Date: February 16, 2007
Kong it Khrist sung aa sanggam teng:
Topa min tawh hong hopih ing. Dec.8, 2006 in Sia Mungno in Conference leh Mission vai a gente pawlkhat diklo ban ah hong mu khial sak ding ahihman in a dik hong pulaak hing.
Ka khualzinna ah Sia Mungno gen tawh kibang tawhtang vai mah Church Board khat ah na kikum uh aa, a tangthu pen hong vuicing zaw hi. "Tua pawlpi sungah pawlpi mi muanhuai, zahtakhuai, a tei mahmah leh Pasian kiangah a ki-ap mahmah khat in a thunget simin gamdai takin Pasian tawh kizom nuam ahih manin ama inn ah thu a nget sangin biakinn sungah sun leh zan a ut hunhun in pai-in thu ngennuam hi. Tua ahih manin pawlpi upa leh Churchboard kiangah biakinn tawhtang khat bawlkhuan ngen hi. Pawlpi makaite in tawhtang a piak noploh uh ciangin tua pawlpi sungah kitelkhialhna lianpi khat om hi.
1. "Pawlpi makai te in tawhtang a piak noplohna uh pen anuai aa teng hang ahi hi.
1. Biakinn sung aa vante mangthei hi. Tawhtang adeih pepeuh ading bawl le uh kua in cikin biakinn hong a, khak a, biakinn vante cikin mang aa cihte kitello in buaina tampi om thei ahih manin tua Church Board in biakinn tawhtang thum kaan bawl loding cih khuatual pawlpi thukhun (Local Church Policy) khat na nei hi.
2. Tua tawhtang thumte pen panmun let tawh kizui in Church Pastor, Elder leh adang panmun len makai khat bekin kepding cih a hi hi.
"Tua ahih manin biakinn tawhtang angen pawlpi mipa pen muanhuai mahmah ahih hangin pawlpi makaite in tawhtang bawlsak nuam theilo uh hi. Mailam hun leh thu tampi akhual manun Church Board ii khensatna azui ahi uh hi. Tawhtang a ngenpa in biakinn pen Pasian biakinn hi a, lungkim takin ut hunhun aa thunget nading mun ahi hi. Tawhtang ka neih loh manin ka ut hunhun in biakinn sungah lut theilo in thungen theilo hing. Church elder tawh ka inn uh a kinai mahmah hangin nitak, zankim, zingtung, cihkhawng aa ka pai nop ciangin elder pa inn ah tawhtang ngetden keei pen khatvei nihvei bek hilo ahih manin nuam hetlo banah zankim, zankhang leh khuavakma khawng aa a ihmu laaipi ka va phot zelzel ding pen kei ading in kisuanhuai mahmah in hamsa mahmah hi. Tua ahih manin tawhtang khat kei ading a hong bawlsak nadingun a ngen ka hi hi" ci hi. Church elder in adawnkikna ah "hong aana peuhmah kei in. Zankim ahi aa, zingtung kathawhma ahi zongin na ut hunhun in kisuang lo-in tawhtang hong la in. Ke'n phamawh sa peuhmah lo hing, ci-in gen hi."
Tua mi muanhuaipa in Elder pa gen umpah lel in, sun in nasem in zanhun a ngah sialin gamdaih thungetna neiding in Elder pa kiangah khakhat sungin sawm (10) vei bang mi lupkhit zan in vangen hi. A thum veina ciang tho in pia hi. A li veina teh phawngzo nawnlo hi. Mi muanhuaipa in a zingsun teh agen leh, "a phawk lo hing, hong phongh kikkik in," ci'n gen hi. Nga veina, guk veina, sagih veina a phot ciangin, Elder pa in a tanu kiangah hih bangin gensak hi: "Kapa'n a tawhtang mupak kei-in, Pastor pa kiangah vangen in ci hi". Hi zawh zankhat beek kiphawng zo nawnlo hi. Pastor pa'n lah, " Pasian in zan bekin hongza hikei, sunin zong ngenthei hiteh; biakinn
tektek zong kultuankei, mun khat pepeuh ah nalungsim takpi hi peuh leh Topa'n hong za lel hi," cin padenpauh panin sermon phot aa, "mangpha" ci'n tawhtang pialo in akong khak hi. Buaina nasiang nailo hi. Hih thuteng ngaihsut masak ding kisam hi.
