LESSON 10* NOV. 29 - DEC. 5
DAHIN KAP UN
_______________________________________________________________
SABBATH NITAK 7
TU KAAL SUNG SIM DING:James 5: 1 6; Late 73: 3 19; 1Sam. 25: 2 11; Siam. 19: 13; Lk. 16:
19 31; Matt. 5: 39
KAMNGAH: “ Bang hang hiam na cih uh leh na sum omna uhah na lungsim uh om tawntung
ding hi (Matt. 6: 21).
Leitungah sumhau nuam lo kuamah om lo ding hi. TV akipan a tuamtuam nate tung panin sum ngah theih nading kigen thute i za den hi. Ahi zongin na khempeuh sum hi lo cih thu i thei hi.
Neih le lam tampi a nei mi tampi in lungnopna nei tuan lo uh hi. Sum ngahna tam napi nuntak nuamsa lo mi tampi om hi. Mi tawh kizop siamna, nasepna ah lungkimna, nuntakna in mannei hi, ci-in nuntakna cihte sum tawh kilei thei lo hi. Maitai-na, nuihmai siuseu, itna tawh mi hopihna, hehpih theihna, mi zahtakna thupi simna, kilawmtatna cihte sum le paai tawh kilei thei lo hi. Pasian hong piakkhong, upna, lametna, a sia a pha khentel theihna, lungduai-na, lungkimna, cihte Kha Siangtho tawh a nungta mite in ngah ding uh hi. Thu-um mite in hih bangin nungta ding hi napi, nisimin angsung huaihamnate hangin lungkhamna tawh kidim uh hi. Huaihamna pen siatna lianpi hi, cih thu tu kaal sung thusinna in hong hilh ding hi.
SUNDAY *NOV. 30
PASIAN IN THUMANIN THUKHEN DING HI
“A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un” ci-in James in tangko hi (James 5: 1). Hauhna in beimang pak thei hi (James 1:10,11). Sumhau mite thuak ding gimnate hangin, James in dahin kap un ci hi. Amautegamtat siatna hangin gimna thuak ding uh hi (Lk. 17: 2 29; 2Tim. 3: 1, 2; Mang. 18: 3, 7). Pasian thu um kici mi pawl khat tua bang gimna tawh kipelh lo ding uh hi (Mang. 3: 17). James 5: 1 ah lungkhamna cih kammal in Laodicea pawlpi thuak ding lungkhamna tawh kibang ding hi (Mang. 3: 17).
Leitung in, a diakdiakin sum le paai vai-ah, thuman lohna tawh kidim hi. Bang hangin a haute hau
tektek, a zawng mite lah zawng tektek hiam? Late 73: 3 19 sim in. Bang lametna hong kipia hiam?
_______________________________________________________________
_______________________________________________________________
Thuman lo mite in Pasian thukhen gimpiak thuak ding uh hi. Tua hi-in thumanna tawh nungta un, ci-in kamsangte in tangko uh hi. Thuman lohna tawh kidim ahih manin Pasian in bang mah a sem lo ding tawh kibang hi. Pasianmite in thuman lo-in nungta-in, a hauhnate uh kisaktheihpih uh a, Pasian langpan uh hi. Ahi zongin gimthuak lo-in nuamsa-in nungta uh ahih manin, Habakuk in zong, amaute tungah Topa thukhen ding ngaklah hi (Hab. 1: 2 4, 13, 14). Topa in Habakuk kiangah, Amah muang in, Ama thukhen hun hong tung ding hi, ci-in thaguan hi. Tua bangmahin kamsangpa in zong muang theipah hi (Hab. 3: 17, 18).
Thuman lohnate hangin na heh hiam? Mite thuman lohna tawh kisai-in i puahtheih, i sep theihna ciang khat a om tei hangin, Topa kamciam a om bangin, Ama thukhen hun ding lungduaitakin na ngak ding hiam?
MONDAY* DEC. 1
HAUHNA IN MANNEIH LOH HUN HONG TUNG DING
James 5: 2, 3 sim in. James in bang lauhuai vau-na gen hiam? Bang thu gendiak hiam?
