TUUCING PA LEH ATUU TE
Pau Lam Dal
Tung Pasian in, Ama’ kiang pan aa hong pai thupha te Zomi SDA mikim tungah hong tung sak hen! Na ci, na lu, uh dam in na khan kum te uh a sawt dingin, Tung Pasian in, hong siam ciat hen! Ama kiang pan aa hong pai hehpih na, ei te tungah hong tung sak hen!
January 6, 2014 ni aa;
Sia Mungno’ lai khah sung pan “Pasian thu um, SDA pawlpi a it taktak te' gamtat zia ding koi ci leh na ci uh aa?” cih tawh kisai in:
A nuai a, laitui san tawh ki at, thu a dik/diklo takpi a hong kikhah ahih phial leh, kuppih na;
Division President Gulfan in Kawlpi ah EFFORT OREVANGELISM bawl sawm hi. Tua ciang iin lungdam dingcih gen loh “Kawlpi ah effort bawl ding iin nong pai leh na nuntakna lauhuai ding hi” ci iin tawng aa a pian theih loh nading aa a na khak tan te zongh mi mawkmawk hi lo hi ven. Division President, Pr. Gulfan bang in lamdangsa lua leh dah lua kigawm hi’ng teh, a khitui a luang liang hi ven.
Ngaihsut masak ding leh Navak tak in Sim ding a, ka deih LST kammal te:
Mihing ahi Ezekiel aw, kei ma tuuhon ahi Israel mi a cingte mawh sakna thu gen in. Amaute kiangah thugen inla, Topa Pasian ahi keima thugen, amaute kiangah hih bangin gen in: Israel mi a cing note aw, gimna na thuak ding uh hi. Nomau mah mah na kivak uh a, tuute na don kei uh hi. Ezekiel 34:2
(Ka tuuhon te a cing dingin tuucing khat ka koih a, ahi zongin ka tuu a si dingte huh loin, amangthang te zong lo in, aliamte bawl lo in, a cidam te zong an vaklo hi. Amah in tua tuu thau pen te’ sate ne-in a khecin te na ngawn hok khiat sak zaw sop hi. Zekhariah 11:16)
ü Topa Pasian ahi keimah, note’ lang ka hihna thu tu-in kong pulak hi. Note’ khut sung panin ka tuute ka la ding a, tuute don lo in, note bek akidon no tuucing te’ khut sungah ka tuute ka omsak kik nawn kei ding hi. Note’ khut sungpanin ka tuute ka honkhia ding a, ka tuute, note’ nek in ka omsak nawn kei ding hi. Ezekiel 34: 10.
ü Kei mah in amangte zongin, a lampialte kaikhawmin, aliamte aliam ma tuam sak in, a cina te dam sak in, acidam athahatte zong akibangin ka en ding hi. Bang hang hiam cih leh kei pen amanin agamta tuucing pa ka hi hi.Ezekiel 34:16.
(Tuucing dang tampi in ka leenggah lo hong suk siat sak uh a, kei a’ teng hong tuatcil sak uh hi. A hoih mah mah ka leenggah lo pawnlak, gamlak a suak sak uh hi.Jeremaiah 12:10)
Tuu zawngkhal te na khoi kei uh a, a cina te dam sak lo in, a liamna te na tuamsak kei uh hi. A lampialte na khiang kei uh a, a mangte na zong kei uh hi. Tua bang bek hi lo in, ngong bawlin na uk gawp zawsop uh hi.Ezekiel 34:4
(Tuu neite in a tuute go uh a, ahi zongin maute gim kipia lo hi. Amaute in a tuusa zuak uh a, ‘Topa in thupha ngah ta hen. Tu-in I hau ta hi,’ ci uh hi. A tuucing te mah mah in a tuute uh hehpihna neilo uh hi. Zekhariah 11:5)
ü Amah in tuucingpa bangin ama tuuhon te an vak ding a, ama tuuhon te kaikhawm in a ang sungah pua ding a, no ngek lai a neite dam takin apaipih ding hi. Isaiah 40:11
ü Amos in Amaziah dawng a, :Kei pen kamsang ka hi kei a, kamsang te’ ta zong ka hi beek kei hi. Kei pen tuucing ka hi a, theithek huan puah tawh a thuah khawm ka hi hi.Amos 7:14
