Mission to the Kalahari (Kalahari Sehnel Gam-ah Pasian' Nasepna) By: Pau L. Dal
SDA te in South-west Africa, Kalahari Desert Sehnel gam, Namibian khua ah Thumaan Lungdamna Thu avapuak masa ei te ih hi hi. Pr Sebastian Tirtirau leh apawl te ahi uh hi. Sangmang David Living Stone ii nasep thu lai in hong sim kha aa, alungsim sukha mah mah mah ahihmanin, amah zong hih ih gen Kalahari Desert sehnel gam Namibian khua ah 1995 kum in missionary sep hong kipan hi. Amasa in tua khua vavel phot in kha tawmvei va om in kizopdan ding aa kipan aom dan, akhawldan, atatzia te uh va en in va omkhawm masa hi. 
Tua kum sung mah in, "Reaching the Unreached" bulphuh nasem makai Frontier missionary Pr Sebastian Tirtirau in vaphual sat pah in, Thumaan va taangko aa khuamite 32 SDA pawlpi ah khaici masate tuiphumna nei hi. 2004 ciang ciang bangah Pawlpi mun thum ah phut in, thu ummi 350 val phato uh hi. Pilsin na Sang nih leh meigong, piteek, puteek, tagah te kepna inn khat leh cina te' khoina inn khat zong kiphut hi. Tu'n ah bel nakpi tak in khangto mah mah ta uh ci hi.Limlak siam N!xau (star of “The God Must Be Crazy") zong Pastor Sebastian Tirtirau in July 2000 in SDA pawlpi ah na tuiphum hi. Hih "The God Must Be Crazy 1980" akizaih masak in $300 ngah hi. Anih na 1989 teh sum akiman na thei ahih manin $80,000 ngah hi. Ahizongin sumzeek dan ding theilo hi. Kineihsiam asep khit teh, khuapi sungah sangin asep ngei gamvak nasep ah nuamsa ahihman in apianna akhua, agam ah ciah in asep ngei teng mah sem kik hi, ci hi.
July 1, 2003 ni in singtom kawm ding leh sabeng dingin vakkhia hi aa, ciahpak lo ahihman in azong vua leh July ni 5 ni in, gamlak ah asi-sa in mu uh hi. Asih na ahang ahih leh TB natna tawh hi ci hi. Amah in asuah hunte aman zong cian lian lo ci hi. Asih in akum 79 kiim pha dingin ummawh uh hi. Amah pen Topa' sungah hih gamlak mite Bushman sung pan asi masa pen ahi hi, ci in amah atuiphum pa Pr Tirtirau in adahpihna na gen hi.
Topa' min phat hangh! Amen.
NB: A video aa pen a kician pen ding hi. Atom kim cing dingin kong tomlak bek ahi hi.
Thulaak na te:
1. The Guardian, "N!xau"| Kalahari bushman who became a film star and was paid in cattle.
2. (Adventist) Record (the official news magazine of the Seventh-day Adventist Church), "Mission to the Kalahari." January 31, 2004
Hih anuai aa Youtube video pen: Pr Sebastian Tirtirau leh Pr Dan Serb te ii Missionary nasepna Thumaan teci pang na uh ahi hi.
Title: Reaching the Unreached
Speaker: Sebastian Tirtirau and Dan Serb
Date: 12 April 2008
Location: Penrith Seventh-day Adventist Church
Hun na ngah leh na en hamtang in maw. Kei bang thangah mah mah ing.