Bang thupaipi pulaak hiam?
__________________________________________________________
__________________________________________________________
“Neih le laam nate muattum mang ding,” “ngun le khamte kekseu ding,” “silh le teente nget in netum ding” cihte in a hong tung ding gimna limcing khol hi. Leitung in a siatna ding lam manawh tektek hi, cih hong phawksak hi. Leitung nuntak hamsa semsem a, gimna khat khit khat kibehlap den hi. Nopsak hun a om tei hangin, tawm vei sung bek kikhom hi. Mihau, milian, gam uk kumpite a kipan mi kim in hamsatna tawh kipelh lo hi. Lungkimtheih lohna, a hau a zawng kikhai lua, khat le khat kikaal ah nuntak khuasak zia kikhai lua cihte in a haute hausak tektek, a zawngte zawngsak tektek hi. A hau mite' hangin a zawng mite in nuntak hamsa sa uh hi. Tua bang hun mahin James in a hau mite thuak ding thukhenna hong hilh khol hi.
Hih a nuai mite nunzia, a hau le bang mah neilo mite nunzia ngaihsun in.
1. Nabal (1Sam. 25: 2 11)___________________________
2. Hezekiah (2Kum. 20: 12 19) _______________________
3. Peter (Sawl. 3: 1 10). _____________________________
A sawt lo-in leitung hauhna in beimang ding hi. Sum in na khempeuh sem thei lo ahih zia kitel zaw semsem ding hi. Sum in kisapna mun nei a, zat lohna ding munah a kizat khak ciangin sum in siatna piangsak hi. Kizang khial leh, siatna lianpi suak hi (James 5: 3). James in ni tawp ni-a mite nunzia hong hilhkholh ahih hangin, tu hunin zong, tua bang siatna i mu den hi. I siatna ding neih le lamh, sum le paai zong ihi kha hiam? Ahih kei leh a tawntungin kimang ding, vantung sumkholhna ah na neih khempeuh a khol na hi hiam?
Sum le paai tungah na lungsim puakzia ngaihsun in. Koi bangin mi tawh kizopna ah sum in
hong huzaap hiam? Tua in na sum zatzia hong lak hi.
TUESDAY* DEC. 2
MIZAWNGTE THUAK GIMNA
James Laikhak sungah a hoih lo khat le khat kizopna sumhau mite thuman lohna, amau thuak ding gimnate, (James 1: 11), amau hauh nadingin a nungta mihaute, (James 2:6), tote in nasemte tungah thuman lo (James 5:4) cihte i mu hi. Hih bang mite in mizawng mite nengniamin amau ading bekin a nungta mite hi (James 5:3). “ Na lo uh a hong khawhsakte a thaman pia lo na hih manun tu-in amaute phunna za un”( James 5:4). Siam. 19: 13; Thkna. 24: 14, 15; Jer. 22: 13 cihte enkak in. Bang thupaipi kigen hiam? Tanglai mite ading bek hi lo-in tu hun a zuih ding bang thu hong hilh hiam?
_____________________________________________________________
______________________________________________________________
Tua hun lai-in ni khat nasep thaman kipia pahpah a, ni khat thaman tawh an le tui leina-in neipah uh hi. Ni khat sep thaman, tua ni mahin kipia kei leh, annek ding om lopah hi. Tua hangin nisimin sep thaman piakpah ding lim gen mahmah hi. James in nasep thaman a piapah lo a hau mite gamtatzia langpan mahmah hi. Hau mahmah napi, thuman lo-in nasemin a zawng mite nengniam cih pen siatna lian mahmah khat hi. Mizawngte sim mawh bek hi lo-in, Pasian mahmah a simmawh ahi uh hi. Tua bang thuman lohnate Pasian in khahkhong lo ding hi, ci-in James in pulaak hi.
