Pawlpi sung thu
Siapite, Upate Tonzang Pawlpi van:
17.7.2014 ni-in Siapi Kai Za Dal, Sia Khen Do Pau, Sia Gin Khen Kham, Elder Khup Ngaih Thang, Pa Tual Lian Dal, Sia Langh Khan Suan, Sianu Ciin Hau Cing-te Tonzang-ah pawlpi van leh gospel vapai uh a, 17 nitak pawlpi mite tawh hun manpha mahmah zangin 18 ni zingsangin pawlpi innkim siikin thungetna va neihpih a, Pr. Paulek-te innkuan in 17.7.2014 nitak anlim mahmah tawh vak cih thu kiza ahih manin lungdamna i pulak hi. 18.7.2014 zingsangin Pawlpite’n anlim mahmah tawh zingan vak uh hi.
Laibu thak:
1. Pr. Thang Siangh ii bawl ahi, Myanmar Union Conference of Seventh-day Adventists mi masate thu laibu pen quarter thumna bei lamin kihawmkhia zo ta ding hi. Bu khat 3000 man hi.
2. Sia Lang Khan Suan ii bawl ahi, Lai Siangtho zonzia laibu pen tu-in MUC zumah kingah ta hi. Lai Siangtho lamlak dingin kizang thei a, hoih mahmah hi. Bu khat 1500 man hi.
Lungdamkohna:
2011-2015 kum li sung tawntung Anlangh Adventist Seminary-te’ salary vai tawh kisai-in zumpi pan appropriation hong kipia banah a kisam laiteng Sia Kap Pau vaihawm siamna tawh hong sikh den uh ahih manin lungdamna kong pulak hi. Topa in a piakhia a tate khempeuh Thupha namkim hong piaksak hen.
Dahpihna:
1. Sakollam pawlpi sungpanin 15/7/2014 Tuesday ni-in S/m Cing Than Niang in hong nusia ahih manin Con.thukizakna panin dahpihna i pulak hi.
2. Sialthawzang pawlpi sungpanin 13.8.2014 ni-in Pa Cin Sian Pau in hong nusia hi.
Thungetna ah phawk ni:
1. Pa Nang Cin Khen (avmuwJ) in Motor accident in nak liamsim pian a, zato ah lum lai ahih manin hong dam mengmeng nadingin thungetna-ah phawk ciat ni.
2. 9/7/2014 ni zan nai 11 hunin Myangsone khua ah Seventh-day inn khat bek a om na Sia Thang Hau Mung pen thahlup sawmin a inn kisim a, a mi kuamah mulo ahih manin aneihsa a zanpuan teng halsak mai zen hi. Pasian min hanga thuaknate pawlpi mite in thungetna tawh phawk tek ni.
3. Guahtui maan lohna hangin khua pawlkhat-ah na kisem theilo ahih manin nuntak khuasak nading Topa in hong sikh nadingin thungetna-ah phawk ciat ni.
Thuhoih nono (tipbits)
1. “Pasian nasemte in, migensiatna cihte leh mi lungsim a sukha kam hoihlo pau ding ze-etna a thuak uh ciangin, Daidide le uh manpha zaw hi.” E.G.White, The Review and Herald, Nov 14, 1907
2. “Khasum sang na hih lian loh hangin, Pawlpi mikhat na hih nak leh na nisim nuntakna-ah na tuiphum kimuan bangin Jesu lim le meel kilatsak ding a kisam pelmawh hi a, Siate
