Mi tampi ten kal lama haksatna thei khia hak mah mah uh hi.Bang hang hiam cih leh kilangkhia hak banah taksa ah natna omsak hak hi.Chronic Kidney Disease (CKD) pana kidney failure tung dingin kum tampi pai hi.Mi pawlkhat bang CKD nei kidney failure a tun ma-a si zong om hi.Mi pawlkhat in peuh thudon lo thei uh hi.A natna in natna dang lawhsawn khollo ahihmanin a
dam ding kisa kha zel hi.Ahizongin theihna in hong keem thei hi.A natna leh a kilatkhiat dan thei lehang kikep kikhawina ah naakpi takin phatuam ding hi.Kal lama nawpmawhna nei peuhmah in a manlang thei bang pen in siavuan ki veelsak pah leh hoih hi.A man lang taka sisan leh zun test pah ding hoih hi.Khatvei vei kal hoihloh man hi loin natna dang hang zong hi thei zel hi.Tua ahihmanin eimah kitelcian ding pen hoih mah mah hi.Tua ahihciangin na natna leh hoih lohnate telcian dingin zekai lo in siavuante zuan in.Kal hoihlo kilat khiat dan pawlkhat gen ni.
dam ding kisa kha zel hi.Ahizongin theihna in hong keem thei hi.A natna leh a kilatkhiat dan thei lehang kikep kikhawina ah naakpi takin phatuam ding hi.Kal lama nawpmawhna nei peuhmah in a manlang thei bang pen in siavuan ki veelsak pah leh hoih hi.A man lang taka sisan leh zun test pah ding hoih hi.Khatvei vei kal hoihloh man hi loin natna dang hang zong hi thei zel hi.Tua ahihmanin eimah kitelcian ding pen hoih mah mah hi.Tua ahihciangin na natna leh hoih lohnate telcian dingin zekai lo in siavuante zuan in.Kal hoihlo kilat khiat dan pawlkhat gen ni.
Kal pen zun bawlna set thupi mah mah khat ahi hi.Tua ahihmanin kal lamah haksat buaina khat peuh a om ciang zun pan kilangkhia masa den hi.Na zun suah hun ngeina hong kikhel in zankimlai peuh in na zun hong suak pheng pheng ding hi.Na zun pen a ngeina banglo in phuan in man pian ding hi.Bek tham lo in na zun pen siang lo in nin mah mah ding hi.Khatvei vei na zunah sisan om thei zel dinga, zun na thak ciang na nasa ding hi.
Kal lam hoih lote pumpi pana tui leh nawng ki paikhia dingah buaina om thei ahihmanin khe, khut, mail eh tan gai kiim khawng bawk thei hi.Kal tha hat ten hormones nam khat erythropoietin bawl thei hi.Tua pen mihing pumpi red blood cells omsak oxygen bawlkhiat nanga kitangsam hi.Kal hoih kei leh erythropoietin tawm hi.Tua in pumpi kitangsap zah red blood cells pia khia oxygen tawmsak hi.Taksa leh khuak nasep zekaai sak tuam ahihmanin ki gim mah mah se hi.Tua dan natna pen anemia kici in limtak kikem peuh leh damkik thei hi.
Kal pen sisan a nin omte a khaihsiang den ahi hi.Kal hoih kei mawk leh sisan niin tuam mah mah ding hi.Sisan nin leh pum tung mun tuam tuam thak thei hi.
Kal hoihloh mana sisan niin pen uremia kici hi.Hih in ann kam limsak lo in ann neek thadahsak thei hi.Bek tham lo in gihna zong kia niamsak thei lai hi.Uremia hong huai siat ciangin lung-am leh luak suak om thei hi.
Naak hatsatna pen kal natna tawh a kizop theih dan nam nih om hi.Pumpi a tui a hahsiang pen in anasep ding bang sem thei lo ahihmanin tuapah tui gel tam hi.Anemia in pumpi in a kitangsap zah a diik ding huih dal thei hi.Tua mani naak haksa kisa thei zel hi.Anemia hangin mun lum nangawn ah vawt kisa thei zel hi.Kal hoihlohmana anemia te khuakin a kitangsap zah huih ngah lo ahihmanin lung-am in zong lungmawk uh hi.
Mi pawlkhat kal hoih lohmanin nungzang guh leh kawng khawng na thei hi.Polycystic kidney disease bangin kalah tui man leh naai baw thei hi.Khat vei vei bang sin lam khawng hoihloh lawh thei hi.