Sumhau mite in amau hauhna tawh kizui-in vaipuak lianpi nei pah uh hi. Thuman lo-in hauhna, meigong, tagahte bawlsia-in ama nopsak nading bek a zong mite, huaiham angsung bek ngaihsunin nasepna a kipan cimawh genthei a huh lo mite in amau sepna bangbangin Topa in thukhen ding hi. Tua thu hangin, a hau mite aw na thuak ding uh gimna hangin dahin kap un, ci-in James in pulaak hi. Ellen G. White, 2T. 682.
Sum tawh kisai-in mite tawh na kizopzia in koi bang hiam? Koi bangin na upna pulaak hiam? Khrih nunzia na kilangsak hiam?
WEDNESDAY*DEC. 3
PUMPI THAU-NA LE NUAMNA
“Hih leitung nuntak sungun uang nekin na noptat mahmah uh hi. Note hong kigawh hun ding kiginna-in a kithausak phitphet na hi uh hi” (James 5:5) Eze. 16: 49; Amos 4: 1 tawh enkak in). Koi bangin mite noptatna pulaak hiam? Mi khat, a hauh ciangin, mi dang khat in zawnlawh hi. Mizawngte a zawn semsem ciang, mi hautea hauhna uh kibehlap ciangin mizawngte' zawn kibehlap hi. Hauhna a khan manin thuman lohna zong tam hi. Khrih thugentehna ah mihaupa le Lazarus in, thuman lohna pulaak hi (Lk. 16: 19 31). Tua hun lai-in mi khat in puan silh nih a neite mi hampha-in kingaihsun hi. A hau mahmahte bek in kum khat khat vei pawi bawl uh hi. Ahi zongin tua mihaupa in puan manpha nono silhin, an lim nono ne den hi (aneu 19). Mi zawng Lazarus ahih leh, mihaupa' kongkhakah ankhing ngakin om hi. Sih khit ciang, misi omzia a hong hilh hi lo-in, thuman lo a hinglai mite nunzia a hilhna ahi hi.
Greek laimal ah vantung hell cih kammal om lo hi. Mihaupa le Lazarus omna mun uh (aneu 23) hankhuk (hades) ahi hi. Amaute gel kikaal ah guamthukpi in limciinna nei a, tua in tawntung sihna ahih kei leh tawntung nunna ahi hi. Hih thugentehna in, i nuntak sungin mite tungah i bawlzia in nak thupi mahmah hi, cih hong hilh hi. I nuntak hun sungin i gamtatna bangbang a tawntung kimang suak ding hi-a, nuntakna a bei khit ciang, kipuahphakik thei cih bang om lo hi. “Mi khat peuh in, “Pasian ka thei hi,” ci napi-in a Khristian mipihte a muhdah leh a zuaupi a gen ahi hi. Bang hang hiam cih leh a muh theih a Khristian mipih a it lo mi in a muh theih loh Pasian it thei lo ding hi.” 1Jn. 4: 20.
Na sep khitsa kisikin na bawlphat nop a om hiam? Tu-in na sep khak loh manin zing le thai ah a kisik nahihloh nading tu-in bang sem thei na hiam?
THURSDAY* DEC. 4
KHIALH KHAK MITE NGAWH
Mihingpianpih a hoih lo thu khat: i khialh khak ciangin tua khialhna mi ngawh hamtang detna ahi hi. “Keima gamtatna hang hi,” ci nuam lo-in ngawh kawikawi i nei hi. I khialh khak mite zong i ngawh hi. Tualthat mite in a piankhiatna uh ngawhin, that kei leng amah hong that ding cihte a kipan ngawh tampi nei uh hi. Nupa kikhente in zong, amau kikhenna a hang, numei in pasal ngawh, pasal in numei, kingawh ciat uh hi. Migilote in Pasian nasem misiangthote, thuman lo nasemte ci-in ngawhin that uh hi. Khrih mahmah in zong hih thu hong hilhkhol zo hi. “Note hong that mite pen Pasian nasemin a kingaihsun ding uh hun hong tung ding hi (Jn. 16: 2). James in “A thuman mite mawhsakin na that uh a, amaute in na thu uh hong nial zo lo uh hi” (James 5: 6) ci-in a gen bang mahin amah zong a upna hangin thahna thuak hi kha ding hi, ci-in kiciamteh hi.
