2014 KUM SUNG SDA PAWLPI ATAT-HIAMPI THU 7

2014 KUM SUNG SDA PAWLPI ATAT-HIAMPI THU 7

Leitung khuahun: gal-le-sa, nat-le-sat ompi lak mah ah SDA pawlpi in, “Zeisu hong paibaih ta ding hi” cih thupuak nasep kitaangko niloh hi.

Adventist te’ nasepna abeisa kum sungah, Pasian’ Thumaan taangko nasep na ahih leh, nakpi tak in kilawhcing hi: Effort bawlna, Radio, TV, ADRA nasepna te leh Vaak-kawi kawi nasepnate tawh Zeisu’ Thumaan teci kipang kawi kawi aa, mi atulsawm lom lom in ki-tuiphumna leitung gamtuam tuam ah nei ziah ziah uh hi.

Tulaitak aa thu lianpi aa kigen phadiak hi, asiahuai natna, Ebola (pulnatna) thuak te leh Galtai, dongtuak, Syria, Iraq khuakiim leh Ukraine aa om
gaaltai te, ei Adventist pawlpi te’n zong nakpi takin kibawl in, kihuh aa, gilkial te an kivaak in, inn neilo te’ aa dingin giahbuuk kilam sak kawi kawi hi.  

2014 Kum sung SDA Pawlpi atat-hiampi Thu 7 te pen:

1. Khuapi Lian te ah Topa’ Nasepna

“Mission to the Cities” Khuapi Lian te ah Topa’ Nasepna cih New York khuapi pan 2013 kum in ahong kipan khia hi aa, tua khanlawhna huzap hong kizom to to in, Nipi kaalnih sung Lungdam’ na Thu taangko nasep na May 2-17, 2014 in Philippines ah, “Hope Manila 2014: iCare” cih minvawh in General Conference pan Elder Ted Wilson, mapang pi-in, amah leh anasep pih ulian pawlkhat te kikhen kawi kawi uh aa, Philippines ii khuapi (Metro Manila) sung diak ah pansan la un ah, mipi bek thamlo, sumbawl te leh gam uk, makai te’ tungah zong Thumaan Taangko na cialpi bawl uh hi. Adang pawlpi upa maikai te in zong, tua hunsung mah in khuapi, khuata 75 ah Thumaan Taangko nasep nasia tak in bawl kawi kawi uh hi. Hih nasep na pan in Philippines gamah mihing tulsawm val in SDA pawlpi tawh hong kizom uh in, mi 3,152 in ki tuiphumna nei uh hi.  

Hih Khuapi Lian te ah Topa’ Nasepna pen Austria, Bulgaria, Tahiti, Ghana leh khuapi dang tampi ah zong kisem ziah ziah hi.

• Brazil gam ah, July 2014 FIFA World Cup kimawl sungin The Northwest Brazil Union te’ makaih na tawh “Hope Manaus” cih minvawh in, kalkhat sung bup Laibu “The Great Hope” “Lam-etna Lianpi” cih leh  dawn ding tui siangtho hawmkhia ziah ziah uh hi. Tua nasepna hangin kimawl en mi 350 in SDA pawlpi ah, kituiphum na nei uh hi. 
• Nipi kaalthum sung Lungdam’ na Thu taangko nasep na, September 2014 in South Pacific tuikulh Vanuatu gam ah zong “Hope for Port Vila” cih minvawh in na kisem aa, mihing 2,213 in SDA pawlpi ah kituiphum na nei uh hi.
• Nipi kaalthum sung Lungdam’ na Thu taangko nasep na, November 2014 in El Salvador gam ah zong kinei aa, mihing 4,800 val in SDA pawlpi ah kituiphum na nei uh hi.

Nipi kaalnih sung Lungdam’ na Thu taangko nasep na,  kumthak khit May 2015 ah, Zimbabwe gam ah, GC President, Elder Ted Wilson mapang in kinei ding hi. Mipi 40,000 val akihel dingin kilam en phot tadih hi. July, 2015 General Conference session kipatma in zong, pawlpi upa, makai te tawh hong kithuah ton ding ahi, akhua khua, agam gam pan aa ih neih zatui lam siam, siavuan, siamah te in ah amawk na in zatui, zaha tawh cina, luna te’ tungah nasepna zong San Antonio, Texas tualpi ah kinei ding hi. 

2. Ebola Natna Thuakte leh Alunggimte Kep-khoina

SDA pawlpi te in ih hih leh ih Topa Zeisu nungzuih nasep azomte ih hi aa, Amah ih etteh ding ahi hi. Natna satna thuak te, gilkial dangtaak, gaaltaai, cimawh genthei te ihcing ih kep ding nasep zong ih nei hi.

Ebola Hangin Alunggimte leh Natna Thuakte Kep-khoina nasep ah ADRA in zong madawk tak in nasem hi.

ADRA in Loma Linda University leh adang Adventist kipawlna tuam tuam te tawh kikop in West Africa ah, Ebola natna veite khoina dingin zatui, zaha leh zato van leh adang van kisam tuam tuam te kipuak hi. Bektham lo in, tua gamsung aa om mipi te an kivaak in, kikem, kikhoi in, koicing bang, bang ci bangin Ebola natna pan kihem khia ding, kidal ding cih thute zong kihilh hi.

