LESSON 5 JULY 25 – 31
SALTANNA-AH PASIAN NASEM BANGIN
SABBATH NITAK: TU KAAL SUNG SIM DING: Dan. 1 – 12; Isa. 39: 5 – 7; Matt. 24: 14, 15; Pian. 41.
KAMNGAH: Amah thuneihna, minthanna le a lianpipen vangliatna kipia hi; mite, minamte le pau nam khempeuh in amah a bia uh hi. Ama ukna bei ngei lo-in a kisia ngei kei ding hi; ama kumpi-gam kuamah in a susia kei ding hi (Dan. 7: 14).
Kamsangte’ genkholna a um ei SDA thu-um mite in Khrih hong pai baih ta ding hi, ci-in i lamen hi. Daniel in a genkholh mah bangin Khrih hong pai ciangin hih leitung hun a beina hi ding a, Pasian’
vanglian Gam hong kipan ding hi. “ Tua ciangin van kikhupsin nuai-a kumpigam thupi penna, vangliatna le liatnate Sang Penpa’ mi siangte’ tungah ki-ap ding hi. Ama kumpi-gam in tawntung kumpi-gam hi dinga gam-ukte khempeuh in Amah bia-in a thu a mang ding uh hi,’ a ci hi (Dan. 7: 27). Hih gam in eite’ lamet khempeuh kicinna hi ding hi. Hebrew sungah gam hoih, a kicing gam hi, ci-in pulaak hi (Heb. 11: 16).Tanglai pek pana misiangthote’ kituahkhopna mun hi ding a, Pasian in amaute’ Pasian hi tawntung ding hi (Heb. 11; 10).
Daniel in hotkhiatna tawh kisai nasepzia a nungta Pasian a thei nailo mite tungah thuman thutak a hih dingin Pasian in Ama mite a zatzia hong hilh hi. Muanlahna omlo, citakin amah a um mite tungtawnin a nungta tawntung Pasian in thuman le thuman lo theisakin, ama tungtawn gam thute hilh hi.
SUNDAY JULY 26
SALTANG MITE
Koi bangin Isa. 39: 5 – 7 le Dan. 1: 1, 2 in kizopna nei hiam?
____________________________________________________
_____________________________________________________________
Daniel min a khiatna in “ Pasian in ka thukhenmangpa” cihna hi. Daniel in Jerusalem panin Babylon ah saltangin om a Babylon le Persia kumpi inn sunga a nunzia hong hilh hi. Babylon ah kum thum sung pilna a sin khit ciangin kumpipa’ thudot milian khat suak hi. Pasian’ vangliatna hangin sila mineu hihna panin gam lianpi nihte aa dingin khuavak le Pasian’ nasem milianpi suak hi.
Daniel in genkholhna mawkmawk laibu hi lo hi. Hebrew mite’ theihngei loh namdangte’ ngeinate hangin Hebrew mite in a nungta Pasian biak ding hamsa sasak hi. Langpanna tampi thuak uh hi. Biakbuk, siampi om lo, biakpiakna kipiak theihlohna munah om uh ahih hangun, thuman thutak lenkipin citak veve uh hi.
Dan. 1: 8 – 13; 5: 12; 6: 4; 9: 3 – 19 sim in. Gammial phu Pasian’ nasem Daniel’ zia le tong bang pulaak hiam?
_____________________________________________________
___________________________________________________________
Seventh-day Adventist pawlpi min tawh nasem khempeuh in Egypt gama Joseph, Babylon gama Daniel le a lawmte’ nunzia bangin a nuntak ding uh kisam mahmah hi. Saltangin a om uh hangin Pasian in amaute makaih veve ahih manin namdangte in a nungta Pasian theithei uh hi. Amaute in Pasian’ aitangin a ding mite ahi uh hi. Thuman zuih khiam lo-in, Pasian’ tungah citak uh hi. A kim le paamte’ dawibiakna, milim biaknate zui lo uh hi. Tua bangin a nuntak manun a nungta Pasian’ min thanna suakin, van le lei a piangsak Pasian vangliatna kilang hi. Ellen G. White, 8T., 153.
Daniel in kim le paam’ huzaap siksanin a zuih thuman khiam nuam hi leh, paulap tampi nei ding hi. Paulap i zondetnate in thuman lo ahihzia hong hilh hi lo hiam?
MONDAY JULY 27
TECI-TE (Daniel 2 -5)
Daniel in Babylon gamah a om sungin Pasian aa ding teci-in nungta hi. A lawmte tawh Pasian’ min phatin a thungetnate uh Pasian in pia hi. Tua thute hangin Topa’ tungah lungdam a koh khit uh ciang, kumpipa’ mang mat a khiatna gensakin, Pasian in a vanglian Pasian, na khempeuh Ukpa hi, ci-in kumpipa hilh hi (Dan. 2: 20 – 23).
Koi bangin kumpipa’ gen thute in Pasian in a mantakpi Pasian hi, ci-in pulaak hiam? Dan. 2: 47.
