PAWLPI THU | Doctrine of the Church

Pr. Kham Khen Pau

Thupatna:

Buaina a om ciangin a bei na ding ki hanciam tek hi. Hanciam zia ki banglo hi. Tonzaang Bawda ah khuaveengte khatin meh kang hi. Meisa ahih manin sathau khu hi. Anteh a khah leh akhu ong kuang in, buaina khat ong suak hi. A sukmit na dingin singkhuah - am dok in satmit ding kithawi, a geei - a pa in daanbeel sin tawn siin in sathau kuang mit. Beel sialo, meh hoih tak kihuan zom thei : A muhzia tuak zui - in buaina bei nading ahanciam uh ahi hi.

Pawlpi Bangci Muh

:

Hih in Pawlsung buainate ih let zia ong ki lam dang sak ding hi.

AD 600 ma (Catholicte) Pomzia :

Pawlpi bul pen a, Laisiangtho nangawn piang sak hi. Khrish in eite Pawlpi ong suak saklo-a, Pawlpi-in eite Khrish kiang ong puak zaw hi. Leitungbup (catholic) hi - a, khuatual pawl pen Pawlpi hi nailo hi. Catholic phelno khat hi pan hi ci uh.

Pawlpi sungah leitung vai leh gitlohna a tam sem sem ciangin Pawl tuam tuam ong piang hi. A nan na dingun "Episcopal" kipawlna thupi sak. Cypriante (bishop of Carthage) in Episcopal Thuguilet (doctrine) bawl hi. Tua doctrine in bishop pen biakna leh siampi sem ding pa hi, ci. Pawlpi kithu tuahna dingin Episcopate phuan. Bishop teng ki thutuak peuh leh Pawlpi ki pumkhat hi ci. Bishop cih peuh mi khempeuh zuih ding thukham suak pah. Bishop thu amanglote pawl pi mi hilo, gunpna tan ding; ahangin Pawlpi pua - ah gupha omlo hi, cih um.

Hun Laizang (Middle Age: 600 - 1500) ate Muhzia :

A tunga bang mah in pom uh. Pawlpi ukna kigak tektek, hierarchy khauh semsem. Pawlpi leh kumpi nam nih om-a, Pawlpi in khalam leh gupna vai sem ahih manin kumpi sang lian zaw ci. Pasian nasem siate (clerics) leh nautaang (laics) te ci - in Pawlsung mi nam nih suah. Tua in Pope thuneihna lian sak. RC pen leitunga om Pasiam gam hi, tua manin

( 1 ) Na khempeuh Pawlpi' thuneihna nuai - ah nga ding (inn, sanginn, pil le siamsinna, sum bawlna aki pan)

( 2 ) Gupna pen Pawlpi' ordinancete leh sacramente tung tawn - in ong luang hi. (gupna sacrament siampi)

( 3 ) Pawlpi pen leitung vai semsem, mawhneite gup na ding sang politic ah hat zaw.; Pope pen leitung ukte sang tungnung zaw ci uh.

Pawlpi Puahphate Muhzia : (1500 - 1600)

Martin Luther in a tunga pomziate nial, lang pan (protest). Thu um mi khempeuh Siampi hi (Priesthood of all believers) thuman nakpi in hilh (Exo 19 : 5, 6; 1 Pet 2 : 1 - 9). Pawlpi - in mai nih nei - a, muhtheih lam leh muh mawh kha lam (visible and invisible). Muh mawh pen muhthei in ong ki lang hi. Bishop leh cardinalte makaina tawh hilo, Pasian thumante adik banga zat leh zeekna tung tawn pan hizaw. Muhtheih ah tang leh tahum ki hel hi ci.

Kum Za Lom 18 Khit Pomzia:

Schleierermacher: Zalom 17 laite nial, upna thupi sak. "Pawlpi" pen KST kipawl sak Khrisian "khawng" hi. Muh theih / mawh sangin Khristiante kipawl ciangin Pawlpi hi. Mihon lakah KST a hat leh, ki pumkhat sem sem, ang sung khualna tawm tektek.

Louis Berkhof, "The Church", Systematic Theology, new ed., (Grand Rapid, Michigan: Wlm B. Eerdmans, 1996), 553 - 576.

Howard F. Vos, An Introduction to Church History, (Chicago : Moody Press, 1984) 50.

Earle E. Cairns, Christianity Through The Centuries, 3rd ed., (Grand Rapid, Michigan : Zondervan Publishing, 1996), 52.

Alan Schreck, The Compact History of the Catholic Church (Michigan: Servant Books, 1987), 9.

