LESSON 13 JUNE 20 – 26
KILHLUPNA LE THAWHKIKNA
SABBATH NITAK? TU KAAL SUNG SIM DING: Pian. 3: 1- 6; Lk. 22: 39 – 46, 53; Matt. 12: 30; 1Kor. 15: 14; 2Kor. 13: 8.
KAMNGAH: “Mihing Tapa mawhnei mite khut sungah kipia dinga, kikilhlumin a ni thumna ni-in kithokiksak ding hi, ci-a hong gen phawk gige un,” a ci uh hi (Lk. 24: 7).
jesuh in PA’ deihna kicingsak ding le sihna thuak ding cih pen a neutung a kipanin theikhol
hi (Lk. 2: 41 – 50). Jesuh in PA’ thupiak bangin citakin thuhilh, natna damsak hi.
TopaNitak An ne khin, Pasian’ deihna kicingsak dingin, amah kia in zia-etna thuakin,
lehhekna, thukhenna, sihna le sihna pan a kithawhsak kik hun manawh hi ta hi. 22: 37;
Matt. 16: 21; Mk. 8: 31; 9: 12; Jn. 3: 14). Jerusalem ah a pailoh phamawh hi. Gimna thuak
pelmawh ding, langpanna thuak hamtang ding, khailupna thuak kul cihte a kipan Golgotha
ah a thuak ding gimna tawh kipelhsak thei ding bangmah om lo hi. A thuak ding gimna
tawh kipelh ding Satan’ zia-etnate, Jesuh in nial hi (Matt. 16:22, 23).
Jesuh in gimin si ding a, sihna pan thokik ding cih pen amah mahin theikhol hi (Matt. 16: 21). Jesuh in singlamteh tungah pello a sih kul hi. Deihtel theih cih bang hi lo hi (Lk. 24: 25, 26, 46). Hih thuthuk, a khang a khang khanghunte ah a kiselcip hi-a ahih hangin tu-in misiangte tungah a hong kipholak ta hi (Kol. 1: 26).
SUNDAY JUNE 21
GETHSEMANE: DIPKHUATHUAI GIMNA
Pasian in piansak nate a kipan Adam le Eve piangsakin, a nopci mahmah na khempeuh kicinna huan sungah amaute tengsak hi. Tua zawh a sawt lo-in amaute tungah Satan kilang hi (Pian. 3). Satan in nupate khem pah hi. Amaute’ thumanlohna hangin leitungin siatna thuah hi. Satan le Khrih, a hoih le a sia kilangpan hi.
Eden huan in (Lk. 22: 39 – 46), thuman le zuau thu kidona, midik le mi gilo nakpi kidona, Pasian’ geelna le Satan’ geelna, nuntakna le sihna thu nih pulaak hi. Eden huan in mi khempeuh mawhna sung tunpih hi. Gethsemane huan ahih leh, gualzawhna khempeuh lakah a lian penpen gualzawh kingahna mun hong suak hi. Eden huan in Pasian langpan huanna kici thei a, Gethsemane ahih leh Pasian tungah ki-apna mawhna zawhzawhna kimuhkhiatna mun ahi hi.
Gen. 3: 1-6 le Lk. 22: 39 – 46 enkak in. Bang in tua huan nihte kilamdangsak hiam?
________________________________________________________
__________________________________________________________________
Gethsemane in limciinna nih nei hi. (1). Satan in siitnei lo-in Pa kiang pan Jesuh hemkhia dingin a ngimna pulaak hi. ( 2) Pasian’ vangliatna le thahatna siksanin a muang mi khempeuh in Pasian’ deihna le ngimna kicingsak ding hi. Gethsemane in bangzahin upna thanemta leh, thungetna le ki-apna in zawhzawhna hi, ci-in hong hilh hi. Khrih in “ kei’deihna bang hi lo-in, nang deihna bang hi zaw ta hen, ci-in ki-ap hi ( Lk. 22: 42).
Satan le a nungzui khempeuh in Jesuh a zawh nading lampi zong uh hi. Nungzuite in ahih leh, Khrih’ thuakna awlmawh lo kha uh hi. Khrih’ taltang pan khua-ul bangin sisan luang khia hi. Khrih a lehhekpa in a Topa khat vei napna tawh zuak ngam mawk hi. Khrih mahmah in eite etteh dingin ki-apna tawh hong nungta hi.