___________________________________________________________
______________________________________________________________
Daniel in kumpipa’deihna zui zaw ding maw, ahih kei leh, sihna thuak zaw ding, cih khat zaw a teel kul hi (Dan. 2) Daniel in kumpipa’ thupiak a nial hangin, a lawmte in nial nuam kei peuh le-uh amau thu hi. Kumpipa’ thupiak zui uh hileh, meilipi tawh kipelh ding uh hi. Ahi zongin thuman thutak aa dingin a citak teci hi uh ahih manin a vanglian a man Pasian aa dingin din ding tel zaw uh hi (Dan. 3).
Bang in Nebuchadnezzar in meilipi sung mite lakah a li-na in Mihing Tapa tawh kibang hi, cisak thei hiam? Ama kumpi inn sunga om Hebrew saltangte’ nunzia tungtawnin Pasian’ Tapa theihtelna nei hi. Daniel le a lawmte in na khempeuh uk a nungta tawntung Pasian theihtelna tawh kumpi inn sungah nungta uh hi. Ellen G. White, The Advent Review and Sabbath Herald, May 3, 1892.
Daniel 4 sungah, Daniel tungtawnin kumpi Nebuchadnezzar in a nungta Pasian a upna bangci pulaak hiam?Dan. 4: 37.
____________________________________________________________
______________________________________________________________
Daniel in Belshazzar’ kumpi innkawm tungah khut khat in a gelh laimalte’ khiatna pulaak hi. Babylon in Medes le Persia mite’ khutah kisia ding hi, ci-in Daniel in pulaak khol hi. Hih thu hangin Belshazzar dipkua mahmah hi. Ahi zongin Belshazaar kipuahphat hun om nawn lo ahih manin a siat hun hong tung hi ta hi. Kumpipa zekai lua khin hi (Dan. 5: 17 – 23). Belshazzar in kikhel, kipuahphat ding hun kipia hi napi, tu-in zekai lua ta hi. Belshazzar in tua bang hun hoih a ngahte zangsiam lo hi.
I nunzia ki-enpha-in i kidot ding thu in: a koici teci ka hiam? Koi bangin khuavak i tangsak hiam? Hih in i nunzia pulaak hi lo hiam?
TUESDAY JULY 28
PERSIA GAMA DANIEL’ NUNZIA
“Daniel, a nungta Pasian’ nasempa! Thuman takin na biak tawntung na Pasian in humpinelkai kamsung panin a hong honkhia thei hiam,” (Dan. 6: 20). Kumpipa in Daniel pen ‘a nungta Pasian’ nasem (sila) ci-in sam hi. Hih kammal in bang pulaak hiam?
____________________________________________________
_____________________________________________________________
Kumpipa le ukpite kikhel uh hi (Dan. 6). Daniel in a dinmun lui sangin a lian zaw-ah za khangto hi. Daniel in gamuk makaipi 120 khempeuh a uk mi thum lakah khatin kihel hi. Kumpi Darius in ama kumpi gam khempeuh uksak nuam hi. Makai dangte in Daniel haza mahmah uh hi. Tua hi-in Daniel suksiat nading bek vaihawmta uh hi. Daniel bek mah humpinelkai kua sung kidenna hi. Ahi zongin Pasian in a lamdangtakin Daniel honkhia hi. Kumpipa in bangmah cih thei nawn lo hi. Daniel in humpinelkai kua sung pan a suahtak manin kumpipa lungdam mahmah hi. Kumpipa in a gam sungah Daniel’ Pasian bek biak dingin thupia hi.
“Tua ciangin Kumpipa Darius in gam sung buppi-ah mite, minamte le pau nam tuamtuamte’ tungah lai paisak a, “ No tungah daupaina lianpi tung ta hen! Thukip khat kong piak inah: ka kumpi gam mun tuamtuama mite khempeuh in Daniel’ Pasian kihta-in a zahtak pelmawh ding uh hi. Ahang in amah a nungta Pasian hi a, a om tawntung ahi hi; a kumpi-gam kisusia ngei lo ding a, Ama ukna a bei ngei kei ding hi. Amah in hu-in honkhia hi; vante le leitungah lim le a lamdangte a bawl hi. Amah in humpinelkaite vangliatna panin Daniel a hukhia hi,” ci-in a gelh hi (Dan. 6: 25 – 27).
Daniel 6 sim in. Daniel in Pasian aa ding teci a panna koi munah kigelh khin hiam? Koi mun panin kumpipa in Daniel’ Pasian thei hiam? Daniel’ teci bang hong hilh hiam?
WEDNESDAY JULY 29
DANIEL LE TAWNTUNG GAM
Daniel in mangkhiat theihna nei mawkmawk hi lo hi. Daniel tungah leitunga kumpi gamte kilak hi. Daniel in, Pasian in leitung kumpite’ tungtawnin nasemin amaute a uk Pasian hi, ci-in pulaak hi. Leitung kumpi khempeuh beimang ding a, ahi zongin Pasian le Ama gam in kip tawntung ding hi (Dan. 2: 44).
Dan. 7: 13, 14 sim in. Bang thu kipulaak hiam? Koi bangin leitung mun khempeuh ah Lungdamna Thu kizelh zia ding pulaak hiam?