1. Biakinn pen "thungetna inn kici ding hi ( Matt 21:13 ) acih mah bangin thungenpa kisungkalh aa thunget theihna leh Topa Muanna in apatauh uh van mangding panin huu hi. Bawltawm policy in Pasian min phatna'ng akiamsak leh Pharisee bang i hi hi. " Hih mite in akam uh tawh kei hong zahtakin, alungsim uh keitawh kigamla hi. Amawkna in kei hong bia uh a, Mite thuhilhna te hilh uh hi. (Matt. 15:8,9). Local Church i bawltawm policy pen thungetna thu sangin sangkhai zaw kei ni.
2. Pastor, Elder, Panmun lenpa naseppi pen khaa nasep, tuucing nasep hi napi semlo ahih manin, "Ka tuute susia in na thehthang uh hi" (Jer.23:1-4) Topa'n ci hi. Amul metsak, anawi sukin, asa ne napi in an kham zolo uh hilo hiam?
3. "Kumpipa Saul tungah Pasian in, biakpiakding sangin thumanna a deihzawk thu" tawh kisai in ih manding thu pen thutak maw taklo maw cih theihmasak kul hi. I Sam. 15:22 ah "Pasian thu / aw" (obeying the voice of the Lord) cingiat hi. Mihing thu (Muller, Memory te thu) naci lo hi. Tua banah Sawl.5:29 ah " Mite sangin Pasian thu ih mang zawding hi" (We must obey God rather than men) naci hi lo hiam?
4. Saul kumpipa in Pasian thu manglo hi. Mite, ganhing te that maimang ding kimlai, vangdeih banah gilo leh gal deih kumpi Agag hing mat in gan thau tata van puak hat tata that lo in angsung khualin ciahpih hi. Amau ading a sehsa ( reserved for themselves) hi-in, Topa biaknang cih a paulap uh hangin amau gante ai-awh (substitute) aa zatding ngimna (purpose) ahih manin ( Patriach and Prophets 629 ) Saul kinial kipaai hi. Pasian thu bek man zawkding, Pasian min paulap aaih deihna gen tawm loding, min tawm loding, Church Manual leh Policy zuiding cih paulap in tuate a zuilo mi (Muller - Memory' policy zuiding ngimna, pulakna ) in Saul khialhna nam mah a khial hipah hi.
5. Samaritan tangthu ah siampi pan akha na sep miliam donding pen a tavuan hi napi nusia in biakinn aa local church policy a ultung sakzawk ciang Topa Zeisu in awi lo, diksalo hi. (Luke 10:30-37). Tua van te sangin mihing kha manpha zaw ahih manin Pastor, Elder, panmunlen pa zankim zankhang mahin tua mi muanhuaipa tawh biakinn ah thu ngenkhawm zaw ta hen. Hih pen kei dawnna hi. Topa thupha ngah ta uh hen. Conference/ Mission Hong Kipat Na Tomno Division President Dr.Edward tung ah Jan.6,1987 a sia leh pawlpi mite ngetna tawh kisai in Nov.1988 pawl aa kingah thei ding aa, a kilametna lai (letter ) om pen tungsiah pan thu kiza nawnlo suak hi ci napi Sia
Paupu in Division treasurer I E Grice tungaa a laikhak a kidawnkikna ah sumzon nading kip omnai loh zia hong pulak ahih teh Division treasurer pa pen tungsiah ulian mah ahih man thudik in i sang zaw diam? A om takpi ahih leh tutan vei imcip kul hiam? Tua in kingah leh hih thu a kipulak diam? Ahih kei leh Sia Paupu tithe tawh kingah hi ci-in i gen, pulak kha diam? Topa'n thei lua hi.
Mizo Section in 1992 in Conference a ngah in Self-support zo nail o hi. "Trial method" cih bang omsak tuan lo uh a, Conference in hihsak pah hi. Lai kong hawmsa hi.
2003 AD, May 27 in Sia Mungno in SAD president V. Bacala tungah Conference ngetna lai a at in hihthu phawk kha lo hiam? 1987 pan 1992 dong Appropriation hong kipiak loh lam gen zaw hilo hiam? A piang theilo khat piang thei veve cin Guzarat Conference a piankhiat zia gen hilo hiam? Cikmah hun in koimah peuh ah Conference trial- Conference kisinna ci-in Appropriation pia lo in Administration ki-ukna lah Mission hisak veve cih pen hih kawlgam Union Mission longal ah omlo hi. Hong kinetcipna, hong kigawina, hong kikhemna hi. Conference trial policy om ngei lo hi.