Pawlpi Thu LST Genzia :

Kammal :    Mikaang kam in Pawlpi pen "Church" hi. German kam "Kirche" pan hi - a, Greek kam - in Topa - aciha "Kuriokon, "Kyriache" pan ahi hi. LST in "Ekklesia" cih zangh - a akhiatna pen gam vai kikum dinga "sapkhiat kikhawm mihon" cih na hi. Septuagent (LXX) in thuciamna bawl dinga Sinai mualbul a "kikhawm" Israel mihonte" cihna - in zong zang hi. (Thuhilh 9 : 10; 10 : 4). LXX in Hebrew kam "qahal" , qahillah (Josh 8 : 35) pan a lak hi a, "kikhom mihon, galkaphon cihna ahi hi.

Concise Dictionary of the Word in Hebrew Bible, 102I H Marshall, ed., New Bible Dictionary, 3rd ed., (Leicester, England : Inter - Versity, 1980), 200.

A Handbook of SDA Theology, (Hegarstown, MD: R & H, 2000), 541.

Khiatna :

"Ekklesia" pen a lom kawkha, leh biakinn kawk na dingin NT atte in zang ngeilo uh hi. Biakinn cihna zong hi lo hi. Khuatual khata om pawlpi (local congregation cihna hi. (Sawl 9 : 31; Gal 1 : 22; Sawl 8 : 1). Sawltakbu, James, 3 Johan, Paul Laikhaute leh Mang bu sungte ah Pawlpi acih ciangin khua khata om "khuatual Pawlpi" cihna ahi hi. (New Bible Dictionary, 200).

NT in Pawlpi a cihte :

1. PS bia dingin munkhata kikhawm mihon (1 Cor 11 : 18; 14 : 19, 28).

2. Gam khen khata om thu - umte (1 Cor 16 : 1; Gal 1 : 2 1 Thes 2 : 14).

3. Mikhat inn bel - a kikhawm thu - umte (1 Cor 16 : 19; Kol 4 : 15; Phil 2).

4. Gam Khawk Khat Huam - a om "Pawlpite" (Sawl 9 : 31).

5. Leitungbup a om "thu - um khempeuh" (Matt 16 : 18; 1Kor 10 : 32; 12 : 28 Phil 2 : 9 - 11).

6. PS tunga citak lei le van - a om piansak khempeuh (Eph 1 : 20 - 22).

SDA Believe 27 : A Biblical Exposition of Fundamental Doctrines, (Washington, DC : R & H, 1988), 136.

Adventistte Muhzia (1980 khit)

"Pawlpi" cih pen kikhopna innpi hilo - a, akikhawm mite hi zaw hi. Pawlpi tangthu kantelte - in kum zalom masa lai in thu-um mi awn nga bang om dingin um uh hi. Kha lam dinmun a sang bel hun ahi hi. Tua sungin biakinn aneih uh ki ciamteh lo hi. Biakinn thupi pente Khuamial Hun (Dark Ages) sungin ki lam hi. Pawlpi pen biakinn thupina tawh ki tukteh lo - a, thu - umte' khalam din mun tawh ki en zaw hi.

Pawlpi in mihing pam paih liangin doctrine bek bulpnuh lo ding hi. Pawlpi pen doctrine kemcing dinga ki phut hilo - a, thu - um mite ading hi zaw hi.

Doctrine pen thuman ahih man bekin hut ding hilo - a, mite in thuman zui - a kalsuan theih na ding deihna tawh kep ding ahi hi. Doctrine, leh thuman in mite ahuh ciang bek in Pasian in thupisa hi.;

Makaite leh aki makaihte kizopna ah zong To leh Sila (sal) bang lo ding hi. Pawlpi upa akipan makaite - in "mak - tangzang" (servant - leader) bang ding uh hi.

Khrisian hih na dingin Pawlpi in kipawlna (organization), biakinn, doctrine, cihte bulphuh kha hiam cih a hun hun in amah le amah ki entel ding hi. Khristian Pawlpi in Khrish leh mihing thupi seh pen hi. Ministerial Asso., SDA Elder's Hand book, (Silver Spring, Maryland: R & H, 1994), mai 15.

A ki keelki thu nih a sang bel mun a tunna singlamteh ah ong dawk hi. Khat pen, Pawlpi om theih na dingin Ama nuntakna dong apia Mipa (Jesu) nangawn meelma zah in Pawlpi bek thupi sa - in a kikhual luatna. A dang khat pen tawntung nunna a piak nop luat manin sih lawh liangin, Jesu in mite a itna ahi hi. (SDA Believe 136)

Adventist in Pawlpi a cih ciangin thu-um mite thupi sak hi.

Gentehpih Nate:

1. Ki pumkhatna leh Sepna ah Pumpi bang (1 Kor 12 : 13; Eph 2 : 16; 5 : 23)

2. Sianthona thu - ah KST tenna PS biakinn (1 Kor 3 : 9 - 16; 1 Pet 2 : 4 - 6)

3. Ki Piakna len Kamciam vai - ah "Monu" (Hos 2 : 19; Jer 3 : 19; 2Kor 11 : 2)

4. PS tawh kizopna ah van Jerusalem (Gal 4 : 26; Heb 12 : 22, 23)

5. Kizopna - an Pa leh ta bang (1 Kor 4 : 15; Gal 3 : 26, 27). Mite ki it, ki thupi sim-in a ki saanna mun ni. Talente khan sak ban - ah a sanggamte kem ding kha lam makaihna mun ahi hi.

