“….nasepna pan inn zuanin
zan-khuamial sungah daitakin ihmu-in mikhempeuh a tawlngak laitakin, Jesu pen
Olives-mual singlimnuai khuamial sungah zanthapai-in thungen in mangbang hi.
Tua hunsungmahin Nungzuite pen gun sungah ngabengin neektawm zongin zantal uh
hi. Khitui naptui luangin amaute aading thunget sak hi. Amaute gupna ding Pa
kiangah huhna ngenin thuum den hi…….Testimony Vol 4. 528.
Ama pumpi phattuamna ding cilo-in,
khamangthangte aading kipumpiak hi. Nisim kikhelna[ pianthakna] omlo-in, Jesu
hoihna thuman pholak zolo ding.
Pasian-thu a hilh ei sungaa om siate
kikhel hetloh ziate kamuhna bangin zong kagen khia thei kei hi. Kikhel uh hileh
Christ in pilna leh vangletna hawmnuamin kigingsa-in om hi. Ahih hangin hih
bang nasep vanlianpi a kisuante a kikhel kei mawkleh midangte thuman lampi ah
khazo lo ding uh hi. Amau pilna suangin amaute lungtangpuak tung bekah a
kingakkhak uleh, ‘ Pasian naseem ten theilel ngawn inteh’, ci-in a pummuan a
etteh mite lampial pih ding uh hi….Kitelna neilo-in. Christ-lim suunlo pi-in,
Jesus sungaa om thuman teltakin pholaak zolo ding uh hi.” Ellen G White letter
64, 1906.
Effort bawlna maandaat golpipi kilam
a, poster hoihnono kisuang hi. Thungai ding kuamah hong pailo hi. Mipi kaikhawm
ding, mipi thungai ding aa tawsawn ding, mihing lungsim a tok ding, Khasiangtho
neilo uh hi. Mipi kaikhawm ding pen Pasian Kha hi a, vangletna tawh muibun tak
a lungdamnathu a taangko pen Kha mah hi a, a kikheelsak pen Kha mah ahi hi.
A kikhello naseemte hiamgamin a
kilawmlo-in gamta nuam uh hi.
A siangtho nasep a kisuan naseem
pawlkhat in, khate vilding kepding anvak ding phawkkha lo uh hi, amaute in
mawhna thaman ngah ding hi. Amaute huaiham in hai-gamtat uh hi. Amau
hai-tatnate kisittel lo uh hi, bang hang hiam cihleh kikhel-kipuahna neilo uh
hi. Muan ding aa kikoih mite pen muanzawhloh a hong om pen dahhuai mahmah hi.
Jesu hong sihpih khamanphate pen Satan thaang leh ze-etna sungah nusiat ding
hilo hi.” 19 Manuscript Releases 212
NA
SUNGAH JESU CHRIST KI THEIHTELNA NA NEIH MATENG THU HILH KEN
“Na teltheihlohpi thuhilh sawm ken,
na neih lohpi piaksawm kei in.” Mihing lungsim akhoih ding pen nang hilo-in
Jesu ahi hi. Pasian vangletna leh ompihna angah nangin naseem ih sanggamte in a
simtham gamdaih thungetna zangin Topa Pasian kiangah nget ding ahi hi. Christ
theihtelna neilo naseemte in hangsan takin teti-pang ngamlo uh hi., ukna leh
lawpna zong neilo hi. A genzongin muibun lo hi, a gen thute in nuntakna nei lo
hi. Na neihloh leh na theihtelloh thu gen ken. Testimony to Minister.154, 155.
JESU
LIMSUN IN A MAH TAWH KIBANG MASA IN
Lawki te in Jesu nungzuite amuh
ciangin, Jesu gamtat bangin gamta uh ahihmanin Christian Jesu bangaa gamta mite
naci uh hi. Tuhunin Lawkite in hong zahpih uh hi. Tapidaw ten dak a tum
ciangin, ” huaihamm…huaihamm…” ci hi. Pawlpi dangkhat leuleu ”
Pengnawng..pengnawng” cileuleu ei, cise uh hi. Jesu limsuun Christian leh
thuhilh-sia ihih ding kisam masa hi.
” Jesu tawh na tonkhop ciangin Amah
nabangsemsem hi. Upna tungtawnin thungetna tawh naitakin mitsuan in ama ngeina
khekhap zui-in etteh in. A zawngkhal leitung pumpi nusia in vangletna tawh
kidim Jesu lim nasut dongin kipuah in. Thuman hilh siate khempeuh in tua bangin
khate Jesu kiang zuanin tunpih ding uh hi.” Spirit of Prophesy Vol 3, pg244.
” Mihing Tapa in mihingte sila bangin
zang dinga hong pai ahi kei hi. Mite naseem dingleh a nuntakna honkhia dingin
hong pai ahi hi…Note lakah milian a utte in a neupen sila hi ding hi.” Matthew
20 27-28. Amah leh amah, kipii’sak luate Pasian in zang theilo hi. Pasian in
zang, cih ciangin, Pastor, pawlpi uksia, khasum tawh kiguai naseemte cihna hilo
hi. Kha tawh kidim, khamangthang zongte gen ihi hi.
Nidanglai-in Mizogamah thuhilh sia
minthang mahmah khat om hi. Ama khalam picinna leh gualzawhna pen bangci ngah
hiam, ci-in vadong uh hi. Aman, “thu kangen” ci ziau hi. Nikhat bangzah vei
ngen na hiam? ci’n adot uh ciangin, ” Zingsang kathawh ciangin lupna tungah
khatvei, an kaneek ciangin khatvei, nasep kapailaitakin khatvei, nasep ka kipat
ciangin khatvei, katawp ciangin khatvei, nitak kalup ciangin khatvei, zan ka
khanlawh ciangin khatvei, tualo kalungsim sungah katau tawntung hi,” ci-in
genkik hi.
Tuhun Mission hileh Conference sung
hileh Pasian naseem nuamte aading etteh huai hi.