Zia-etna na tuah khak ciangin, Adam le Eve bang lo-in, Gethsemane huan a Khrih bangin na do ding hiam? Bang in Adam le Khrih kilamdangsak hiam?
MONDAY JUNE 22
JUDAS
“Tua ciangin Sawm le nihte lakah khat, Iscariot kici Judas sungah Satan a lut hi” (Lk. 22: 3). Satan in Nungzui Sawm le Nih teng zawh sawm ngelngel ding hi. A lawm dangte bang lo-in, bangci bangin Satan in Judas zo thei hi ding hiam?
________________________________________________________
_______________________________________________________________
Jesuh in Sawm le Nihte a teelma-in mualtungah thungenin ki-ap hi (Lk. 6: 12 – 16). Jesuh in Sawm le Nihte, Pasian’ kiang pan letsong hi, ci-in ngaihsun ding hi ( Jn. 17: 6 – 9). Judas pen Pasian’ sawl a hi diam? Pasian’ geelkholhna a tangtun nadingin Judas in langpangin, a Topa lehhek hi ding hiam (2Kor. 13:8). Judas pen mi tungah huzaap nei mahmah mi khat hi. Judas in lampi man na tawnin Zeisuh nungzui leh, hoih mah ding hi-a, ahi zongin a lehlam-in gamtat mawk hi. Judas aa dingin Gethsemane huanin hotkhiatna ngahna mun hi ding kimlai, Eden huan bangin kisiatna hong suak hi. “A nuntakna a kisiat mateng a sungah, khaici bangin, siatna nungtasak hi. Khrih a itna sangin sum itna liansak zaw kha hi.Ellen G. White, The Desire of Ages, 716. Jesuh in ngasa nih le anlum nga tawh mi tulnga a vaklai-in (Lk. 9: 10
– 17), gam sung ki-ukna ah tua bang nalamdangte zat dingin Judas in ngimna nei hi. Khrih in kumpi sem dingin Judas in aana tawh sawl hi. Ahi zongin Jesuh in Judah’ sawlna nial hi. Judah in lametna lianpi nei hi. A lamet a bat loh manin a lungkiatna lian zaw hi. Desire of Ages, 718, 719. Nungzui dangte mah bangin Judas in zong, Jesuh in a vangliatna zangin leitungah a kumpi gam phut dingin lamen hi. Judah in tua kumpi gamah a panmun ding ngaihsun khol khin hi. A kisia pah ding gam a lunggulh manin a thuak gimna bang zahin khasiat huai! Tua lunggulhna in tawntung gam supna piangsak hi. Hun khat khit ciang, a citak Jesuh’ nungzui khat in a manpha sathau tawh Jesuh’ a nulh ciangin Judah in, a mawkna-in sum zang, ci-in tua numei nu mawksa hi (Jn. 12: 1- 8). Judah in sum ngah ding bek ngaihsunin, sum itna in a Topa itsak zo lo hi. Mankiseh thei lo khat man neuno khat tawh khekngam mawk hi (Matt. 26: 15). Tua a kipan, Satan in Judah’ lungsim ukcip hi (Lk. 22: 3). Mangthang tawntung ding hita hi.
Zaa liatna, hauhna, thuneihna cihte in siatna hi lo hi. Pasian tungah citak ding sangin, tuate i thupi ngaihsut zawk ciang, tua nate in siatna hong tun hi. Bang hangin huaihamna pelhin, Judas bangin ei le ei kikhem lo ding thupi hiam?
TUESDAY JUNE 23
LANGPANG MAW, A NUNGZUI
Singlamteh in sihna ahih hangin hinna le sihna thu tawh kipelh lo hi. A um mi le a um lo mi hong khen hi; a zui mi le lehheekmi khen hi. Kaingawi cih bang om thei lo hi. Khrih in ‘kei tawh hong langpan lo mi in kei tawh kipawl hi. Kei hong kaihkhoppih lote a thehthang hi,” ci hi (Lk. 12: 30). Nuntakna sukha kammal hi. Ahi zongin Jesuh in a hi bangbang a pulaak hi a, siatna le a pha kilangpan tawntung ahihzia hong theisak hi. Jesuh tawh kipawl maw, ahih kei leh, Satan lamah om na hiam?
