UMM ah President ka seplai-a, 1998 kum sung Executive Committee(EC) thu khen satna pawlkhat a nuai-a bang ahi hi. Tua khen satnate na enlecin thuman pawlkhat tel dingin ong lamen ingh. Tua khensatnate kigelhna Index zong attatchment tawh ong khak ingh. Tua sungah yellow in ka highlight bawlte na enlecin, UMM zumpi ah nakan nop leh reference hipah ding hi.
INDEX UPPER MYANMAR MISSION EXECUTIVE COMMITTEE MINUTES, January to December, 1998
Hih Minutes a gelh pen Pr. Langh Sawm Mang(late), UMM Secretary ahi hi. Kum bei ciangin hih Minutes te kimtak-in akigawm khit ciang, laibu khat-in kikhui-a Secreatary zum sungah kikem cing den hi.
UMM khensat Vote Nambat sunga thute lakpan pawlkhat:
1 98-040 pen ATI ah sia sem dingte sehna vote hi.
2 98-150 pen ATI Laibu koih nading EC thukimna vote hi.
3 98-220 pen ATI le Palaung anbuk lam nading vote nambat(Zum ate in ong phelsak icihcih pen) hi. Workers Upgrade nading vote-te pen 1999 lam-a Minute sungte-ah om dinga, tu lian-a ka kepte sungah omlo ahihmanin, ong nung khak mai ning e.
4 98-169 pen Sia Khen hun-in, Sing-u-nau(UMAS) ah College First Year courses kipat nading khensatna vote la hi. Tua pen Union in MYUM Voted 98-204 ah “Granting of First Year College Courses in UMAS were nullified” cin ong phiat sak hi. INDEX MINUTES OF MYUM EC COMMITTEE MEETINGS, JANUARY 20 TO DECEMBER 23, 1998 cih sungah na en lecin. Scan laidal ( 5) na ah ong guang ing.
Sia Khen in UMAS thanem sak cih thu a manlohna hibangin kimu thei hi. A thakhauh nadingin vote kila zaw hi.
5. 98-098 pen UMAS le AAS sangte SSD Education Policy Manual zui-in Self-Support ding hanciam pihna geelna tawh kum khatin 5% Appropriation khiap nading khensatna hi. Tua nangawn ki embush lo in kihilhhilh phot lai hi.
Hih atunga teng pen a tom-a kong lah theih pakteng hi. Akicing zaw in Kawlgam ka file pan ka ngah ciang ong hawm thei lai ding in lam en ing. Tel loh a om leh, phone or email tawh dot ding kisuan ngaihsut lo-in maingal takin ong hopih lel in cih kong theisak nuam hi.
Deihsakna tawh,
Sia Khen
Kham Khen Pau
