Lungduai taka, manlah ding pipi kawmkaal-ah, nong dawnnate zong nakpi-in lungdamin, nong cimtak loh nading zong ong thum lai ing. September 4, 2011 Sunday ni-a nong kikuppih kikna sung pan-in anuai-ateng tomkai-in pawlkhat katel lohte akician zaw dingin kong dong thuah lai hi.
1. Gupna pen Mission(Organzation) sung bek-ah omlo hi.(Tomlakna #1)
2. Dotna: Gup ngah nading in SDA Organization tawh kizop kul cih tawh kisai:Kawlgam ah SDA Conference omlo hi. MUC pen Conference himah hi. Ahizongin SDA Conference hilo hi. “SDA Conference hileh SDA buaisak lo ding hi. SDA Conference hi ung acih teitei uh pen mite lampial nading le SDA Pawlpi suksiat nading Dawimangpa khemna(tactic) molhtum hi.”
Ngaihsut Ding Dotna:
1) Tua hi leh MUC in banghangin amau le amau SDA kici teitei-uh hiam?
2) SDA hihna bang hi-a, SDA hihlohna bang hiam?
3) MUC in Legitimate or dully organized/ GC recognized SDA Conference hi ung ci-in Pawlpi mite khem uh hiam?
4) MUC in Official Declaration bang ci neih uh hiam?
c. Dotna: SDA Pawlpi tawh kizop kik mengmeng ding kisam hi.
“MUC….pen Dawimangpa in SDA Pawlpi a suksiat theih nading leh SDA Pawlpi mite a lampial theih nadingin SDA Pawlpi mun suangaa thumanlopi tawh a khemna(tactic) molhtum lianpi khat ahi hi. SDA pawlpi a it takpite in SDA pawlpi tawh kizop kik menmeng ding kisam hia.”(sia mungno)
Hih teng ka tom kaih ciangin, MUC tawh kipawlna pen Dawimangpa tawh kizopna hi-a, dully organized SDA Organization adawldawl tawh kipawlna pen Pasian tawh kipawl na hi, cih khiatna a dawk ding danin na la ing. Lam dang khat tawh gen le’ng:
- MUC tawh kizopna pen, SDA Pawlpi itlohna, Satan tawh Kipawlna hi –a Gupna lampi tungah om lo cihna hi ding hi.
- SDA Org. tawh kizopna pen Pasian tawh kipawlna hi dinga, Gupna lampi tungah dinna hi cih suak ding hi.
Comment:
Tua hi leh Pawlpi cih ciangin SDA Organization pen pawlpi cihna suak ding hi. Lai Siangtho in Pawlpi achina aspects te SDA pomzia enkim ding kisam ding hi. Gupna ngah nadingin SDA tawh kizop kul or Pasian thute um-in zui kul hi, ci ihih leh organization tawh kizopna pen bang ciang le bang ading cih theological, doctrinal le Organizational point-te panin etkak dimdiam kisam dingin ka mu hi.(sikhen)
d. MUC in thukham (No. 8,9,10) palsat hi. Tua palsatnate pen White-color Crime nam hi. White-color Crime seel nadingin zuau phuak, khem, Pawlpi mite sumpi le sawm-a-khat zang(ih zat pen) ahih manin Pasian in awi lo ding hi.
Dotna:
a. Nong laigelh masa sung-a MUC Thukham palsatnate pen tu-a sungah White-color crime na cih ciangin a nature, value/degree akibang veve a cinuam nahi hiam?
b. Sumpi leh Sawm-akhat itzat na cih ciangin MUC le MYUM (inclusive) in zang hi aci na hiam? Or MUC bek(exclusive) in zang aci nuam na hiam?
3. MUC in SDA Langdo:
“Christian Pawlpi tuamtuam ahi RC, AG, ABM, UPC aki pan pawlpi tuamtuam genloh Buddhishte, Muslimte nangawn in tuni ciangciang kawlgam sungaa SDA Pawlpi bangmah hong nawngkai sak lo uh hi..... MUC makai te in SDA Pawlpi langdo aa Pasian Pawlpi neihsa a suhna, tua teng seel dinga khemna, zuauna leh phuahtawm atuamtuam te pen theipipia mawh altangnate seel , sinn sinn nawn o iin kikheel huai ....ta hi. Gupna ngah leh ngahloh pen Topa Pasian khensatna bang hi ding hi”(sia mungno)
Dotna:
a. SDA Langdona le langdo lo cihna-ah Organizational le Beliefs(Physical and spiritual) koizaw agen nuam na hiam? Or Anih in a gen nuam na hiam?
b. MUC in SDA Beliefs(Doctrine) le Organization alang do hiam? MUC in bang ci dinmun nei uh hiam?
