Neumuhna lungsim tawh mikangte in a kizoppih mite lakah Afro-Americante bek hilo hi. Africa, Asia le Latin America gamte-ah kum zalom 20 pat lamteng-a pai Adventist missionary-te in zong tua bang lungsim mah vom ciat uh hi--Nitumna lamte in akhutnuai gamte tawh kizopna ah a vom-uh kiliatsakna lungtang puak ahi hi. Atangpi-in genle’ng Europe ngeina, pilna le technology bekin khantohna piang sak hi, cih lungsim ahi hi. Europe le North Americante tawndan tawh a kibanglo khempeuh khua-tavai, a tawtaw, in seh uh hi. Nitumna lam mi ahih kei nak leh Adventist upna alet mah bangin nitumnalam mite’ ngeina azuih theih matengin makai dinmun-in muanhuailo hi, cih ngaihsun uh hi.
Ahizongin pawlpi makaite in pilna neilo mun pan ong kikheelte lakpan sia sem ding le panmun tuamtuam ah makai ding atam theithei nei-a masuante aki suat theih nadingin tualsuak mite pattah ding kin masak-a I neih ding ahi hi,” ci’n 1926 GC in khensatna khat bawl hi. Tua khensatna a tangtun nadingin, a om nailohna-te le nasep kipatsa munte ah pawlpi sangte honbeh ding ahi hi. Ahizongin hih in hun le sum tampi huup hi. 1929 kum United States a “Great Depreciation” hangin innphual-te in gamdanga sang honbeh nading sum haksa sa semsem uh hi.
Tualsuak makaite tungah masuan ngak ding thupi hi, cih ciangin khuaphual pawlpite in agamgam ah kipawlna organization tuam neih ding cih makaite lametna hilo hi. Tua sangin pawlpi tuam din nading apiangsak lungsim ahi minam-itna le ngeina kibatlohnate makaite in thupi sehlo kha uh hi. Tua sangin Pasian nasemte gam khatle khat helzau-in kikheel sak(exchange) ding makaite in ngaihsun zaw uh hi.
Tua bang hileh, kipumkhatna khauh zaw ding hi, thamlo-in tualsuak nasemte makaihna gamte pen adang zahin khangto lo hi,’ ci uh hi(Review, May 29, 1926. Pp. 27, 28).
SDA gamthak lutna Europe Nitumna Saklam, South Africa, le Australia-te ah, a lut zawh kum 25 dongin tualsuak pastor le manager-te in effort makaih uh hi. Tua munte sungah zong gamzawng zaw deuh le Roman Catholic le Christianlon dopphah gamte domkang hakzaw lai hi.
Division makai pawlkhat in nesepnatha abehlap nadingin ama division sunga mite bek cial hi. 1926 kuma South American Division president sem Carlyle B. Haynes in “Kum 4 khit ciangin South American Division(SAD) sungah pawlpi nasem 800 oma, division pua pan ong pai 100 sanga tawmzaw bek om hi,” ci’n kipak takin gen khia hi. Asawtlo-in SAD bup pen amah le amah ding thei(self-support) ta ding hi, cih lamen hi. 1930 GC ah “South American gamsung nasepna pen South American mite in manawt le lungkimtakin sem ding uh hi, cih teltak-in ka gen ngam hi,” ci hi. Ahizongin, South American tualsuak Brazil-mi Enoch Olivera in South Ameican Division president angah nadingin kum 45 sawtto lai veve hi.
