Kham Sian Kim, MMCC Campus
Kei va pai-in note om nadingg mun ka va bawlkholh khit
ciangin Keima om nading munah note na hong om theih nadingun note a hong lakik ding ka hong paikik ding hi (John 14:3).
Kei ka hong paibaih tading ka hi hi. Hih laibu sunga kigelh thu a zui mite mi hampha a hi hi. (Mang.22:7).
Khatvei ka tanu Siansiam in, “Pa Pasian banghun hong kum ding?” ci-in hong dong hi. Hih Kammal in ka neulai a ka pa kiang ka dot kammal mah hi-in, ka lungsim sungah tua dotna pen a thakin hong omkik hi. Ka neu lai ka dotna pen ka pa in, “hong nai mahmah ta hi” ci-in hong dawng hi. Ahih hangin tudong Zeisu hong dawk nailo bek thamlo-in kei’ tanu nangawn in hong dongkik ahi hi. Bang hun… Bang hun.. Bang hun… ahi tam?
Khat vei ka neulai un ka nu in u leh nau vai a hawh nading khat nei ahih manin inn hoih tak in ngak ding, apuah dingin hong deih hi. Tua ahih manin, “kei va vakpak ningin hong tung kik pah ding hing, hih ka vak sungteng in inn na ngak ding, inn na puah ding, mun na phiat ding, tua teng hih in na thuman uh leh kong tun ciangin vaimim hong kansak ding hing, hoihtak in na om un maw!” hong ci-in hong vak san hi Naupanglai ka hih manun, vaimim kang ding cih tawh hong tha lawpsak mahmah a, inn sung, innpua hah siangin, hoihtakin puahin ka om uh hi. Ka nu hong tun ciangin genbang kha leh ci-in, ui, ak, leh zawhngeu peuh khe ninsa bangin hong lut ciangin a nungah munphiah tawh phiat saisai nungdep hi ung.
Ka nu pen hong tung thei mahmah lo, ngak lah mahmahin, inn lah nusia nuamlo, a nit ding lah danin sun niloh ka om uh hi. Ka nu hong tun ciang nuam mahmah in ha ka vengvang sa-in, “Ka la sai, na nungak, na tangval mahmah mawk uh ciai,” ci-in Vaimim hong kansak pah hi. Ko buaina bel, ka nu bang hun hong ciah tam? cih hi-in, ka nu buai na leuleu bel ka om loh sung ka tate hoihtakin inn a ngak thei tam cih ahi hi. Ka nu in a ma kilawm asak hunin hong ciah hi-a, ko vaipuak in inn siangsak ding leh inn ngak ding ahi hi.
Ka nu inn ngak dinga hong letna khau leh Pasian (Zeisu) hong letna khau kibang pianin ka tuat hi. Zeisu in a kammal “Ka hong pai baih ta ding hi,” cih sungah a hong pai nading ahun avau hilh na hiam? Ahih keileh bang deihna bulpi pen deih ahi tam?
A manglai-in “I am Coming soon (Rev. 22:7NIV),” cih ahi hi. Manglai Grammar siamte in thei ding hihang, laipai khat sungah tu laitaka i sepna a pulaak ahi “present continuous” in mailam i sep ding, i bawl dinga i gelsa apelmawhte-ah zong kizang ahi hi. Hih Zeisu kammal “I’m coming soon,” cih kammal in mailam pelhloh a hong sep hamtang ding kamciam kihel hipah a, hong pai hamtang ding pelhlohin cih a khiatna anei ahi hi.
Tua leh ei Tapidaw-te’ lampanin en dih ni, Zeisu hong pai ding bang hun ahi tam? Hong pai nawnlo ding ai tam? Zekai mahmah lai-in teh, hih bang thuteng piang ta hong pai nawnlo ding hi-in teh, hun nunung mahmah ta, ka kikhel hun mahmah ta hi, cih dan pian vive-in Zeisu hong pai ding vai i muh zia atuamtuam tek nei ngeingai hihang. Atatakin hih bang lungsim i
Hih kamciam na, “Kong pai baih ding (I’m coming soon)” in tawphah gina tung kinga ahi hi. Hih kamciamna a sau zawin gen ding hi lehang “Pelhlo hong pai ding ka hih manin kigin sa-in na om den un,” cihna ahi hi. Mangmuhna adang sungte-ah, “Kiging sa-in om un, guta bang ka hong pai ding hi,(Mang 16:15 NIV).” Guta lauthawng inn khat in bang hunin guta hong pai ding cih dongdong ngei lo a, amau mahmah in a tawntungin guta kigalging denin, inn sung, inn pua a muanhuai lohnate puahpha, kipsak, khosak leh muanhuaisak mahmah uh hi.
Tua leh hi takah Zeisu in Ama hong pai ding ahun sangin mimal in Ama tungah kizopzia a thupi ngaihsut lam a mu theitek dingin ka hong tuat hi. Tua ahih manin Peter in “Tua ahih manin na lungsim uh ki-ukin a kiging sa-in om unla, Zeisu Khrih hong kilat ni ciangin na ngah ding uh hehpihna thupha ngaihsut in nei-un.” ci hi. Hun leh nite sangin mimal nuntak zia Lai Siangtho in a thupi pen ngaihsut belin nei hi.
Ka neu lai-in ka nu in inn ngakna vai tawh a lunghimawh pen in inn hoih tak ngak maw, ngak lo cih hi zaw a, a ciah hun bel a man nak theih lua mahmah lel hi. Ama vai aman ciang hong ciah pello ding cih uplahna om lo hi. Tua mah bangin Zeisu in zong bang hun ka pai tam cih, hun tawh buai lo hi, bang hang hiam cih leh Pasian a’ dingin hun tawh na sep sangin Thu tawh na sepna thupi zaw hi. Amah pen hun leh ni tawh a kiciangtan thei hi lo a, a ma a’ dingin Hun cih pen omlo ci leng baih zaw mai thei ding hi. Thu pen a mah hi pah hi. Tua ahih manin Thu pen bang ci kinuntakpih cih pen Ama thupi ngaihsut zawk ahi hi. Zeisu a um ta dingin Ama hong pai hun ding cih tawh buaihuai na om lo-in, ka nunzia Zeisu tawh a kibang kei kha tam cih buaihuai pen ding hi zaw hi. A hun lametin nuntakna sangin