c. RC, AG, ABM…Buddhist, Muslim etc te in SDAte langdo lo takpi mah hiam? or bangte langdo-in, bangte langdo lo uh hiam?(Nakpitak saikak-a ngaihsut ding)
d. MUC in SDA neihsa bangte tuh uh hiam or UMM neihsa bangte tuh uh hiam? (cihte ngaihsut phat ding)
4. Gup ngah nadingin SDA Organization tawh kizop Kul or Kisam cih tawh kisai:
“Organization tawh kizop KUL OR KISAM cilo-in gupna dingin Lai Siangtho sunga Pasian hilh leh gen bang um-in zui leh nuntakpih ding. Tua hi leh Pasian in gup pia ding. A hizongin MUC in SDA Pawlpi langdo le nawngkai sak kawmkawm-in SDA hi ung acih pen lampialna khat hi. SDA a it, a um taktakte in SDA Pawlpi GC, DV, Union le Local Mission/Conference tawh ki zop ding kisam hi.”
Dotna:
a. Hih na cih na pen MUC-te Gupna adingin SDA organization tawh kizop kisam hi aci na hiam, or SDA Pawlpi tawh kipawl kizop khopna ding bek-a aci na hiam? Or anih tuak adding aci na hiam?
b. SDA hihna pen Organization tawh kizopna bek tawh hi aci na hiam? cih telcian sak ding kong thum hi.
Ani Sagihni zangin Jesu Kumkik ding alam en den
Na lawm,
siakhen
Kham Khen Pau
PS: Hih ikikupnate pen mimal kitel khialna omlo-in, MUC le MYUM buaina pan alangnih tuaka adik le akhial thute mipi in thuman ahi ding ciang amuh theih nadingin zong deih ihih manin, mimal kikona, ki eeng cihna, kimawhsakna kihello-in kikup pih ding zawn leng bang ci nasa hiam cih zong thei nuam ing.
M leh C pen, a omthei ding a kibawl GC ki-ukna policy makaihna ahi hi. Amau tha tawh dingzote kidingsak a, GC tawh kizom hi. Amau tha tawh dingzolote zong M dinmun tawh GC tawh kizom ahi hi. Buaina om leh omlo pen Union or Div ii Spiritual Leadership tawh kisai zaw hi.
Conference ngetcil hun leh MUC hong din leuleu kum-11 bang kihal hi. Tua hunlai thute tulaitak a kinialnial khangno ten theikimlo ding hi. Tua hun a Laymen ten zon aC support a siate uh thuakna theihpi kimlo ding hi.
Union lamte in Conference utte gal bangin, kha hileh pumpi silehsa hileh nasiatakin hong bawlsiat mawk ciangin, conference deih makai teng, nasep khawlsak, gawi, nuntak dongtang dingin genthei takin koih uh hi. Alehtai teng molhtum siahuai pen hong suak hi. Tua khit ciangin mipite lam hong kihei uh hi. Conference deih kua teng ci-in khutlaam sak uh hi. Amau a pia nuamsa uh hihtuak lai hi. A tamzaw in deih peuh leng hong pialel inteh ci-in sincerely takin ngaihsun uh hi. Khutlam khempeuh disfellowship pia uh hi. Tua hangin maan leh maanlo tawh kisailo-in MUC hong ding khia ahi hi. Ut tawh zong kisai nawn lo hi. Teel theih zong hilo hi.
M leh C pen Union Mission makaite leh a mai munuam ngongtatna gah ahi hi. Lammaan ngaksaklo a, a tuam omsak pen amau hizaw hi. Thu uppihte gal bang a bawl a thongsung a khum kua? Pasian kikhemzolo ding hi. Sumgolh ngentang zang a, naseem kua? Thuak hak mahmah hi. MUC aadingin, Myanmar Union pen Rome tawh hiamgamna kikimlel kasa hi.
Ahi zongin, Myanmar Union Mission pen leitungbup SDA kipawlna hilo hi, ci-in kikhamuang lel hi. Dah kei un. Gupna ngahloh ding patau kei un. Amau aading patauh huai zaw hi. Kiniamkhiat takin Upna thuguipite nataangko ngei bangun taangko lel un. Thumaan-thutak taangko nadingin leitung mun ciangtan omlo hi. Pasian aa hikhin hi.
Abeisa hunah kumpi sialua ahihmanin sumgolh tawh naseem thei uh hi. Kuamah thu kibawl theilo hi. Tua nangawn kumpi in hong huhu zolai hi. Tun kumpi makai hoihlo a omleh, mipite mah bangin thu kibawl thei hi. Ki-ukna kilamdang hi. Kyimon Tadensa ka-en zel hi. Black market sumkhek khawng tawh terrorist a support khawng kumpi in a theilo hilo hi. Smuggling tawh Div sum la a a khek uh nuamlua sa uh ahi hi. Tua khempeuh damdamin hong bei ding hi. Member tungpan income Tithing bekmah tawh dinloh hong phamawh kha ding hi. Tua ciangin Conference te kisek khin tading hihangh.
A kilehkikte thu patau kei un. Tu a, paikhiate zong amau lakah hong maingal vangvanglo kha ding hi. Lungkialo-in mainawt ni.
