Na etlawm theih nangin nang lam pan hihtheih pawlkhat om sam hi.A kitangsam masa pen pumpi siangtho sak ding.Meel a hoih a, ahoih kei zongin siangtho lim lim leh etlawm zaw hi.Tua dingin a hun mana kisil zel ding thupi mah mah hi.Tuabanah hong niinsuahsak thei tep leh muam a tuam tuamte zat het loh ding.
Mi khat niin nemnam sa in inn sungah hong lut leh, na khatvei muhna pan nangawnin ngaihsutna khat nei siam ding hiteh.Tua bang bangin silh leh teen na lei ding ciangin a niin sangin a siangtho na deihzaw ding hi.Sianthona pen kitangsam mah mah hi.bang hang hiam cihleh, eima hihna hong pholaak thei khat ahi hi.A siangtho den zo te pen thanuamna nam khat a nei uh hi mawk hi.Mi thadah khat adingin kipuah siang den baihlo hi.
Mi khat niin nemnam sa in inn sungah hong lut leh, na khatvei muhna pan nangawnin ngaihsutna khat nei siam ding hiteh.Tua bang bangin silh leh teen na lei ding ciangin a niin sangin a siangtho na deihzaw ding hi.Sianthona pen kitangsam mah mah hi.bang hang hiam cihleh, eima hihna hong pholaak thei khat ahi hi.A siangtho den zo te pen thanuamna nam khat a nei uh hi mawk hi.Mi thadah khat adingin kipuah siang den baihlo hi.
Na etlawm theih nangin na multe hoih takin meet in.Mukmul leh biangmul saulua khawng etlawm lo hi.Na vuun tawh a kituak ding bek kin uh in.Kinuh theih khempeuh na vun adingin kilawm khin khollo ding hi.Namgimtui(perfume) zat ding limtakin teel siam in.A gim khauh lua liang pen hoih khin tuan lo ahi.A nam hiuhiau te hoihzaw lai hi.Na sam adinga hoih shampoo, conditioner leh fixture zang in.Na kamsung namsia sak kei in, mouthwash hah zat in.Na vun keusak lua kei in, vun a keu luat ciangin puakkham nuam hi.vun keu lua ding dalna in moisturizer zang in.Savan(soap) tawh na mai phiat ngei kei in.Savan pen ngawng ciang nuailam silna ding bekin zang in.
Mi thazawt tuak ngiainguai te sangin a ki fit te etlawm zaw tham hi.Taksa gap leh etlawm na neih theih nangin exercise la in.Tua pen na cidamna dingin zong hoih lai zen hi.Mi cidam khat pen cina leh thazaw niing niang te sangin etlawm zaw kik hi.Thau luat leh gawn luat khawng etlawm khollo hi.Gihna hih niam nangin Gym khawngah exercise lak zel ding hoih hi.
Na mai suah a etlawm theih nangin neek lim in.Neek leh dawn hoih pen cidam nangin kitangsam hi.Lim na sak manin thakhat thu in tampi ne sam kei in.Gilvah lua-a ann neek zong mawhna nam khat ahi hi.Lim nasak bek ne loin bang ne leeng ka taksa adingin hoih ding cih ngaihsun zaw in.Neek khat bek ne den lo in a tuam tuam khek zel ding hoih hi.Ann the meh,bawngnawi leh protein omna aktui, lui lam sa etc. te cidam nangin hoih hi.
Tui tampi dawn in, mihing cidam nangin tui kitangsam mah mah hi.Nikhat a tawm pen tui hai 8 bang dawn den in.Tui in thausia pai banah satak piangsak in vun etlawm sak hi.Tui a tam dawn te a vun uh mam diak hi.
Meel etlawm theih nangin ihmut kham in.Mihingin ihmut a kitangsapna tampi om hi.Sun sungna kisem ahihmanin tawldam kisam hi.Zan sung pen tawlngakna khat hi pah hi.Ihmut na kham leh na lungsim tei suah ding hi.Ihmut kham theih nangin zan lam ihmut baih kuul hi.
Zingsang tho baih ding, zingsang thawh baih pen cidam nangin kitangsam hi.Zingsang sawt pipi a ihmu te a lungsim uh deih bangin tei zo lo hi.Zingsang baih taka a tho den te teivang uh hi.
