LESSON 11 *DEC. 6 - 12
BUHVUITE AT DINGIN KIGING
_________________________________________________________________
SABBATH NITAK
TU KAAL SUNG SIM DING: James 5: 7 12; Rom. 13: 11; 1Kor. 3: 13; Lk. 7: 39 50; Kol. 4:6
KAMNGAH: “Note zong na lungduai un. Topa hong pai ding hun hong naita ahih manin na lungsim uh na thahatsak un” (James 5: 8).
Tu hun bang mahin Greco-Roman hun lai-in zong, u lian gam makaite' pai-na lampi a muak mipi le a nawngkaisak a om lo dingin lampicing mi kikoih hi. Lampite kihahsiangin a hoih theithei-in kizem hi. Mipi zong a hoih thei pen dingin kithawi ciat uh hi. Greek laimalin parosia cih kammal in gam makai, u lian khat hong pai ding hi, cih kammal hi. Lai Siangtho sungah Khrih hong paikik ding hi, ci-in a pulaak kammalin kizang hi (James 5: 7, 8). Leitung makaite ading tua zahin kiging ahih uh leh, vantung Kumpi Pa hong pai nading kiginkholh huai zaw tham lo hiam? Ahi zongin Ama hong pai hun le ni kithei lo, koi bangin na kiging nai hiam? (Matt. 24:36). “Lungduai,” “ lungkip” cihte in bang pulaak hiam? Koi bangin “ guah masa le guah nunung” tawh kizom hiam? James 5:7. Hun nunung a ding bek hi lo, tu hun a kisam thute i sin ding hi. Kum tampi hun lai a kipan tu hun dong, mailam hunah zong, bawlsiatna a om ciangin, upna thu-ah kiptakin a ding ding kisam hi.
Tu hun bang mahin Greco-Roman hun lai-in zong, u lian gam makaite' pai-na lampi a muak mipi le a nawngkaisak a om lo dingin lampicing mi kikoih hi. Lampite kihahsiangin a hoih theithei-in kizem hi. Mipi zong a hoih thei pen dingin kithawi ciat uh hi. Greek laimalin parosia cih kammal in gam makai, u lian khat hong pai ding hi, cih kammal hi. Lai Siangtho sungah Khrih hong paikik ding hi, ci-in a pulaak kammalin kizang hi (James 5: 7, 8). Leitung makaite ading tua zahin kiging ahih uh leh, vantung Kumpi Pa hong pai nading kiginkholh huai zaw tham lo hiam? Ahi zongin Ama hong pai hun le ni kithei lo, koi bangin na kiging nai hiam? (Matt. 24:36). “Lungduai,” “ lungkip” cihte in bang pulaak hiam? Koi bangin “ guah masa le guah nunung” tawh kizom hiam? James 5:7. Hun nunung a ding bek hi lo, tu hun a kisam thute i sin ding hi. Kum tampi hun lai a kipan tu hun dong, mailam hunah zong, bawlsiatna a om ciangin, upna thu-ah kiptakin a ding ding kisam hi.
SUNDAY * DEC. 7
GUAHTUI NGAK
Lokho mite in lopawi nadingin guahtui ngak uh hi. Ankungte a dingin guahtui tam lua leh hoih lo, tawm lua leh hoih tuan lo, nisa lua leh zong hoih tuan lo hi. Israel gam bangin gamkeunate ah guahtui manman a zuk ding kisam mahmah hi. Ankung khempeuh a hoih nadingin guahtui thupi mahmah hi. Ankung a gah nading, leikeute a nel nadingin guah masa zu hi. Israel gamah guah masa penpen October le November kha sungin a zuk kul hi. Ankung a min nading guah nunung kisam a, March le April kha sungin a zuk kul hi.
James 5: 7 le Thkna. 11: 14; Jer. 5: 24; 14: 22; Joel 2: 23 enkak in. Guahtui tawh kisai bang gen
hiam? Bang hangin James in Topa hong pai kik ding tawh kisai guahtui tawh genteh hi ding hiam? Hosea 6: 1 3; Joel 2: 28, 29).
_________________________________________________________________
_________________________________________________________________
Nisuahna gamte ah guah masa le guah nunung in ankung gah theih nading le an min nading kisam pha mahmah hi. Tua bang mahin kamsangte in Pasian pawlpi in vantung hehpihna thupha a kisapzia hong hilh uh hi. Sawltakte nuntak lai-in Kha Siangtho in tak pi-in nasemin na lianpipi sem uh hi. Hun nunung ciangin zong tua bang mahin Kha Siangtho kibua ding a, Topa a dawn dingin Pawlpi kigingsak ding hi. Kha Siangtho nasep le guah nunung kitangsap zia kigenteh thei hi. Ellen G. White, Our Father Cares, 212.