Koi bangin a nuai-a mite in Jesuh tawh kizopna nei uh hiam? Amaute’ tuah thu panin, Pasian tawh kizopzia ding na thei hiam?
(1) Sanhedrin (Lk. 22: 53). Hih mite in bang khialhna nei uh hiam? Bang hangin tua bangin om uh hiam? Amau bangin i khialh loh nading, koi bangin kikem thei ding na hiam?
_________________________________________________________________
__________________________________________________________________
(2) Pilate (Lk. 23: 1- 7, 13- 25). Bangin “ ama sungah mawhna ka mu kei hi,” Pilate cisak hi. Tuaci napi, that veve hi. Hoih hi, cih thei napi, seploh manin siatna hi veve cih thu in bang pulaak hiam?
___________________________________________________________________
_____________________________________________________________________
(3) Herod (Lk. 23: 6 – 12). Bang mawhna lianpi nei hiam? Bang hong hilh hiam?
_____________________________________________________________________
_____________________________________________________________________
(4) Guta Nihte (Lk. 23: 39 – 43). Guta nihte singlamteh tungah kikhaituak hi. A lungsim uh kibang lo hi. Koi bangin hih thu in hotkhiatna omzia pulaak hiam? Koi zaw-ah na om hiam?
_____________________________________________________________________
_____________________________________________________________________
WEDNESDAY JUNE 24
AMAH THOKIK HI
Sunday ni zingsang phalvak tungin masuan khat tawh Mary in han lam manawhin pai hi. Topa luang tawh kisai a hialbawl ding hi ta hi. Khrih tawh kikhawlkhawm den hi napi, hih thupiangte theithei lo hi. Khrih thokik dingin lamen lo hi. Vantungmi in, “amah hih lai-ah om lo hi; amah thokik zo hi,” ci-in gen hi (Lk. 24: 6).
Sawltakte Tangthu sungah Khrih’ thawhkikna kigelh mun 8 bang om hi (Sawl. 1: 22;2: 14 – 36; 3: 14, 15; 4: 1,2). Nungzuite’ thuhilhna, upna thu ah, bang hangin Khrih’ thawhkikna in thupi mahmah hiam? Bang hangin Khrih’ thawhkikna mannei zaw semsem hiam?
________________________________________________________
_________________________________________________________________________
Mary le a lawmte in Khrih’ thawhkik a tuak masa penpente hi. Midangte tungah tua thu pulaak dingin nawhsa takin pai uh hi. Tua thu kuamah in um lo hi (Lk. 24: 11). Nungzuite in hih a lamdang thawhkikna um zo lo uh hi. Tua khit a sawt lo-in, koi bangin a khialhlam kiphawk uh hiam? Eite a hong kitatkhiatna dingin Pasian’ nasepna ah Khrih’ thawhkikna in siksan lianpi bel hi. Paul in zong, Khrih sihna panin thokik lo hileh, upna, thugenna cihte a mawkna hi ( 1Kor. 15: 14). Sihna pan Khrih’ thawhkik bang mahin a si mite zong thokik ding hi, ci-in lametna neite ihi hi. Tua lametna lo-in na khempeuh a mawkna taktak suak ding hi. Khrih’ nunna in han sung ciang bek hi lo hi. Eite lamet zong tua bang mah ahi hi.
Sihna pan Khrih tho lo hi leh, Pasian’ hongsep tatkhiatna in lalthang ding hi. Sihna pan Khrih thokik lo hi leh, Pasian in nunna piapa ci-in um om lo ding hi. Upna zong a mawkna suak ding hi. I up Pa in amah le amah ahihlam hong kilang kei leh, i upna in a mawkna hi ding hi. Vanglian Pasian in mihingin hong piang a, leitungah a hong nuntak sungin, Khrih in Pasian hong lak hi. Hih in eite upna ahi hi
THURSDAY JUNE 25
“GENKHOLH KHEMPEUH TANGTUNG DING”
Lk. 24: 13 – 49 sim in. Nungzuite in Khrih tungah a piang ding thute a tel nadingun Khrih in bang thute tawh hilh hiam? Bang hangin, tuhun teci panna ah, tua bangin a hilh thu, thupi hiam?
