LUNGSIM, PUMPI KI-UK DING KISINNA
Dim Cingh Uap
Ki-ukna pen nisim i nuntakna ah a kisam khat ahi hi. Ki-ukna’ deihnate kan suk ni.
I. Ki-ukna thubul
Ki ukna’ thubulpi pen in sunglam nuntak kikhelna a hihi. Zeisu tungah ki-apna in ama a dingin nuntak ding i pat ciangin ki-ukna ding ngaihsutna a hong kipan ahi hi.
I nuntakna te Khrih i luahsak ding kisam hi. I nuntakna Kha Siangtho ki-uk sak le’ng Khrih hong nungta ding hi. Ih nuntakna sungah Khrih hong nungta leh Pasian deihna bangin kinungta dinga, tua ciangin eimah ki-uk ding a kipan pan ahi hi.
II. Nuntakna ah uk ding a kisam nate
(1) Thungaih ding ki-ukna
Midangte’ lungkhamna leh sinkhamnate theihpih, ngaihsutpih ding kisam hi. Zeisu lungsim bang neih ding, midangte’ kisapna thute lung himawhpih, theihpihin, thu hong gen uh ciangin hoihtakin ngaih sak ding hihang. Thungetna tawh Pasian thu ah phawkpih ding kisam hi. MMCC san ah chapel simin a kinei prayer a kineih thupi sa mahmah ing. Tua mah bang a i nuntakna ah midangte’ kisapnate phawkpih den ni. 2. Kampau ki-ukna
Limtakin thu ngai masa ding., tua ciangin pau pan ding hi hang. (James 1:19) Kampau kidawm kei leng midangte’ lungsim kinawngkaisak kha thei hi. Kampau kidop loh manin midangte
(3). Lungsim ki-ukna
I lungsim Khrih i ki-uksak ding kisam hi. I lungsim i uk loh ciangin hehna hong piang a, tua panin mawhna zong hong zomsuk thei hi. Lai Siangtho sungah hehna pen mawhna suaksak kei un na ci hi. (Efesa 4:26) Hehna uk zo kei leng siatna tampi hong piangsak thei hi. Huaihamna hangin hehna hong piangsak thei hi. Hehna in siatna tampi piangsak a, muhdahna in eenna, kithahna dong ciang na piangsak hi. (e.g Abel leh Cain)
Hih hehna panin hong piang muhdahna, eenna, kithahnate pen lungsim ki-uk zawhlohna hi a, hite in mawhna ahi hi. Tua lungsim ki-uk zawh lohna panin mawhna hong piang a, tua panin sihna dong ciang piangsuk hi. (e.g Adam leh Eve) . I leitung thu-ah en leng mi khat in zu a duhna pen dawn loh ding hanciam leh a kingah hi. Ahi zongin amah in lungsim ki-uk zawhna neilo ahih manin tua a duh zu dawn a, tua panin kikheel thei nawnlo a, lungsim uk zolo semsemin dawn zom suaksuak leh a nunung pen ah sihna bekmah in tua mipa na hehpih ding hi. Lungsim ki-ukzawhna nei leng i leitung zong zu leh sa, guih theih khamtheih tuamtuam tawh hong kipelh ding a, i leitung hong etlawm mahmah ding hi.
Lungsim ki-uk zawh lohna in ze-etna khat mah hi a, tua ze-etna pen Pasian kiangpan hong pai a hih loh lam i theih ding leh i up ding kisam hi. (James 1:13-15)_ Ei leitung mi pawlkhatte Pasian phunsan kha thei hi hang. Tua bang i om phial le zong kei pan kipan kikhel theih nading leh i mawhmai nading Pasian tungah ki-ap ni.
III. Eimah bangci ki-uk tawm ding
Mawhna khempeuh i nusiat phot a, i mawhnate phawkin i theihna dingin Pasian tungah ki-apin thu i nget ding kisam hi.