Jesuh in anlak hun in leitung bei hun ding hi, ci hi (Matt. 13: 39). Mark 4: 26 29 in zong James 5: 7 sunga thute mah hong hilh hi. Guah nunung in ankung gah hoih gahsak thei hi. Tua khit ciangin an kila thei pan hi. An kaihkhop hun ciangin tang le tahum kikhen ding hi ( Matt. 13: 28 30 le Mal. 3: 17, 18 en kak in.
Anlak hun ciang bekin tang le tahum kikhen thei pan hi, cih thu in anlak ma-in i upna nuntakpih zia ding hong hilh hi lo hiam?
MONDAY * DEC. 8
BANGZAHIN HUN BEI DING HONG NAI
James 5:8 ah hong naita cih a kigen zawh kum 2000 bang val khin hi. Koi bangin Ama hong pai ding
kamciam theitel thei ding na hiam?
_______________________________________________________
Jesuh in gentehna tuamtuam zangin vantung gam thu tangko hi (Matt. 4: 17; 10:7; 24: 33). I muh theih nate tungtawnin i muhnai loh thute hong hilh hi. Tua gentehnate in a hong tung ding hun bek hi lo, tu hun i nunzia ding zong hong hilh hi. Sawltakte in Topa hong pai ding hun hong nai mahmah ta hi, ci-in tangko uh a, ahi zong Topa hong pai hun ding kuamah in thei lo hi (Rom. 13: 11; Heb. 10: 25, James 5:9). Topa mahmah in hong gen hi (Sawl. 1:6, 7). Tu ni ciang dong, kum 2000 val khin, Topa hong pai nailo ding cih thei khol uh hi leh, Sawltakte in kongbiang dongah Topa hong nai ta hi, ci-in thu a hilh uh diam?
“Na lungsim uh thahatsak un” cih kammal in bang hong hilh hiam? (James 5: 8). Bang hangin “an a ngah theih nadingin lungduai takin ngak” kul hiam? 1Thess. 3: 13; 2Thess. 3:3; 1Pet. 1:19; 1Kor. 3: 12 cihte zong sim in.
________________________________________________
Topa tungah i lungsim a kip nak leh bang bang ze-et bawlsiat i tuak zongin Ama sungah hong kipsak zo ding hi. Thuman sungah kiptakin a om mi in ze-etna kantan zo ding a, upna man khaksuah lo ding hi (2Pet. 1: 12; Sawl. 14: 22). Upna thu khantohna in khawl hun om lo hi. Olno takin khantohna piang hi lo hi. Gah hoih gah nading hamsa hi. Thu-um mite in sisan tawh kitan khinsa hi uhin (1Pet. 1: 19); Pa Pasian mai-ah manpha mahmah uh hi. Kiptakin cih kammal in a manpha mahmah suangpi, tua suangpi in Jesuh limcing hi. A upna thu ah a kip lo mite a kisia buhtuu, sehnel inntawh kigenteh hi. Khrih hong pai ciangin tuate kangtummaai ding hi (1Kor. 3: 12 15).
I nunzia in koi lam manawh hiam? Masak zawk dingte i masak zaw mah hiam? Nunung dingte i masak hiam? Topathukhen Ni hong tun ciangin na khempeuh kisuahkhia ding a, i sepna bangbang kipholaak ding hi. Kisittel in. Bangci bang nunna nei na hiam?
TUESDAY * DEC. 9
PHUN, TAU-NATE PUNG SEMSEM
Jesuh hong pai kik ding hun bang hun hi ding hiam? Bang hangin leitungah om lai ihi hiam? Pawlpi tangthu en lehang upna panin lampial mi zong om hi. Israel mite thuman lampi pan a pialkhia sak midang hi lo-in, amau sung panin kipan hi. I galte tung panin siatna hong kipan hi lo-in eima sung pan mahin hong kipankhia hi. Upna a susia thei nate mundang pan hi lo-in ei ma lungsim ngaihsutna pan hong kipan hi zaw hi. Up lohna, muanlahna, khuamial gamtatna sungah nopsakna, cihte in Satan khutzat ahi hi. Ellen G. White, Last Day Events, 156.
