen pilvai hetlo, thumuhlahna, khat hi cih kong thei sak nuam hi.


Hong it,
Sia Khen


To get the latest update of me and my works

>> <<