Pr Gulfan’ khitui luang na hang pen, a tuu te gina lo, gilo lua hong sak luat man zong hithei kha dingin, sang thei ing. Siapa pen, ama’ uk na sung aa nasem sawm hi a, hong en mawk mawk ding hilo lai in, effort or evangelism sem ding hi lai lai a, bang zah ta in, kikhak tan phial ahih leh zong, Pasian’ aa dingin amai zum huai lo nasep hi, ci ing. Tua bang lungsim kawi, lungsim thepthel ama uk na sung ah aom tuu te, hong pat tah hong puah a, hong zuun ding pen a ma’ ii strategic plan sung ah om dingin, ka um buang hi. A mangthang te zong ding hi zaw lai hi. A cidam te zong anvak lai ding hi zaw hi. Kawlpi hong tung to khin aa, tuu te in, tuucing pa a ki nolh khia hi leh bel, tuu te khial mah mah hi, ci ing. (Uite in nakpi tak in duh uh a, kham hun cih nei ngeilo uh hi. Tuucing te in zong thu theihna neilo uh hi. Amaute khempeuh amau tum ciat in gamta uh a, avekpi un amau’ phattuam na ding bek a zong ciat uh hi.Isaiah 56:11)
Kawlpi ah, SSD tuucing pu in, Effort or Evangelism bawl ding tawh kisai in; tuu te lungdam lo zaw in, a heh phial ahi zongin, nuntak na bang zah takin alau huai phial dinmun ah om a(tung nailo), a sawm na ton kik zah liang dong dingin, a effort or evangelism (message) subjects ding te bang hi ding hiam? Pasian’ na a sem dinga hong pai sawm hilo hiam? Vantung Mi Thumte’ Thupuak(thuman) taangko nasep sem ding, SSD Tuucing pi pa in bang hangin kihta in, anun tak na Pasian’ nasep na dingin, khaam ngam lo zah in, bang hang tonkik dingin thu vatsat zaw mawk liang hiam? (“Kei, tuucing hoih ka hi hi. Tuucing hoih in a tuute sihpih ngam hi”. Johan 10:11)
Tuucing pi pa in, tuu te gilkial aa om(a kikhen thang Kawlgam SDA sung M leh C te)a nuntak na pia ngamlo zah dongin, bang hangin, an hong vak ngam lo zizen hiam? ???(Tuunawi ne-in, tuu mul silhin, tuu thaute go-in a sa na ne uh hi. A hizongin tuute na vak kei uh hi. Ezekiel 34:3) A hih kei leh a tuu te pen tuu vun silh Ngiaa vive tawh kibang hong sak man hiam? Tuu bangin hong mu nawnlo mai hiam? Hih phial ta leh, Ngiaa na ngawn, tuu lungsim neih sak ding tavuan/vaipuak nei hilo ahi hiam???(Tuu nei tak tak a hi lo, akicial tawm tuucing pa in ngiaa khawng amuh ciangin a tuute nusia-in taisan ahih manin ngiaa in tuute man a, tuute aki thehthang gawp hi. Johan 10:12)
Bang hang hangsan lo hiam???(“Kei, tuucing hoih ka hi hi. Tuucing hoih in a tuute sihpih ngam hi”. Johan 10:11).Topa Zeisu’ lungsim puak tawh aki bang mah hiam? (Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahihmanin ka tuute ka sihpih ngam hi. Johan 10:14-15)
Bang zah ta in akua akua in, zuau leh tak tawh tawng phial, phawng phial ta leh, hih nasep effort or evangelism bawl ding pen, hih leitung ah “the Great Commission” Matt. 28:19, 20 “Sawlna” athupi pen nasep hilo ahi hiam? A nuntak na lauhuai ding adah mah mah leh Pasian’ kiangpan a Kha Siangtho leh kumpi lam pan Security Guard kicial thei buang sam lo ding hiam?ci ing. Spiritual Maturity ih cih bang hiam????(“Kei, tuucing hoih ka hi hi. Tuucing hoih in a tuute sihpih ngam hi”. Johan 10:11)
“Kimanna a neilo tuucing pa, a tuuhon te a nusia pa in gimna ngah ta hen! Namsau in akhut bantan hen la, a taklam mit sat kham hen. A khut beimang hen la, atak lam mit tawcip hen!” hong ci hi. Zekhariah 11:17