Khialhna khat mi ngawhin, a nungciangin nangma khialhna ahih lam kiphawk-in na kisik kik ngei hiam? Hong thuk kik kenteh ci-in mi na ngawh ngei hiam? Nial lo hi lecin kitot kiselna om lo ngel ding hi ven, na cih hun a om hiam? Khrih kammal, na biang hong kibet leh, a lang khat zong dawh in” cih thu in bang thu hong hilh hiam? (Matt. 5: 39). Koi bangin thuk lo-in thuak zo thei ding na hiam?
Mihaute pen hau uh ahih man a James in amaute thuhilh hi lo hi. Pasian deihna le amau lungsim puak le gamtatnate kituak lo ahih manin a thuhilh hi zaw hi. Tua bang mahin mizawng hih manin Pasian maipha ngah zaw ding cihna zong hi tuan pah lo hi. “Pasian thu ah a zawng mite” in upna thu ah hauhna ngah ding uh hi. Tua bang mite in Pasian gam luah ding uh hi (Matt. 5: 3; James 2:5). Hih bang nunziat neih nadingin, neih le lamh zawnna tungah kinga lo hi. Ahau mite in Pasian mai-ah mizawng hi kha thei uh hi (Mang. 3: 17). Israel mite in Canaan gam a tun uh ciangin nuamsa-in Pasian a mangngilh khak loh nadingun Pasian in hilh khol hi (Thkna. 8: 11 18).
FRIDAY*DEC. 5
SIMBEH DING: Sum in manphatna tampi nei hi. Bang hangin man nei hiam cihleh, na hoih tampi sem thei hi. A
hoihin kizang leh, nek ding neilote gilvah hi. Dangtakte in tui ngah uh hi. Silh ding puan nei lote in puan nei thei uh hi. Cimawh genthei mite in noptuamna ngah thei uh hi. Kitangsapna tuamtuam hong huh thei hi. A dam lo cinate a ding kibawl theihna hi pah hi. Pasian gamzai nading, nisim nuntak khuasak nading kitangsapnate ah a kizang sum in mannei mahmah hi.
Mite' phattuam nading a kizang lo hauhna in a mawkna hi bek lo-in samsiatna hi. Nuntakna zong susia thei hi. Vantung hauhna tawh hong kigamlasak thei hi.Ama hauhna in vantung Pasianpiak hi, cih a thei mi in, Pasian deihna bangin zeek siam ding a, a zatna bangbang vantung sumkholna hi, ci-in lungmuang thei hi.
KIKUP DING DOTNATE:
1. “Mihaute in mizawngte uk a, leitawi a late pen a piate sila a suak hi” (Pau. 22: 7) cih thu ngaihsun dih in. Mizawng tampite in a ngah masaksak uh zang pahpah ahih manin bang mah nei thei lo uh hi. Mi khat in leiba a neih leh, Satan thangsiahna sungah awkin siatna sung hong tunpih kha thei hi. Ellen G. White, The Adventist Home, 392. A zawnna panin a suahtak theih nading huhnasep, leiba tawh kipelh theih nading makaih nasep cihte in Lungdamna Thu tangko
nasepna mah hi lo hiam? (Lk. 4: 18) Bang hang? Hi lo ahih leh zong, bang hang?
2. Sum in nang hong uk hiam? Ahih kei leh, nang sum a uk zaw na hiam? Lk. 16: 10 13.
3. A hau, a zawng kikhaihna lian semsem hi. Inn hoih tampi pi nei a om hangin, inn nei lo mi tampi om hi. Hauh nadingin nungta mi le nek
ding nei lo mite ngaihsun in. Mi kim khat in a haute kiang pan tampi ngah lehang, mizawngte huhna dingin kizang thei ding hi, ci uh hi. Mi khat leuleu in a haute hau semsem leh, a zawng mite in amau zawnna panin suakta thei ding uh hi, ci uh hi. Bang mah nei lo mi khat, zawnluatna pan suahtak nading bangci huh ding na hiam? Bangci bang zawnna huh huai a, bangci bang zawnna huh taakcing lo hiam?