6. Thuman kepcing na "mualsung phuh" bang (1 Tim 3 : 15; Pau 11 : 19; Mt 13 : 24, 30)

7. Kidona Lianpi sunga PS gaalkap (Eph 6 : 12, 13)

Pawlpi Nam Nih:

Pawlpi pen mai nih pan ki en thei hi. Muh theih lam leh Muhmawh lam ahi hi.

1. Muhtheih Pawlpi: cih ciangin lung damna thu puak dinga kipawlna sunga, muhtheih a, ki hel teng ahi hi. Tua sungah tang leh ta hum kihel khawm hi.

2. Muhmawh Pawlpi; cih ciangin a khangkhanga leitung bupa om PS mite banah, khrish piak khuavaak khempeuh zui - in anungta mite zong ahi hi. (John 1 : 9; 3 : 3; 4 : 22 - 24; 6 : 47 ; Sawl 2 : 37, 38; 3 : 12 - 23; 4 : 7 - 10; Matt 18 : 3; Luk 14 : 27; SDA 27 Believe, 142; SDA Theology 545).

EGWhite:

"Thukhenna-ah Khrish pom mitein PS thuman (theology) bang mah a theih loh uh hangin, PS thukhunte - ah nuam asa mite ahi uh hi. KST huzap ngahin a kim le pam uh a dingin thupha na hi den uh hi. Milim biate lak nangawnah nuntakna thuman a tunma pek in zong migi-in luang khama, missionaryte ana pawl bawl mi om hi. Thuman a theih loh uh hangin kisiatna a thuaklo ding mitam pi om hi. Amaute in theilopi - in PS na bia uh hi. A kigelh thukhamte a theih loh uh hangin, nate tung tawna PS hopihna aw za uha thukhun zui - in nungta uh hi. Tua in a lung sunguha KST nasep a ki lahkhiatna hi - a, PS tate in pom ahi uh hi ". . . . ." Gupna luah dingte a kem dingin van Sawltakte kuan khia uh hi. Kua in gualzo in mi siangtho cihna ngah ding ki langh nailo ahih manin kuate hiam cih eite - in ih thei kei hi." (DA 638 : 2; 639 : 1)

Pawlpi pen Gupna hilo :

"Pawlpi pen Pasian gam hilo hi.; Hih nihte ki banglo hi. PS gam pen PS ukna hi. Pawlpi pen Khrish in Jesu hi cih lungdamthu leitung bupah teci dingin PS ukna nuai - a mihing ki pawlna ahi hi. PS gam pen Khrish tung tawna PS sepkhiat gupna ahi hi." George W. Reid, ed., A Handbook of SDA Theology, (Hegerstown, MD : R & H Publishing, 2000), mai 543.

"Khrish" nunzia leh mawh banglo nunziate pen PS gam lut nadinga neih masak pelmawh ding thute hilo hi. Gupna apia dikna pen midik khat bek ahi Jesu kiang pan bek hi - a, KST in ei tunga ong puak sawn ahi hi."

(SDA 27 Believe, 131 : 1)

asuan Nasep (Mision of the Church)

Adventism pen 1844 in kipan hi. Washington kim - ah Sabbath zang honkhat ong kipan. 1845 in Joseph Bate in sabbath sang. 1848 in Sabbath Conference kipan. 1849 in Present Truth kici (Tulai Thuman) hawm khia. 1852 in Laikhetna lei. 1853, 4 in Pawlpi sang ki pan. 1855 in R & H Battle Creek ah khin. 1859 in Sawm - a - khat piak zat ki pan. 1860 in SDA min zangh. 1861 in Conference masa bel Michigan Conference kipan. 1863 in GC ki phuan pan hi. 1874 in BC College, PPPA, St Helenna Sanitarium, PUC, Union College 1891, Walla, Walla, 1892, Southern Training 1893, 1894 Australian Union Conf. , 1896 Oakwood College, 1901 in Union Conference koih kawikawi ding,. Nasep kipatna pen Sang lam, Laikhetna, len Zato lam hi pi pen hi.

Edu. Dept of GC, The Story of Our Church (California : PPPA , 1960), 537 - 538.

Organization omma pekin nasep na om khin hi.

Thukhupna:

PS a um mite pen Pawlpi ki ci. Leitung ah gupna thu a puak ding in PS in masuan ap hi (Matt 28 : 19-20; Sawl 1 : 8; Mang 14 : 6-12).

Leitung pan sap khiat hi - uha, leitungah gupna thu puak ding sawl kik ahi uh hi.

Tua nasepnn-a ding in kipawlnn leh makaihna (Organization and Administration) ong om hi. Pawlpi Masuan (Mission of the Church) thu a zom ah ih ki lum ding hi.