Catholic te muhna :
Catholic Encyclopedia in a genna ah Marthin Luther is leader of the great religious revolt (A lian Biakna langdo, biakna langpang maikai pa hi) ci hi. http://www.newadvent.org/cathen/09438b.htm Revolt a khiatna in thu langdo: lungkim lo in phinthethu, ki pumpei, ci in ''Tongdot, English-Tedim Chin Dictionary'' sung ah ki mu thei hi.
Protestant te muhna:
Martin Luther is great religious reformer. Martin Lutha pen Biakna a bawlphapa hi ci ta leuleu luilam hi. Martin Luther thu ki gen tuaktuak hina pi in muhzia version nih hong om suak hi. http://en.wikipedia.org/wiki/University_of_Halle-Wittenberg (great religious reformer)
Catholic te in Luther ih cih pen Biakna langdopa, langpangpa hi, a cih laitakin Protestant te in Luther ih cihpen, Biakna bawlphapa hi ci uh hi. Tua hi a, Luther ih cih bang hi ding hiam? Catholic te muhna Biakna langdopa a kici manzaw maw? Protestant ten Biakna bawlphapa a cih uh koi manzaw ding hiam? Luther bang hiam? cih dotna om leh Catholic te'n a mau muhna mansa ding uh a, Protestant te'n a hih leh a mau muhna mah a tung a ih gensa bangin mansa ding uh hi. Kuagen thudik hi zaw, cih gentheih, thu khen theih hilo a, a thei te'n, a mau theih dandan, aman a sa uh na hi zaw hi.
Kum 1512-1517 sungteng The University of Wittenberg, Germany, ah Martin Luther in Professor sem hi. Wittenberg ah Professor a sepsung, a zum (office) sungah Satan khatvei na hawh dihdih hi. Satan in Luther a zumsung ah om a muh ciangin hopih a, ''Luther, nang mimawhpa hiteh, na mawhna a kiciamteh na lai (sazian) hibang hi,' ci in, Luther lak hi. Luther in a mawhna kiciamteh na lai te khat khit khat sim suksuk hi. Laisim a man khit ciangin Luther in Satan kiangah ''Satan aw, limtak in kan lai in, hiteng bek hilo ding hi, hi sungah aki khum khalo ka mawhna zong tampi omlai khading hi'' ci hi. Tua ciangin Satan in, Luther kiangah ''Na khawl phot ou, na mawhna ka mang ngilhkhak pawl khat om lai mah ei'', ci in, Luther mawhna te khat khit khat gelh suk ngekngek lai hi. A gelhding a theih nawnloh ciangin, tua mawhna kiciamteh na lai, Luther pia kik hi. Luther in, ''Hiteng bek ahiam? a dang om nawn lo ahi hiam?'' ci hi. Satan in, ''Bangmah om nawn kei. Na mawhna teng hi lai ah gelhkhin ta ing'' ci hi.
Tuaciangin Luther in Satan kiangah en ou leh Satan ci in, a sabuai (table) tunga, Laituibung hong hi. Tua laitui (ink.) pen a color a san ahi hi. Luther in mawhna ki ciamtehna lai, la in, ''Satan en ou leh'' ci in, tua laipen a laitui bungsungah diahsuk hi. Laitui bungsung panin tualai a lak khiat khit takciangin Luther in Satan kiang ah, ''En in Satan, hi lai na simthei lai hiam?'' ci hi. Satan in tua mawhna a kiciamtehna laite a sim sawm hangin khat zong sim thei nawnlo hi. Tua ciangin Luther in Satan kiangah, ''Satan aw, kei mawhna neilo hilo hi ing. A hi zongin ka mawhna khempeuh Jesush sisan sungah ka diah khit ciangin, tua sisanin ka mawhna a kiciamteh khempeuh sawpsiang khin a, mi mawh kimlai, Jesus sisan hangin mawhneilo a suak hi ing'' ci hi. Tua ciangin Satan in cihna ding theinawnlo a hihman in a dekkhuat kawmsa in, Luther zum (office) sung pan in pai khia hi.
