LIMLANG pen kua'n bawl a bang hunin kibawl ka thei kei hi. Zuak pi zah a gol, biz uu cia, ssabuai tawh kizom a kibawl tuamtuam om hi. Nu eite sumbawm sunga kiguang thei a neu mahmah zong om hi.
LIMLANG kinak zat mahmah a, Tua te lakah, model film star te in nak zat penpen uh hi. Tua tawh kizom make- up om hi. Makeup, lipstick color nam kimin kibawl hi. Muksanza pen a kaang, Avom, a eng, tuamtuam om hi. Tua te a munmunah ZATNA dingin numeite in hun tampi zang uh hi. LIMLANG leh kizem kizepna kikhen ngei lo hi. Bil bah, nak bah, Mitchu tunga kisuang bah, leii, tunga a kisuang bah, tua banah a vang gei khempeuh a kisuang bah tuamtuam omlai hi. Hoihna dingin kizang ngentang ahi hi.
ADANG LIMLANG TUAMTUAM .
Political- lam leh Biaknalam, et telna LIMLANG zong Kisam hi. Political lam ki-etna LIMLANG pen opposition party ahi hi. Democracy party khempeuh in opposition party guang uh hi. Tua party in party thanemna ahi zongin, lampialna ahi zongin, a Siatna
Puah thei hi.
Opposition neilo pen Communism gam Socialist gamte ahi hi. LIMLANG en ngeilo numei tawh kibang hi. Party pen a critecise thei lo hi, a hoih lohna gente pen gam leh Minam itlo, ci-in mawh sak uh hi. Lampi khat bek zui- in pai ahihmanin Asia- apha a phawk sak ding om lo hi. Agente sumai pah pah uh hi. "Minam na it uh leh, Ahoih lohna gen kei un," cih ngeina tawh kalsuan mawk uh hi. Thanemna kigen ngeilo kipuah pha lo gam leh minam pen a taw a tun dongin zawngkhal ding hi.
Communism gam pen zawngkhal semsem napi, a siat lam kimu thei lo uh hi. Democracy gam thu tampi sinin sim ding ahi hi. Khalam thu zong tuamah bang hi. Laisiangtho Ih sim ciangin, ei ut thu ciang bek tawh Lungkim loin Pasian ngimna zon tawntung ding ahi hi. Laisiangtho in pilna namkim in hilh ahihmanin, mikhempeuh mit kihong sak hi. A khangto gam, suak sak hi. Lam lak meivak hoih pen ahi hi.