“Tua ahih manin no tuucing te aw, Topa ahi keima thugen ngai un:” Ezekiel 34:7
Tua ahih manin no tuucing te aw, keima thugen ngai un.Ezekiel 34:9
(Note in bangci ngaihsut na hi uh hiam? Mi khat in tuu zakhat nei hen la, a tuute khat mang leh, mual tungah a gamta adang sawmkua le kuate nusia-in tua a mang pen a zong dingin kuankhia ding hilo ahi hiam? Matthai 18:12. Note sung pan in khat peuh in tuu zakhat nei in, tua sung pan in khat mansuah leh bang cih ding a hi hiam? Lopa ne in a gamta tuu sawmkua le kuate nusia in, amuh matengin tua amang tuu khat a zong dingin kuan khia ding hi. Luka 15:4 SSD tuucing pu in, Tuucing Topa Zeisu hong thuak nate tel ding hi. Tuucing pu in, bang bang a za phial zongin, tuucing hoih khat ahih na tawh, tuu te sihpih ngam zah dongin, Kawlpi aa om Pasian’ thu um, SDA pawlpi a it taktak hi leh hong pai tak takpi ding in, sang ing. Pasian thu um, SDA pawlpi a it taktak te' gamtat zia ding koi ci leh na ci uh aa? Tuu te guptuam, paihtuam neilo in, Topa Zeisu lungsim, ngaihsut, gamtat bangte neih, tuucing hoih khat ii let san det ahi hi Topa Zeisu in a thuak ding teng thei gige na pi, tuu te hong it luat man in, hong thuak ngiu ngeu in, a nuntak na hong ki pia hi - Johan 3:16)
Ka cih nop na ah, SSD ah, Tuucing hoih mah mah, ih pupi ka khialh sakna hilo-a, tua bang kilau phawng na lel tawh, tuucing pi pa in, Kawlpi aa, ama sawmna teng khawl zo liang cih thu leh, akhawl leh asep sawm pen in, ‘nasep mawk mawk hihet lo in, effort or evangelism’ a thupi pen nasep taangtut lo, ka cih na hizaw hi. Hong pai’ ding a kideih sak takpi hi leh, Union te in zong na tawsawn thei buang ding uh hi, ci ing. “A hih kei leh amai pha munuam lua aa taden(manlo pi a) thu puak dai dai te khawng hang leh SSD pu in, buaina tuam tuam ai kei leh kitak lah na, vaithupi kinzawk dang aneih man zong hi thei a, zong hong maingap lua lo(hong vei lua lo) hi mai thei ding hi”, mawh sak na ding om kei. (“Kei, tuucing hoih ka hi hi. Tuucing hoih in a tuute sihpih ngam hi”. Johan 10:11) Pasian thu um, SDA pawlpi a it taktak te' gamtat zia ding koi ci leh na ci uh aa? Hih bang thupiang hangin, Zomi SDA pawlkhat te sungah, C te’ a hiam gamh tat sak nop luat na, alah nop luat na uh tawh kipak mah mah na in, la uh ahihman in, aki pak huai mah mah thu takpi mah ahi hiam? Cih na tawh ka muh na hong hawm sawn hi bek ing.
SSD Tuucing pu’ Khitui A Nul Ding Dial
“Pasian thu um, SDA pawlpi a it taktak te' gamtat zia ding koi ci leh na ci uh aa?”
“2001 Union session ah delegation authority lo tawh a term bei E.C. in nominating committe teel sak in tua EC sunga omte lak pan union officer thum losiah kuamah dang teel thei lo ding hi G.C policy thak hi ci-in Pr. Tin Tun in a comment pen a khemna nahi mawk. Pr. Memory Tun in hih a ut lote SDA a tawp kul in teh ciin comment sawn lai hi. Pr. Kenneth Suan Za Nang in 2001 session Singunau ah Sia Muller leh Sia Memory makaihna tawh GC policy lui leh thak om lak pan koi zang nuam zaw cin Union phuahtawm policy zangin delegate te dinsakna tawh teel sakin, kheem leuleu hi.