Tua ban ah Nepal leh Balkans gam aa tuikhang na hangin, cimawh dongtuak te, leh Iraq leh Syria gam pan aa gaaltaai te ADRA in an leh van kisam tuam tuam te tawh kihuh hi. Russia leh Ukraine galbuaina huhau in cimawh genthei, dongtuak te ADRA in nasia tak kipan pih hi. U.S. Vice President Joe Biden ii a zi, Jill Biden, November kha, Kiev ah azin sunginUkrainian Union Conference sunga ADRA zumpi ah, ADRA, USAID leh UN te’n Press Conference nei uh aa, tua lai ah ADRA te nasepna te ahong paaktat na, hong gen in, hong phat hi.

Read More ->>

3. Numei te Tuiphum’ sak Theihna Piakding Vai Kikupna

Women’s ordination vai tawh kisai in, 2010 GC session ah zaitak in kikupna leh kithukim na om khin hi. Ahi zongin 2014 ciangin thu tampi hong ging hi. June 2014 aa thu kikupna ah hih vaitawh kisai in thukhensat na General Conference-commissioned committee in diksak zolo phot hi. October 2014 in, Kumcin Kimuhkhop om aa, tua tengah hih Women’s ordination vai kikupna om in, Division 13 sungah azangh nuam te’n amau leh amau khensat bang hi ding cih leh GC session 2015 ciangin vote tawh kikhensat ding cih thu ahi hi. Thunget na tawh nakpi takin ki ap kawm sa-in, kan kul ciat ding hi.

4. Cidamna lam Nasep na

Ih pawlpi kim ah cidam’ na lam nasepna phual neihciat ding pen geelna aom ahi hi. July, 2014 in Geneva, Switzerland gam ah hih nasep na ding tawh kisai tentaann kipia ngeizo hi. Gam 81 pan in, mihing 1,150 bang kah uh hi. “Topa Zeisu’ etteh in lungsim, pumpi leh kha damsak na’ng bangci bangin ihkipawlna phualte ah nasep kipan ding,” cih bulphuh uh hi. Kipawlna phualte ah sep leh bawl dingin ah pumpi kikepna, anhuan, mehhuan na, leh lungkia thanem te’ tungah mapan ding leh zateep khawlsak zawh na ding cih bangte kipan thak hi. 

5. Adventist te’ Lailam Nasepna phual Kipuah

Review and Herald leh the Pacific Press publishing lai nasepna innpi te geel ahih leh, Adventist taangthu ah kum 153 sungah akipuah (ki behlap) mun pen ahi uh hi. Review and Herald in alui pen leh ih neih masak pen pen laikhetna phual ahi hi. Hih laikhet, laipei na nasep na in nakpi takin hong huh aa, akipat aa kipan tu nidong ih pawlpi hong thahat sak mah mah hi.

Nampa, Idaho-based Pacific Press Laikhetna innpi pen North American Division ii institution hi ta ahi hi. Review and Herald laikhetna phualpi pen Hagerstown, Maryland, pan General Conference zumpi, Silver Spring, Maryland ah kituah ding hi. RHPA pen GC ii institution hi lai hi.

6. North American Division Khangtohna Lamah

July 2014 in NAD in Pacific Press laikhetna phualpi aituam in la ta uh hi. November 2014 tak ciangin Oakwook University zong aituam ngah ta uh hi.

7. Adventist Mipil, Laithei te LST sungah Kinga

2014 kum sung thu kikup mun thu in women’s ordination vai hi diak hi. Tua lo pawlpi upa, makai te, mipil, misiam, lai thei te’ kikup diak thukhat leu leu in, “Nate’ Thu leh Lai Siangtho Thu,” cih thu ahi hi.  Lai Siangtho in, “Nuntakna pen leitungah  kum tul tamlo pan hong om hi,” cih hong hilh hi.

Adventist Pawlpi makai Ted NC Wilson in ah, Nate thu leh Lai Siangtho Thu tawh kisai in  apulaak na ah bang ci gen hiam cih leh, “Sangsia te in, hih leitung ah nuntak na pen ahong kipat zawh kum tul zalom, mak tampi pan hi ci’n hong hilh khak uh leh, amah leh amah SDA ka hi ci’n kigen kei mai leh, ahih kei leh, Pawlpi sangte ah na ka sem ngei, kici kei beek leh,” ci’n Bible and science conference, Las Vegas, Nevada ah August 15, 2014 in pulaak hi. 

Lai Siangtho sungah Daniel leh Moses te in zong nate sangin Piangsak pa’ tungah kinga zaw uh hi.

A kimcing in gelhni cileng, tam miatmuat lua mawk in, a tom-kim-cing thei dingin ka khilsuk kik ahi hi. A kisam tampi omlai ding hi.

Source: http://www.adventistreview.org/church-news/7-biggest-stories-that-shaped-the-adventist-church-in-2014

--