________________________________________________________
_________________________________________________________________
Sihna pan a hingkik Jesuh in Messiah takpi mah hi, ci-in nungzuite in a up nadingun kician mahmah khin hi. Satna thuakin, pumpi liamna, singlamteh khaina thuaka, han sungah kikoih hi. Satna thuakin, a liamma tawh singlamteh tung si lo, han sung pan suakta hi leh zong, messiah hi, ci-in up huai mahmah khin hi. Jesuh pen nungta kik takpi hi. Nungzuite tawh Emmaus manawhin lampaikhawm uh hi. Amah le mah in kua ka hi, ci-in a kipulaakma in zong, upna kip a neih nadingun Jesuh in kamsangte’ gen thute mah pulaak hi. Tua khit ciangin, amah le amah amaute mai-ah kilaak bek tham lo-in annek khawm hi. Amah in amaute kiangah “A kigelhsa thu hih bang ahi hi. Khrih in sihna thuakin a ni thum ni-in sihna panin hingkik ding a, Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi. Note pen hih thu khempeuh a thei teci na hi uh hi,” ci-in pulaak hi (Lk. 24: 46 – 48).
Khrih in Lai Siangtho siksanin amaute thuhilh banah amaute tawh nungta khawm hi. Ama tunga thupiang ding khempeuh nungzuite in a theih nadingun, Khrih in Lai Siangtho mah siksanin hilhkhol tawntung hi. Tham lo-in thawhkikna le minam khempeuh tungah hotkhiatna thu kipuak kizom ahihzia, pulaak hi. Pasian’ kammal mah siksanin “kei mah in kua ka hi, ci-in amah mah in hilh hi.
Lai Siangtho lo-in bangci bangin hotkhiatna thu puak ding sapna ngah mi ihihlam hi taleh, i thupuak ding theithei ding i hiam? Lungdamna Thu i cih bang zah ciang i thei ding hiam? Jesuh le a Nungzuite aa dingin Lai Siangtho a thupit mahmah bangin, tuhun eite aa dingin zong thupi hi lo hiam?
FRIDAY JUNE 26
SIMBEH DING: Khrih hong sihna a manneihna vantungmi le mi siangtho khempeuh in mu tel ding hi. Leitung pian a kipan a kigo Tuuno lo-in mawhnei mi-in Pasian tawh nungta khawm thei ngei lo ding hi. Tua hi mawk leh, Khrih’ hong sihna pahtawi lo-in om ding i hiam? Vantungmite in mawhna a neih loh uh hangin, Khrih pahtawi uh hi. Khrih sihna in vantungmite in Pasian a langpan khak loh nadingun Khrih’ sihna thu in siatna ding panin hu hi. Singlamteh lo-in, mawhna om ma lungmuanna bangin, vantungmite in lungmuanna nei lo hi. Vantung mahah vantungmite kicinnate beimang hi. Eden huanah mihing kicinna bei hi. Leitung hi taleh, a tawntung gamah hi taleh, Pasian’ Tuuno lo-in lungmuanna om lo hi.
KIKUP DING DOTNATE:
1.Pasian thu-um mi ihih mah bangin upna tawh a nungta ihi hi. I telzawh loh, i ngaihsut zawhloh thu ahih hang, um thei veve cihna hi. I up pawl khat, mit tawh kimu thei a i up thu om hi. Bang bang hi taleh, siksan hoih nei-a upna nei ihi hi. Nungzuite tung thupiak en lehang, mi nam khempeuh tungah teci hi dingin leitung buppi ah tawntung lungdamna thu kihilh ding a, tua khit ciangin beina a tung ding hi, ci-in hong hilh hi (Matt. 24: 14). Hih kammalte ngaihsun in. Nungzui kuateng in Khrih’ gen thute tel thei a, Khrih in kua hi, aman bang sem ding cih tel uh hiam? Tua banah, nungzuite in mite’ langpanna thuak uh hi. Tua hi-in koi bangin nungzuite in Khrih’ kammalte tungah kinga uh hiam? Bangci bangin Pasian’ kammal na muang thei hiam?
2. Mawhna in leitung a suksiatzia ngaihsun in. Jesuh mitsuan lo-in vantung mite zong khial thei uh hi. Hih in bang deihna nei hiam?