“Sanggamte aw, Pasian in note tungah thu hong khenkhak loh nadingin khat le khat na kiphunsan kei un. Thukhen ding pa hong nai mahmah ta a, hong tung dektak ta hi” (James 5: 9). Bang in hong phunphunsak hiam? Bang in mite hong mudahsak hiam? Kiphunsan a hoihna om hiam? Koi bangin phunsan nopna lungsim na zo zo thei hiam? Pasian' deihna bangin kiniamkhiatin, lungnemin, mawhmaisak na hiam? Ahih kei leh leitung mite bangin na gamta hiam?James laikhak tungtawnin bang naphawk hiam? “ Mi deidan” (James 2: 1, 9); “ mi gensiatna (James 3: 10); “ hazaatna ( James 3: 14); “ kitot kiselna (James 4: 1); “leitung tawh kipawlna” ( James 4:4)cihte bangci zawhzawh ding na hiam? James in hih siatnate zawh theih nading lampi hong hilh hi. Upna (James 1: 3, 6); “Topa kammal tawh nuntakna (James 1; 21) “ suahtakna hong pia thukham tawh nuntakna” (James 1: 21); “ Lungsim khempeuh tawh Pasian biakna,” vantung pilna (James 3: 13, 14); “ Pasian hehpih itna” (James 4:6); “ lungsim siangthona le nuntak siangthona (James 4:8). Gamtat in Pasian in i sungah na a hong sep kilangsak hi (James 2: 14- 26). A hoih, a sia, i sepna bangbang Pasian in thu hong khen ding hi. Topa in eite Thukhenpi hi.
Hong paikik ding Topa na ngak kawmin mite bangci huh ding na hiam? Bang hangin thupha
bawl ding kisam hiam?
WEDNESDAY* DEC. 10
James 5: 10, 11 sim in. Job le kamsangte in bang thu hong hilh ciat uh hiam? Bang hangin
James in amau hong hilh thute pulaak kik hiam? Tua thute tungtawnin ze-et bawlsiat, hamsatna na tuak ciangin, upna kip na nei thei diam?
Topa kamsangte in thuman thutak ahi bangbangin tangko uh hi. Daniel thumanna amah a ne ding humpi kam cipsak hi. Daniel le a lawmte a kangtumsak ding mei in bangmah cih zo lo hi. Elijah a that ding namsau in bangmah cih zo lo hi. Jeremiah le Micaiahte thongsung pan suakta uh hi (Heb. 11: 33 37). Job in lungduai takin hamsatna a thuakzia eite etteh ding ahi hi. Hih bangin Topa tungah a thuman mite le midang, bang in kilamdangsak hiam?
__________________________________________________________________
_________________________________________________________________
James in a genna ah: lungkia lo, thuak tinten, lametna le Topa muanna cihte in bang bang thuak ta leng, Topa tungah hong kipsak hi, ci hi. Lungduaina (makrothymias) cih in nisa, guahtui thuak zawhna, na khat peuhpeuh thuakzawhna pulaak kammal hi. Kamsangte in Topa Pasian' hang bekin thuak zo uh hi ( James 5: 10). Abraham in zong a kipia kamciam a tangtun mateng, lungduai takin ngak hi (Heb. 6: 12, 15). Khrih in zong a thuak gimna khempeuh lungduai takin hong thuak hi (2Pet. 3: 15).
“Thuakzawhna” (hypomone) cih kammal in masuan khat, ngimna khat tunzawh mateng na khat peuhpeuh thuakzawhna pulaak hi. Job thuakna ah hih kammal kizang hi. Job in bang bang hamsat, gimna a thuak hangin, Pasian in siatna khempeuh a susiat hun ding, Amah a muang mite thupha a piak hun lametna tawh nungta hi (Job 14: 13 15).
Tu laitakin bang hamsat, gimna na thuak hiam? A piang nailo thute ading thu na ngen hiam? Lamet bei kisa-in na om kha zelzel hiam? Kamsang, Sawltakte thuakna ngaihsun in. Amau zong lamet bei a kisak hun uh om hi. Koi bangin na thuak gimna in thupha hi thei hiam?
THURSDAY *DEC. 11
KHUAVAK BANGIN KITEL SINSEN
James 5: 12 sim in. Lai Siangtho thuthuk kan tampite in bang hangin
James in kiciamna tawh kisai lim gen mahmah hi ding hiam, ci-in lamdangsa uh hi. Bang hangin kiciam lo ding ci-in hong hilh hi ding hiam?
