LEII AHIH KEI LEH PAU (TONGUE) ZATSIAMNA
Sia Kai Za Dal
Mihing leh ganhing, pau thei leh pau theilo, ngaihsutna nei khempeuh in lungkimna leh lungbuaina, lungnopna leh hehna, itna leh muhdahna, ngaihbanna leh huatna, hoihna leh siatna, lungnemna leh lungkhauhna/ngongtatna, gitna leh gitlohna, thutak leh zuau etc... khempeuh kampau luheek leh khuahek ah kilangh-khia sak uh hi.
"A siangtho kampau, kihona leh etteh huai gamtatna, ki-itna, upna leh sian'thonate nei ni. (1 Tim. 4:12) Kamsiam sial leng lei sangh" kici hilo hiam? Ih leii tawh Topa phat ni, Ama' min thangsak ni.
Kizopna ah pau leh ham, zia leh tong (action) kizang hi. Pau theilote zong action tawh kiho thei veve hi. Pasian minthan' nading beka sep ding thu hi. (1 Cor. 10:31)
Kam leh leii, pau leh ham hanga siatna leh thupha ngahna om zia en ni.
1. Migilo in a leii nuai-ah gitlohna seel in khumsa a, gulneute guu huupin mualtan lei (tongue of viper) tawh mi that hi. (Job 20:16)
2. Kimawk phat leii (flattering tongue Ps. 5:9) pen a gawl vangah hankhuk om a, pampaihna leh suksiatna ngah hi.
3. Kihisak leii, a kiphasak pau, zuau tawh gualzawh sawm tungnung tuh leii (proud, boasting lip Ps. 12:3, 4) sih theina guu tawh kidim leii hi a, Pasian in hawlkhia, paii ding hi. (James 3:5, 8)
4. A zuau phuak leii (lying tongue)citak lo kam (Ps. 109:2,3) thu om lopi a, mi a nasak kam (Pro. 6:17)Topa'n kihhuai sa-in a phawkna beisak ding hi.
5. A khem leii (deceitful tongue) (Ps. 120:2) leh
6. A manlo kam leh ham, a diklo teci panna (false witness-ing tongue Ps. 120:3, Exo. 20:16) zang leii Topa'n deih lo-in hamsiat hi.
7. A kihilh theilo leii (untameable tongue James 3:7, 8) a kizualsak theilo leii leh a ki-uk theilo leii (unruly tongue Pro. 10:31) cihte Topa'n gimna dan pia ding hi.
8. A phengphi leii, a thumanglo leii (froward, naughty tongue Pro. 17:4) pen zuauphuak mite' neihpi hi a, hih leii bang pen thukhenna pan suakta lo ding hi.
9. A lampial leii, a khialhna ah a pau teitei leii (perverse tongue) in siatna pi thuak ding hi. (Pro. 17:20)
10. Mi gensia leii, mi mawhsakna kam, min siasak kam (back biting tongue, slandering lip) a neilo te'n a lawmte' tungah siatna bawl lo hi. (Pro. 25:23, Ps. 15:3) na ci a, mi gensiatna pen anlim bangin sungtawng dongah zelsuk (Pro. 26:22, 28) a, kihhuai lua-in sih ding sunsiah (de-serve to die) na ci hi. (Rom 1:30, 32)
11. A awk tettet leii, pau leh ham, gamdang pau (stammer-ing tongue) zangin Topa'n thu hong hilh hi. (Isai. 28:11; 33:19)
12. Leiinip, kamzol, dangdal in guh sutan dinga, (soft tongue Pro. 25:15) hilh zawh mengmeng loh lubing, cihte zo-in hehna heikhia hi. (Pro. 15:1, 2) kam khauhin hehna tok hi.
Ngaihsun selo aa pau ziauziau, pau mengmeng (rash tongue) leii in namsau lot tawh kibangin (Pro. 12:18) liamsak hi
14. A migi leii/kampau (gentle tongue, wholesome) in nuntakna singkung hi a, a thumang lo kam leh ham in lungtang kitamsak hi. (Pro. 15:4; 11:30; Gen. 2:9; Cf. 3:4)
15. Zeisu pen muk leh kamtawng a sang leii, Pasian in sihna pan thokik sak hi cih a pulaak mi-in gupna ngah ding hi.
(Rom 10:9)
A beisa sangin Tuucing siate, pau leh ham, a leii zatziate en in khensat siamna tawh dinmun na neih nangin hong zasak nuam ingh: (1) Mr. H in kuakua Conference a tawp zongin, ka zi ka ta a tawp zongin kei guak Conference, Conference ci-in taklam khut lamto sansan - tun tawp ta, SDA hi nawnlo lai, (2) Mr. T in Conference a nusia peuhmah, a tawkik peuhpeuh zite' niik teng ding hi hang, a thukim teng khut lam ci zawzen napi, amah nungtolh khin, "zi" niik teng tuan lo. (3) Mr. M in Mr. T zo niik khat na letsong un ci vial napi'n amah zong nungkik lel dih. (4) Mr. G in ka mit ah mittui/khitui a om laiteng Conference nusia ngei kei ning ci napi'n nusia khin hi. A mit-ah tui om nawnlo ai tam? (5) Mr. C bel sihpih ngam ing, Pasian' nasep tha ngah ing, mukpalh seksak in thugen bel nuamsa ing ci-in tawp zo hi.
(6) Mr. RT in bel ken' sihpih ngam keng, nuntakpih ngam ing, ci napi'n tawp khin bek a, a nuntakpih ngam kei hi. Hihte dahhuai tham hi. Conference suakta taka, ut bangbang Policy thukham neilo a, sepna hilo hi. Ei leh ei aa, tuucing/siampi guai/ vak banah, tungsiah zawhthawh thu omlo in, ei budget neih dan zui a, ih siampite'n suakta taka maund policy tawh Pasian' nasep "Tuucing" nasep sepna hi. Nasepna hita leh, pau leh ham hita leh kidop siamin ih vekin gamta ni. Hin'pih ngam in zong sihpih ngam pah ni. Hoilo, vuanglo upna leh lametna tawh ih maban zom tek ni. Topa'n thupha hong pia hen.