October 31, 2005 in Sia Muller in khial ing cih apuatham thumna a at bek hi-in, kipuahphat nang special session policy ah om bangin akinget hang ut lo ngam ta ngial hi.Geel kholh (preplanned) panmun seh ahihman a hi hi”.(Uite in nakpi tak in duh uh a, kham hun cih nei ngeilo uh hi. Tuucing te in zong thu theihna neilo uh hi. Amaute khempeuh amau tum ciat in gamta uh a, avekpi un amau’ phattuam na ding bek a zong ciat uh hi. Isaiah 56:11)(Note in a cidam lo te na ki uh tawh si gawpin, ahon lak panin na nawtkhia uh hi. Ezekiel 34:21) (“Ka mite tuu mangthang bang ahi khin uh hi. Makai tuucing te in mualtung tengah lamkhial in agam man pih uh hi. Mualkhat panin mual khat ah apai kawi kawi uh a, agiah na inn uh athei nawn kei uh hi. Jeremaiah 50:6 ) (Tua ciangin amah in, “Tuucing aneilo tuute bangin mualte tungah Israel mikhempeuh a kithehthang ka mu hi. Topa in, ‘Hih te in makai neilo hi; amaute lungnuam takin a innciat uh ah ciah hen,’ ci hi,” a ci hi. Kumpi Masate 22:17)
“Tua ahih manin no tuucing te aw, Topa ahi keima thugen ngai un:” Ezekiel 34:7
Tua ahih manin no tuucing te aw, keima thugen ngai un.Ezekiel 34:9
GC Policy thak hangin, Kawlgam SDA sungah Tuucing makai aa ih neih Pawlkhat te’ Tuucing dan:-
v Disband bawl na(Church Manual phalloh pi
(Dear thu-um khempeuh, Fri, Apr 5, 2013 at 7:01 PM
Tu ni April 5, 2013 ni zingsang nai 10:00 am hun in, pawlpi thubuaina
khempeuh tungah Upper Myanmar Mission of Seventh-day Adventists in
gualzawhna ngah hi.
Ih lawm lampial te ih hong laksak biakinnte sanginn te kingah kik hi.
Pinlon biakinn, MMCC huang leh sanginn te kihel hi. Seventh-day
Adventist Church Manual ah pawlpi khat a ki disband ciangin a neihsa a
van khempeuh pen, Mission Administration khut nuai ah om ding hi ci
napi, a ki disband te in hong pia nuam lo in, kum 10 sung bang hong
zat sak hi. Tu in, tua teng khempeuh a neih takpi ahi SDA pawlpi
tungah hong ki-apkik hi.
Tua hangin, a lampial te in olno tak in hong nusiat henla, kikhin leh
a hoih pen hi a, ahi zong in a kikhin nop kei leh, Zari hong pai ding
hi. A sawt lo in Pinlon SDA church sungah Kumkikna a lamen thu-umtaktak te
in kikhop na nei thei ta ding hi, cih kong zasak hi. Topa in minthanna
tang ta hen.
Pastor and Professor Suak Khaw Ngin
Myanmar Union Adventist Seminar)
“Pasian thu um, SDA pawlpi a it taktak te' gamtat zia ding koi ci leh na ci uh aa?”
