7-16/4/2015 sung tengin Malaysia a pawlpi mi te ( a min cian lo) ii vaihawm siamna tawh ki zui in kawlgam MUC zum tawn in Budget hong piak na tawh ki zui in Gamlai khua ah effort bawlna ki nei hi.
A ki hel mi te1. Pr Thang Khan Pau (Tedim circle leader)
2. Sia Thang Za Pau (Pinlong)
3. Sia Nang Za Mung (Phunom)
4. Sia Piang Sian Mung (Phunom)
5. Tg Pau Suan Piang ( Myothit)
6. Tg Pum Suan Kam ( Ngente)
7. Sm Ciin Geel Niang ( Myothit)
8. Lia Cing San Man ( Phaiza)
Effort bawlna Gamlai khua panin kikhop na dingin AG pawlpi te in Mucu inn a lamthak sitset pen hong zang sak masa pen suak hi. Giah na dingin AG pawlpi mah in a biakinn mai uh a Mucu inn lui ah zanpuan khempeuh zong tawh hong zang sak hi. An huan na dingin Pa Khup AG pawlpi te in a inn uh suakta tak in hong zang sak hi. Thugen khuan Hausapa Pa Dal in zong a khuan hong pia
hi. Hih bangin Gamlai khua pan in Pasian na sep na ding a ma hong panpih khempeuh I biak Pasian in thupha namcin tawh hong thuh sak ta hen. Pawlpi sung pan in thungetna leh sum leh pai tawh hong kihel a hi a mimal in hong cian lian lo hi ing. A kuama khempeuh tungah Pasianin thupha namkim hong pia ciat hen. Effort bawl na tawh ki sai in nitak in thungaai 30 kiim ta bang pha den na pi in a lungsim khentat zo kuamah om nailo hi. Thungetna ah phawk tek ni. Thupuak
Sia Naamung