_________________________________________________
James in puatham biakna deih lo hi. Nunzia hoih tawh i nun zawh nadingin, mawhmaina ngahin, vantung vanliatna lo-in kingah thei lo ding hi, ci-in hong hilh hi. I kampau in i lungsim a om thute pulaak hi. I lungsim a om bangbang a kigenkhia ahi hi (Matt. 12: 34). Khrih hong hilh bang mahin James in zong “Hih ding khat peuhpeuh na neih uh ciangin kiciamna na zang vet kei un. Kiciamnain vantung na zang kei un. Pasian tokhom hi veve hi. Leitung zong kiciamna in na zang kei un. Pasian khe ngakna mah hi veve hi. Jerusalem khuapi zong kiciamna-in na zang kei un. Kumpi Lian ahi Pasian khuapi mah hi veve hi. Kiciamna-in na lutang uh na zang kei un. Na lu tunga om samzang khat bek nangawn a kangsa vomsak thei lo-in, a vom pen na kangsak thei kei hi. Na gen peuhmah ahi ahih leh, hi ci inla, ahi lo ahih leh, hilo cihna tawh kicingsak in. Tua bang hi lo-in kiciamna tawh kizomin kam na zat ciangin Dawimangpa tawh kizomin thuman lo na hih lamtak hong kilang hi (Matt. 5: 34, 35). Na khempeuh Pasian neihsa vive hi. Tua hi-in i kamciam tangtun nadingin kei a hi, ci-in na khat tawh kiciam ding hi lo hi. I hihna bangbang kician sinsen ding thupi hi. Thuman in Pasian a hi. Zuau khemna in ahih leh, Satan a hi. Ellen G. White, Thoughts from the Mount of Blessing, 66, 68.
Khrih in thukhen zuma kiciamnate a nial hi lo hi. Siampi Liante mai-ah kiciam ding a kisawl ciangin, Khrih in kiciam ding nial lo hi (Matt. 26: 63, 64). Thuman pulaak ding tawh kisai-in i phawk ding thu in: mihing theihna in ciangtan nei hi. Mihing in na khempeuh thei khin zo lo hi. I lungsim pianzia mahmah zong kithei khin zo lo mihingte ihi hi. Thuman i gen ciangin itna siksanin gen ding kisam hi. A za mite phattuamna a piangsak ding kisam hi.
Eph. 4: 15, 29; Kol. 4: 6 sim in. A hong hilh thute Pasian hehpihna tawh a zui hi lecin, na nungzia tampi
kilamdang ding hi lo hiam?
FRIDAY * DEC. 12
SIMBEH DING: Ellen G. White, “ From Zezreel to Horeb” in Prophets and Kings, 155 166.
Lungduai takin ngak ding, lungsim khuamial mahmah laitakin zong Pasian makaihna le a nasep zia muan ding kisam hi. Pasian tungah a kinga mi adingin cimawh le lamet bei cih bang om ngei lo hi. Ze-et hamsatna hong tung ding hi. Ahi zongin mainawt veve ding kisam hi. Tua in Topa ading a muanhuai, Ama nasem dingin hong cingtaaksak ding hi. Pasian i muan nading, Amah i upna a kip zaw semsem theih nadingin eite' mai-ah kamsangte le sawltakte in hong lak khin uh hi. Ellen G. White, Prophets and Kings, 177 189.
KIKUP DING DOTNATE
1. Anlak theih mateng taang le tahum pokhawmsak ding cih thugentehna i thei hi (Matt. 13). Koi bangin pawlpi kikhalna tawh kisai-in hih gentehna in hong thei telsak hiam? Bangci bangin pawlpi hong langpangte, pawlpi upna tawh kituak lo pawlpi mite tawh kizopna na nei thei ding hiam? Bang mah lunghimawhse lo-in tu hithiat lel a, Topa hong pai ciang, aman thukhen nading hi, ci ziau ding maw? Tua bang ding hi lo hi. Sawltakte' hun lai-in Korin pawlpi, Galati pawlpi cihte ah thu-um mite khaalna limtakin kizang hi.
2. Ze-etna, hamsatna tawh kuamah kipelh thei lo hi. Tuate lakah na upna a kip nadingin Lai Siangtho le Ellen G. White in bang kamciam hong pia hiam? Tua bang hun ciangin kamsangte, Sawltakte nunzia panin na thangah deuhna a om hiam?
3. James in “ khat le khat kigensia kei un” ci-in hong hilh hi. Tua hi mah taleh, kigensiatna, hehna tawh kuamah kipelh thei lo hi. Koi bangin itna nei-in, mawhmaisak thei ding banah thuakzawhna nei ding na hiam?