Sia Mungno in 1990 khitteh hih Conference pen Union ah kingenkik hi napi "Union in hong dawn vetloh banah kuamah in vakanbeh lozel hi," acih pen leh Sia Paupu in Oct 1,2003 aa Pa Khup a email na ah "1981 kum aa kipan kana buaipih uh hi aa, step diktak mah tawh kisem hi napi, i Union ulian makai ten a na nolh sim uh teh ( underline mine )tudong a ngahlo hihang" agen te ngaihsun khawm leng, tua lai aa Union secretary pen Pr. Kip Za Nang ahih teh ana donloh leh ana nolhsim pa cihna ahi hi. Union pan aa Conference Forward nading form ah Union Secretary bek minthuh kulmah hi ta ven!! (Union president form ah kihelsak lo hi) Tua nung zui mah in Pr. Kenneth, Sia Suak Khaw Ngin, Pr. Kai Khan Khual etc. te Conference langpang te hong hi toto uh hi. 1992 kum in worker kihel lo, Lay 16 in minthuh in UMM ah Conference ngetna'ng na tawsawn leuleu uh hi. Ahi zongin Conference ading Criteria bangmah gen selo aa ngetna hi. Union ah Pr. Kip in Secretary asep laitak hi.
"1990/1992 Kum MYUM Kiteelna Vai" Theihhuai thu Hih kitelna ah President ding kitel khin, Vote khit teh, kitelna agen ding pen kitel khit teh alaih suk alaih toh pen ngeina hi lo hi. Pawlpi tawkgawp suak hi. Pr. Ba Khin in zong Church Manual leh policy zui lo pi aa sem hi cih ong lak hi.( BaKhin- Pau Khan policy hi) Sia Siangh in president ngah hunta ahih manin a ngahtheih nading in akimu thei lo thu khat in amau tung bangci tawsawn aitam cih ngaihsuthuai hi. Tua banah Sia Siangh pen President ding adeihloh manin 1992 Union Session teh U Kan Ngunt, Upper Myanmar Mission Delegate, Mandalay aa teng kimlai amah tawh a kisai thei vetlo Yangon Attached District ah membership omlo pipi delegate-nominating member dingin atel mawk pen uh bangzah ta in Church Manual leh Policy palsat uh hi lo hiam? Hih pen Ba Hla Thein policy hi.
Sia Siangh pen Personal Ministry ah Sia Paukhan ngetna tawh " vote nangawn khesak nawn lo" acih zong adik ahih leh, Ba Hla Thein - Pau Za Khan policy hi aa, Church Manual leh SSD Working Policy palsatna mah hi. Sia Siangh ading in President, Personal Ministry khawng Topa deserve ahih nak leh lampi honsak lelding hi ven! Hihzah ta aa Policy palsat ngam napi in Sia Siangh in Union ulian te diklohzia te mu aa tutphah awn loding acih teh a thukim ngam loh pen thu lamdang veve sakhuai hi.
Sia Siangh te innkuan USA tun vai ah mimal credit lakding kilawm lohi. Sia Paukhan hanciamna hang hi i cih leh Sia Mungno zong USA atunna pen Sia Thangpu ten Mandalay Church Pastor akoih man hi cih tawh hong kibang hi. Sia Thangpu credit a pia uh hiam? Joseph in Egypt ah Pharoah tapa angahna pen a sanggamte bawl hi; nong zuak man uh hi; ahih kei leh, Arab sum bawlpa hang hi zong na ci vetlo hi. " Pasian mah" na cizaw. " It was not you who sent me here but
God" ( Gen.45:8 NKJV) " Without me you can do nothing." (John 15:5) "Kei" ahih keh "ka tapa" credit sangin pawlpi representative ih hih teh pawlpi credit pia leng ee, dikzaw lo maw?
MYUM in Sia Kyaw Ba Lay hunin zong Spicer graduatete Myaungmya ah kum khat a kahkik lohin pawlpi na sem in cial thei loding ci-in ei Zomi Spicer graduatete nasep noploh/ theihloh nangin Union/Kyaw Ba Lay policy hong bawl hi.