v GC Policy thak phuatna
v Church Manual leh Working Policy zuihloh na
v SSD leh GC tawh kizop na’ng khak tanna
v Tithe Sharing kikhak tan na
v Sabbath School Quarterly Lesson kikhak na
v Plaintiff sep na
v Court case kah na
v Pasian’ biakinn te tawh kikalh na
v Mission sung bek ah gupna om ci
v Galkap bu(Palik buu) kineih na
v Logo hangin, Thongkhiat na (Kipak na leh thunget sak loh na); Inn/ Innmun/Huang zuakna: Sanpya Clinic huang le Zii-chansuh, Anisakhan, Pyin Oo Lwin-a acre 3 dektak, etc…..(Tuu neite in a tuute go uh a, ahi zongin maute gim kipia lo hi. Amaute in a tuusa zuak uh a, ‘Topa in thupha ngah ta hen. Tu-in I hau ta hi,’ ci uh hi. A tuucing te mah mah in a tuute uh hehpihna neilo uh hi. Zekhariah 11:5)
v Drug koihsim sawm na
v Zomi SDA member pawl khat Tuiphum Kikna leh Tuiphum se lo aa sang na
v Kumpi zum ah aman lo lai kibawl/lai kiphah na
v Pasian’ nasep nang sumpi pawlkhat kizangh nawnloh na
v Etc……,
Hih atung aa thu piang teng bek zong SSD tuucing pu in thu helh hot, aki kal helh, ki nelhsiah om hetlo in, aman tak tak in, mu bek leh zong, a khitui luan taak zaw, ka sa hi. SSD pu te’ tungah C lam pan bang bang a gen uh a, a va phu uh zongin, a kinelh siah thu te hangin, na telkhial lua khin ta uh hi. A man, koi cih lah amau survey kician mah mah tak in, hong bawl lo mawk uh aa. Buai na vengnai lo pi a, hih bang tawh koih dap in, lungkim ziau cih pen, spiritual maturity vailo hi, ci ing. Topa Pasian ahi keimah, note’ lang ka hihna thu tu-in kong pulak hi. Note’ khut sung panin ka tuute ka la ding a, tuute don lo in, note bek akidon no tuucing te’ khut sungah ka tuute ka omsak kik nawn kei ding hi. Note’ khut sungpanin ka tuute ka honkhia ding a, ka tuute, note’ nek in ka omsak nawn kei ding hi.Ezekiel 34: 10. (A zen zen in, gtn. C teng bang pawlpi dang ah dawibia pawl cih bang peuh suak leng; Kawlgam M te pen a khut beng aa, pawi bang khaam zaw liang ding te in mu ing. C makai te’ thongkiat bek zong thu hong nget sak uh cih thadah kipak buang zaw zizen sam mawk lai uh aa mate!)
Goliath in a galvan, a namsau, akidal na leh avanzat khempeuh tawh amah leh amah bek kimuang hi. David in, Saul Kumpi pa’ galvan nusia in, Pasian bek muang hi. Bang leh bang leh GC leh SSD te pen Pasian tawh kizop na zah aa ih tuat loh ding thupi ding hi.. Pasian pen thuman deih den Pasian ahi hi. M leh C kikal aa om Thuman pen hun khat teh hong taang khia sak lel ding hi. (Tuucing pa in a tuuhon te alauhuai na panin ahotkhiat bangin, tua ni ciangin Topa, amau’ Pasian in amite ahonkhia ding hi. Kumpi lukhu tungah a om suang manpha te bangin ama gamsungah amite taang ding uh hi. Zechariah 9:16) Pasian’ theihloh kal aa piang thu khat bek om lo cih phawk ciat ni.(Gamdang mite in hih gawp gawp nawnlo ding uh a , gamsate in that in ne nawnlo ding uh hi. Amaute lungmuang takin om ding uh a, kuamah in lausak nawnlo ding hi. Ezekiel 34:28)
Sit tel nitak ciangin, a kimai sak lo mawh na teng lian bek mei ah kihal tum ding cih phawk tek ni. M in, Church Manual leh Working Policy a zuih loh man in, C ki ding a hi hi. Kiteel na lungkim loh man aa ki ding hi hetlo hi. " Kiteelna lungkim lohna" hang acih pen, “ A dik aa kiteel pipi lungkim lo” tawh kibang hi. MUM aa tuucing makai pawlkhat te pen tu dong mah in, mawhna kizep siam in, kinelh siah in, spiritual maturity om lo in, agamh tat laisiah uh, tuu gilkialte belh ngam ding mun hilo C te’n sa uh hi.(Tuucing te in akitheh thang tuute kaikhawm in akep bangin keimah in don in ka kem ding hi. Tua bang a lauhuai siatna ding hun laitak in aki thehthang na uh mun khempeuh panin ka kaikhawm ding hi. Ezekiel 34:12).
“Pasian thu um, SDA pawlpi a it taktak te' gamtat zia ding koi ci leh na ci uh aa?”
…………..Lungsim ciim ten muthei, tel thei ding hi………….
A hoih pen ding sem in, hanciam in, apiang thei ding thu te ki sang siam tek ni!
Note : Scripture Quotations taken from the Holy Bible in Tedim Chin, copyright©2013
by The Bible Society of Myanmar and United Bible Societies
