Dawnkikna le Hilhcianna
ATI anbuk om takpi:
1998 in Union Officers teng le UMM
EC pan Majority vote tawh ATI kipan hi.
An buk dingin President Quarter gei-a Sia Thangpu bawngbuk lui kipuahin
kizang hi. A kumkik ciangin gammial pattah nading Palaung sangnaupang 20
adingin sangno khat kipan hi. Anbuk ding
kisam ahihmanin, Pi 56x24 zai, sikkang khuh-in, UMM staffs in zum awn hun
sialin lam-uh hi. 2002 kum kipat Pr. Ken UMM President ong sep ciangin Palaung
naupangteng khenin, an tuamhuan sak hi.
1999-2004 dong ATI sangkah naupangte
in tua anbuk zangto suak uh hi. UMM sungah Conference vai le ATI buai cingin,
UMM officers-te 2004 kum-in ATI sangnaupangte zatlai anbuk, U Jackson Tun le a
lettama-teng cialin, phel sak hi. Asunga vanneng omlaite pen ala tawh a nusiat uh tawh, agei khawng ah a
paih uh tawh kidim hi. Tua ciangin Aung Thang tepawl in kaikhawm kik uh hi. Tua
sunga ATI te ong kawm TDM 062286 kigelh ka heipi zong kingah kik nawnlo hi.—a
phelna uh zong man(photo) kila lai hi.
ATI sangnaupangte in agei ah mun
awng khat-ah anhuan uh hi. Sia Singpute in va hawlkhia leuleu-a, buaina aom
ciangin, Yatkwet Hausapa in Taihtan nuai-a lutna mun awng-ah huan un cin sawl
hi. Tua lai-ah 2005 March dong anbuk-in sangnaupangte in zanguh hi. Tua mun
azat uh pen ATI anbuk kiphel khit ahi hi.
Thukhen zum ading tetci:
Thukhen zum a kitun ciangin, “Ka an
buk uh ong phelsak uh hi, ka pakante ong paisak uh hi,” cih tetti dingin a
pakan nei sangnaupang pawlkhat zong ki zang hi. Inn kiphelna mante(photos) zong
zum ah kilak hi.
Thukhen zum pan, inn ki phel kei,
ATI anbuk om ngei kei cilo-in, UMM Officers-te in amau huang sunga kilam inn
ahihmanin a phel hi, cih tawh thu beisak hi.
Tua thukhenna pen Anbuk om mah hi,
zong kiphel takpi mah hi, pheltheih nading thunei uha aphel uh hi, cih kipsakna
hi ziau hi. Tua in anbuk omtakpi ahihna, zong kiphel takpi a hihna thuman
akipsak zaw suak hi. Tua manin anbuk ong phelsakuh cih tetci agen dinga “Sia
Khen in ong hilh ngaungau” nacih pen phuah tawm zuau thu ong hilh hilo hi. Ahi
bang thupiang hangsan taka gen ngam nading ong hilh ngaungau hizaw hi.
Ka pakante ong paihsak uh cih tawh
kisai-in, sangnaupang sungpan mahin pakan nei nawnlo ci-in agenuh ciangin,
pakan paihsak cih thu ahihi. Innphelte in paisak/laksak kei leh sangnaupangte
pakan kim takin om ding ahi hi. Tu’n kimtak-in omlo ahihmanin, paihsak ahihkei
leh laksak uh cih kitel pah lel hi. Tua manin, pakan ong paisak uh ci-a, tetci
gen pen zuau thu kici theituanlo hi. Ka sing ehna heipi uh zong ong laksak uh
hi, cih tetci ki gen omlai hi.—hih ahi bang I gen nangawn pen Mission awina lam
hilo ahih manin ZUAU THU hi ci-a ngaihsut pahna zong, namkhat panin, ZUAU THU
mah suak hi.
Gentehna-in: Ameel hoihloh hangin
Uiphuk gen thute a man leh, thuman mah hi veve hi. Tua mah bangin, USA
President, Barak Obama in thumanlo agen leh, ZUAU THU GEN mah hi veve hi.
Thukhupna:
Atunga thupiangteng I etciangin,
1. ATI anbuk a om ngei ngiatlopi, “ka anbuk
uh ong phelsak ci-in, a om takpi bangkeek-a ZUAU PHUAK hileh tua pen ZUAU takpi
hi ding hi. ATI anbuk om takpi-a, zong kiphel takpi hi. Tua akiphelna thu teci
a gen pen atakpi apiang khinsa thu genna hi-a zuau hilo ahihmanin MYUM ZUAU LAI
tawh kibanglo hi.
MYUM ZUAU LAI-TE pen, a laitunga
kigelh date July 1999 hun in tua bang lai kigelh omlo nam ahi hi. Tua manin
phuahtawm, ZUAU LAI ahi hi.( Aletmat thute le tua lai azangte pen Zuau thu teci
pang ahi hi. Church Manual zui-in Displinary action lakding hi zaw lai hi.
2. Bel khekha cih tawh kisai-in, “belh
nading omloh manin bel, paikhia nuamlo in bel” cihte pen, paikhia nuamlo cih
thu bek hi-a ZUAU kici theilo hi. ZUAU cih kammal definition itel ding kisam
ding hi. Tua manin, kumpi Upadi ah zong ZUAU pen Pohma 420 hi-a, paikhia
nuamloh pen pohma dang (Zar-zatat-gyi pohman 448 huam sung) ahi hi.
Buluh cih ciangin kuama phallohpi,
kongkhak tawhtang kalhkham cibang dana lutte ahi hi. Paikhia nuamlo cih ciangin,
alut lai-in, phalna tawh lut-a, a kipaikhiat sak nop ciangin, utlo cihte ahi
hi. Tuate ading Pohma atuamciat-in om dimdiam hi—hih kamalte pen kibanglo hi.
Hihte adingin ZUAU cih kammal kizanglo hi.
3. Na laigelh dan en le’ng MYUM asih gup kei
dan ong suak hi. Na veina(feeling/emotion) pen thuman asa tawh kibang hi.
Thuman(fact/reality) le veeina(feeling/emotion) kibanglo ahih lamtak khentel lo
cihna ong suak hi.
Tua in Thuman(facts) sangin pumgup
nopna lungsim (feeling/emotion) a thupi sak zaw dan ong suak hi. Nam khat panin
gen le’ng Thu saikak kimna(logical reasoning/thinking) kisam lai ihihna kimu
thei hi.
Tua ahihmanin,
A om ngeilo, a manlo khat
bawltawm-a, a man bang keeka hakteltal-a teci panna pen ZUAU TECI panna ahi hi. A man gige pen mah zong a manlo banga
ngaihsutna zong LUNGSIM ZUAUNA hi-a, tua banga genkhia-a teci panna zong ZUAU
TECI panna mah ahi hi.