Ih Conference kipat tung pawlin Sia Mungno in Union makaite pen GC te ciintuai tawh teh ahih manin a thugente diklai hi. Ahi zongin 2005 teh Muller-Memory ciintuai tawh Conference vai hong teh mawk the amuhdan hong diklo in lai theihna saang buang dingin akampaute zong mitampi'n lamdang sa uh hi. Church Manual zuihding sangin Muller-Memory Policy zuihding in pawlpi pawlkhat tungah "thumanna deihhuai zaw" ci-in lai hong hawm hi. A dik dia guai? GC ciintuai ( right angle) tawh Union thu kinial nuamlo hi. Muller-Memory zat ciimtuai tawh Union makaihna a nial hi bek hang.
Hihbang aa hong kikhelna pen ahang kingaihsunsun hi. Sia Memory in "Conference tha apiak leh ama ading lauhuai hi; za kiathei ding hi" a cih lau aitam? ahih kei leh, Tantaung ah Zomite suaklu tangkhat pia leng, ahih kei leh, aza khan leng daipah lel un teh acih pen lelkha ai tam? Ahih kei aa leh USA pan Kawlgam dong ticket kileisak mai ai tam? Ahih kei leh, kumpi ulian cihlah hilo napi Union ten dawn ngei ngai in, Conference te'n a dawn loh pen nasa kha ai tam? A hih kei leh, ulian ahih nak leh adik leh a diklo, Policy, Manual cihte zuihsawm selo in Pasian zahin athu uh mang hamtang ding deihzaw ai tam? Kawlpi LAB te'n Pastor Biakchawna pen Thein 20 bei in sam uh aa, dinmun man lo honkhat mah tawh Union Mission thu mangding thungen a kitu hi hong cih teh amah pen LAB te limno ( image of LAB) kici hi.
Tua mah bangin Sia Mungno pen MYUM Mission tading shihne (lawyer) sem in lai hong hawmkhia ahih manin amah pen "the image of Memory", "the Balam of Myanmar Unoin Mission", " the Iscariot of Zomi SDAs" " the Jezebel" ci'n pawlkhat in pahtawina min vawh liang uh hi.
Pilate in Zeisu thah (disfellowship) ding ciang phallo napin, Caesar kumpipa leh Jew mipi ngetna zui in a za (governer/ president) kiat loh nading in Zeisu a sat khit teh thah (disfellowship/disband ) dingin a ap teitei mah bangin Pr Muller in zong hong sem khia sak ahih manin Zomi SDA te Pilate (the Pilate of Zomi SDAs) hong suak hi. Ih vekpi ading khantawn ciaptehding thukhat hong gen ning. Leitung i kisap penpen in mihau, mipil ahih sangin thuman thutak ah hoi lo, vuang lo aa dingtang mi, van leh lei a kia zong in a dingtang mi, mawhna pen a mawhna min tawh agen ngam mi hi. Education 57 ah hong gen hi. "The greatest want of the world is the want of man--men who will not be bought or sold; men who in their utmost souls are true and honest; men who do not fear to call sin by its right name, men whose conscience is as true for duty or the needle to the pole; men who will stand for the right though the heavens fall."
"Union leh Mission Makai te Langdo hi lo in ih Pawlpi Langdo Suak" -- Maw? Pawlpi langdo ih cih teh pawlpi upna pan pialna leh pawlpi thu guikhun nialna hibek aa bawltawm policy tawh a kitel mite pen self-appointed Union/Mission committee ahih manin amaute langdona bek hi. Amaute pawlpi hilo hi. Pawlpi policy leh thuguikhun kipletna hi zaw hi.
Sia Mungno in Conference hong kisatsuah dan theilo in among aa thupiang tawh ama muhdan aa i muhding in hong zawn aa, zol hong sawm mawk hi.
2001, 2003, 2006 Union/ Mission session ah GC ciintuai (Church Manual leh Policy) zang lo uh hi. 2001 leh 2003 in delegate teng pampaih in EC committee in zuau tawh teel in gamtang uh hi. Church Manual 2000 ed, p26 ah "Every Member of the Church has a voice in choosing officers of the church....by this arrangement every conference, every institution, every church, and every individual, either directly or indirectly or through representatives, has a voice in the election of the man who bear the chief responsibilities in the General Conference." Testimonies Vol.8, pp.236.
