A kaikhawm: Sia Naa Mung
A. Tampaza tui leh Cidamna:
Pumpi sunglam leh pualam a om bacteria lungnote pen tampaza sung a om antibacterial datte in hong hep siangsak hi. A kilawh thei virus lungno pan zong tampaza sung a om antivirus dat in hong dal sak zo hi. Tua hi a tampaza pen zatui hoih khat hi gige hi.Tampaza tui dawnna hangin cidamna ding hamphatna a nuai a bangin kingah hi.
1. Kam limsak hi.
2. Sin leh kal a dingin hoih hi.
3. Sam hoih sak tuam hi.
4. Guh a dingin guh leh taang natna zong nuamtuam sak hi.
5. Awm bing te a dingin hoih hi.
6. Tawldam tuam sak hi.
7. Buk khuh natna hong dalsak thei hi.
8. Khuasik cisa natna hong dal sak thei hi.
9. Huih diikna pan a kilawh thei natna te zong dal thei hi.
10. Natna dalna ( immune system) hoih sak hi.
11. An gawina huh in sung siangtho sak hi.
12. Maliam te a manlangin damsak tuam hi.
13. Si khang kiamsak hi.
14. Pumpi gihna (body weight) kiamsak hi.
B. A ihmu theilo te’ theih ding:
A ihmu theilo mite pen magnesium dat kicing lo, a tawm luat hang hi. A ihmu theilo te pen hun sawtpi thu tam ngaihsut luat manin zunkhum natna piangsak leh khuak thahatna kiamsak thei hi. Tua a hihmanin ihmut nuamtaka, ihmut theihna dingin a nuai a dat nam thum tawh a dim an te ne ding hi.
I. 1. Bawngnawi 2. Bawngnawi thuuk 3. Ngasa 4. Ngapi thau cihte khempeuh vitamin D tawh kidim ahih manin tuate ne le teh nuamtak in ihmu thei ding hi teh.
II. 1. Nahtang 2. Aalu 3. Be nam tuamtuam te in tua te sungah pottasium datte kicing a hihmanin hoihtakin ihmu thei-in na ihmut hong nuam mahmah ding hi.
III. A eng nam a hi, 1. Singgah 2. Mehteh mehgah 3. Maai mu 4. Naan tui te ne in. Tua te sungah magnesium dat kicing a hih manin nuamtak in na ihmu thei ding hi.
C. B ydk; natna dam theihna zatui:
Kaal khat sungin B ydk; lungnote a beisiang theih nading: 1. pyvif: Tua pen tui tawh sawp siang sitset ding hi. Sawp zawh ciangin huan ding a, tua huanna tui pen niangtui haite tawh nikhat in 3 vei dawn ding hi. Kaal khat hong sawt ciangin B ydk; lungnote damsiang ding hi.
D. Cancer a piangsak thei cell a susia zote:
Cancer pianna a bulpi-in a sianglo ante nekna hang hi. Hih natna a damna dingin maantakin tui dawn ding hi. Tua hi leh cancer natna cell te thahna ah huh hi. Cancer natna a pian loh nading in anuai a gah leh teh te ne ding hi.
E. Gualkhadi leh cidamna:
Gualkhadi pen cidamna ding tampi tak ahuh meh nam khat a hihi. Man tawmin mi khempeuh nek zawh meh nam khat zong ahihi. A hoihna te in :
1. Ihmu theilo te adingin hoih pha diak hi.
2. Lungtang thahatlo te a dingin hoih hi.
3. Guhpaa-te a dingin zong hoih hi.
4. Haa damna dingin zong hoih hi.
5. Nungzang guh a dingin a hoih mahmah zatui nam khat a hi hi.
6. Gilna thei, gil sung damlo te in ne leh gilpeeng cancer a pianlohna dingin zong hoih hi.
F. Apple leh cidamna:
Apple pen wkyfauG; natna hangin tha bei ciangin ne le cin na tha hong dim tuam dinghi. Zatui hoih mahmah namkhat a hihi
. Numeite a dingin lungtang natna pan in dal zo hi. I pumpi tungah a om i sa ngeekte i vunte a dingin a tawntungin huh hi. Gilpeeng natna a pianna ding panin zong dal thei hi. Apple gah pen nikhat pum khat nekna in siahuan/siama te tawh ki gamla hi cih phialzah dongin mihingte nuntakna a kem dathi ci-in kigen hi.