_____________________________________________________
_____________________________________________________________
Leitungah Khrih hong pai kik ding a, tua hun ciangin a kip tawntung Pasian’ gam hong tung ding hi. Khrih in hih leitung panin van a kahna thu zong tua thu mah hi lo hiam? “ Tua ciangin mi namkim tungah teci ahi dingin leitung buppi ah kumpi lungdamna thu kihilh dinga tua khit ciangin beina a tung ding hi. Tua hi-a kamsangpa Daniel tungtawna kigensa mah bangin “kihhuai gamtatna in kisiatna piangsak hi” cih phawkin Judea gam a omte mualtungah tai uh hen. (Matt. 24: 14 – 16).
Leitung bei ding Khrih’ genkholh thute le Daniel’ genkholh thute in kizopna nei ciat hi. Daniel’ gen kisiatna tawh kisai-in Khrih’ khang hun banah leitung hun bei dong huamto hi. Jesuh in na khempeuh a bei nading a pulaak ciangin Daniel’ genkholhte mah siksan hi (Dan. 8: 17, 19: 11: 35; 12: 4, 13). Leitung mun khempeuh ah Lungdamna Thu kizelh mateng beina hong tung lo ding hi, ci-in Khrih mahmah genkhin zo hi (Matt. 24: 14).
Mun khempeuhah Lungdamna Thu kizel ding hi. Tua khit ciang bekin Khrih hong pai thei ding hi. Pasian in tua Lungdamna Thu a tangko dingin nang le kei hong sawl hi. Mi kim khat in i sep ding mavuan i zawh mateng Khrih hong pai lo ding hi, ci uh hi. Khrih hong pai baih nading mihing’ tavuan (sep ding) tawh kisai-in, koi bangin na tel hiam?
THURSDAY JULY 30
SALTANGPI-MAH PASIAN’ NASEMTE
Israel gam panin ama ut thu hi lo-in Daniel kipaikhiatpih hi. Tua bang mahin Joseph le Moses-te zong Egypt gamah, Nehemiah in Babylon ah, Esther in Persia gamah salin om uh hi. Amaute’ nunzia in, kim le paam in siatna tawh kidim mah taleh, Pasian’ tungah kicitak thei veve hi, cih thu hong hilh hi. Pasian’ makaihna tawh mite’ khut nuai-ah a om uh hangin, makai-in om uh hi. Mite’ salin a om uh hangin, mite’ aa dingin Pasian’ khuavak tangsak thei veve uh hi.
Esther Daniel
1. Hebrew mi ahihlam kipulaak pah lo Kipulaak pah.
2. A biakna gen pah lo Pulaak pah.
3. Amah le a innkuanpihte Pasian in kem Amah le a lawmte
4. A suahtak nading kumpite tungah pulaak Danialzongtuabangmah
5. Suakta takin biakna ngahpih thei Jerusalem puahkik
Pian. 41 sim in. Bangci-in Joseph in Egypt mite’ aa ding teci hoih suak thei hiam? Daniel le a lawmte tawh kibatna bang om hiam?
_________________________________________________________
_____________________________________________________________
Bangci bangin na upna na pulaak hiam? Mun dangah kuan khia-a nasem na hiam? Na nuntakna tawh khuavak a tangsak na hiam? Ahih keileh a nihin kop na hiam? Koi bangin Pasian’ hoihna na pulaak hiam? Koi bangin Pasian na itna kimu thei hiam?
FRIDAY JULY 31
SIMBEH DING: Nasepna tangzai nadingin mi tampi in sapna ngah hi. Leitung mi khempeuh in Lungdamna Thu thei nuam uh hi. Pasian’ itna thei nuam mite’ sapna aw gingging hi. Tua itna a thei eite in amaute’ hong sapna aw za-in i vapuak thei hi. Khuamail sung pan sapna aw za-in, innkuan sung, sanginnte, nu le pa, laihilhsia khempeuh in tua khuavak tangsak uh hen. Esther bangin a mangthang ding lunggim hun laitakin miten tua khuavak, Lungdamna Thu za nuam uh hi. Ellen G. White, The Adventist Home, 484, 485.
KIKUP DING DOTNATE
1. Daniel 2, 7, 8 sunga genkholhnate ngaihsun in. Genkholhnate a tangtung manin Lai Siangtho in muanhuai mahmah hi mah taleh, Pasian in mailam a piang dingte thei khol hi, cih thu bangci na tel hiam? Bangci bangin Lai Siangtho a muanhuai zia, Pasian’ hong kamciamte a muanhuaizia na thei hiam?,
2. Daniel, Joseph a kipan amaute’ tungah Pasian’ na lamdang bawlte in, amaute’ kim le paam a om mite in bangci-in a nungta Pasian a theihtelna nei uh hiam? Mite in a nungta Pasian a theih nadingin na lamdang tuamtuamte sangin gamtat zia le tong in muibun zaw hi lo hiam?
3. Matt. 24: 14, Lungdamna thu in leimong dongah kizelh khit ciangin beina hi ding hi. Tua ahih leh, i mavuan i zawh mateng Khrih hong pai lo ding hiam?