Member ten anuai pan tual pawlpi aiawh te tawh atelding uh pen Union makai ten TinTun-Muller policy tawh a tung pan EC tawh hong teel uh hi. "SSD Constitution, by Laws and Working Policy," (SSD pp. 134, 159) aa kiteldan palsat uh hi. Excutive Committee pan self-appointed Committee himawk aa, Church Manual 2000 ed. p.26 aa ai-awh ki-ukna " Representative Church Government" hilo ahih manin "a higher body of united organized Adventist Churches." Adventist pawlpi te asangzaw kipawlna hi theilo hi. Tua hi aa, amau te alampial te leh pawlpi langpangte ahi uha a support khempeuh zong pawlpi lang panpih hipah hi. Hih pen Division leh GC in tawksuk, bansuk lo hi. 2006 Union/Mission Session leuleu teh kiteldan dikin delegate diklo zel hi. Self-appointed Committee Member te delegate ahih banah pawlpi pawlkhat samlo hi. Chantagyi Church delegate in U Thang Khan Dal, Pyidawtha B pan U Cin Khan Khup ci-in pawlpi Church Manual zui in atel uh pen Pr. Kai Khan Khual in sanglo mawkmawk in Chantagyi pan U Thang Lian Nang, Pyidawtha pan U Gin Khan El samziau mawk hi. Hih pen Kai Khan Khual policy mah hong hizel hi. Makai ten a khuam delegate (pillar) telna ah GC ciintuai zanglo in Self-appointed Committee Manual leh Kai Khan Khual' manual zang uh ahih manin cikmah hunin Leitung bei dongin dikthei ngeilo ding hi. March 23, 2004 in Pr. Muller in kitelna namnih lakpan namkhat kong zat pen nobek adeihlo hi uh teh ci-in hongkhem aa, Oct. 31, 2005 in amah mah in khial ahih lam President kitelma in hong pulak hi. A kua in MYUM makaite nasep dik hi ci teitei ngam ding na vua? Zudah Siakazoh kisik dan phawk ingh.
1-6- 2004 ni in Pr. Memory in MYUM action 2004-090 tawh Upper Myanmar ah mi 20 disfellowship na lai hong hawm hi. Hih zong Church Manual aa Local Church thu neihna bek i hihtheih pen palsat in hong sem uh hi. Elder's Handbook 1994 ed., p 104 ah Local Church lo ngal Union/Division cih thadah GC Committee nangawn in pia theilo hi naci hi.
" No person or group outside the congregation, not even the General Conference Committe, has Authority to add or drop a name from the Church roll. That responsibilitiy rests solely with the local church body." Pr. Suak Khaw Ngin in Lezang ah mi 105 lak pan mi 25 khawng tawh Churchboard tu in adangteng paai cin hong mawksep hi. Amah pen Spiritual Terrorist, Spiritual Massacre sempa hi. "The little Ahab of Zomi SDAs", "The Small Herod of Tedim Adventists" hong suak hi.
Pr. Minlwin in June 8, 2004 in pawlpi 15 disband ding tangko hi. Disbang nailo pipi minte piangh ding khawng Church Manual dan lopi in zasak kawikawi mawkmawk hi. Constituency meeting bekah kihih thei hangin, zawhthawh thu leh huatna tawh ahih pen uh diklo lailai hi. Minister's
Handbook 110 ah upna pialna longal ki disband lo hi ci in hong lak hi. " Churches moving toward apostasy usually have same theological disagreement with the world church" Hih pen disband nading criterior hi. 2006 teh Policy mah palsat zel hi.
Tua hi-in, Sia Mungno in hihzah ta aa Manual leh Policy zui lo aa hong bawlsia te, tanglai Sanhedrin te bangin pawlpi a bawlsiat dan uh, I zuihloh pen " Pawlpi langdo" ci-in hong ngawh hi. " Pawlpi langdo" pen MYUM/ Mission makaite, Mission siate hizaw cih theihhuai hi. A telsiam dingin Topa'n thupha hong pia ta hen! Amen. "Leitung bup SDA pawlpi in Conference maan in sang ngeilo ding" acih ngam zong kamsang dan maw:
1. "Ahithei lo khat kihisak thei"- Guzarat Conference- acih ee leh (Matt 19:26)
2. Jacob in policy zui lo pipi (ta upa lo pipi) ta upa za ngah (Gen 25:34)
3. Pasian in lampi tampi nei hi. Amah it ta dingin na khempeuh ah ahoih sem hi. ( Rom 8:28) Tua President te a tawntung sem ding maw? Thu kikhel ngeilo ding maw?
